Micah 6:3 - Syin Chin Bible

³ Topa in, “Ka mite awng, note tungah bang hong vawt zo khi ziam? Note atu bangbangin vanh ngit khat suak zo khi ziam? Hong zo tavun.

Micah 6:3 Iomraidhean Croise

Psalm Late 50:7

“Ka mite awng, na ngai vun, hong son tu khi hi; Israel te awng, note langpanna tetti pang tu khi hi. Kei sia Pathian ka hi a, note Pathian ka hi hi.

Psalm Late 51:4

Nangma tung tatak ah hong maw zo khi hi, sia na sakte ka vawt zo hi. Tua ahiciangin, thu nong khenna sia maan hi; kei nong mawsak sia khial ngawl ni hi.

Psalm Late 81:13

Ka mite in ka pau hong ngai hen a, ka thu hong ni le ka oai mama hi!

Psalm Late 81:8

Ka mite awng, kidop natu kong sonte ngai vun; Israel awng, ka thu nong ngai tu uh ka thangai mama hi!

Isaiah 5:4

Hisia atu ka sep laak bang om ziam? Tuaciang ka muanmawk bang sapit phate piang ngawl a, banghang sapit thuk piang thong ziam?

Jeremiah 2:31

Israel mite awng, ka kampauna hong ngai tavun. Kei sia note atu in sennealngam khat bang ka hi ngei ziam, khuazing le a lauhuai ngam khat bang ka hi ngei ziam? Tua ahile, banghangin, ka uk bang po in ka ngamta tu uh a, nang kung kong zuan ngei nawn buatu uh hi na ci thei uh ziam?

Jeremiah 2:5

Topa in: “Na taanghpupite in kei hong langpanin bang hong mawsiat ziam? Kei kung pan amate a puapialsak sia a bang ziam? Amate in a man nei ngawl milimte bia in amate mama a man nei ngawl suak uh hi.

Micah 6:5

Ka mite awng, Moab kumpi Balak in note bang law hong sawm a, Beor tapa Balaam in bangbang zo kik ziam cisia phawk kik vun. Acacia ngiaphual pan Gilgal paina lampi ah a piang teng phawk kik vun. Hite phawk kik vun, tua hile note kong ngup natu in ka septe phawk tu nu hi,” ci hi.

Romete 3:19

Leitung buppi Pathian thukhenna sungah a thet natu le mihingte kam zon theina theampo a bo thei natu in Thukham sungah thu omte theampo in Thukham khutnuai ah a omte atu ahi hunlam ka he uh hi.