Micah 5:8 - Syin Chin Bible

⁸ Minamte sungah a taanglai mite sia duisung ahibuale, ngamsa tatna mun ah, an zong tawpi savai khat bang hi tu hi: ama in tuuhon sungah tum a, tuute manin a bek a bekin laai a — tuaciang suatak natu lametna om ngawl hi.

Micah 5:8 Iomraidhean Croise

Pianciilna 49:9

Judah sia, Sa manin a kuahawng zuan kik a, Kizia in a lumsuk tawpi khat taw kibang hi. Kuama in ama nawngkaisak ngam ngawl hi.

Psalm Late 104:20

Nangma in zan na vawt a, khuazing sungah ngamsa theampo pusuak hi.

Psalm Late 44:5

tuaciangin nangma vaangletna taw ngalte ka zo uh hi.

Psalm Late 50:22

“No, kei hong ngaingonte awng, hi thu ngai vun, tua ahibuale kong susia tu hi, tuaciang no hong hun tu kuama a om buatu hi.

Paunakte 30:30

nganhing sung teng pan a thahatbel le kiitak mama a nei ngawl tawpi;

Isaiah 5:29

Ngalkapte sia, tawpite in ngam sa khat man a, amate kung pan kuama ii a laaksak thei ngawl natu munah tua in, a hawk bangin au uh hi.

Ezekiel 39:10

Amate in lo sung pan thing tom tu le duisung pan thing phuk tu kul ngawl hi, banghang ziam cile amate in ngalhiam nusiatte a thut tu in nei uh hi. A ngalte ii a suttol a laaksak vanhte, amate in suttol a, laaksak tu hi,” Vaanglianpipa Topa in son zo hi.

Hosea 5:14

Keima in tawpi khat bangin Israel le Judah mite ka sim tu hi. Keima mama in amate ka balneen tu a ka nusia tu hi. Amate ka kaikeak ciang kuama in hun zo ngawl tu hi.

Micah 2:12

“Ahihang no Israel mi a taanglai theampo kong kaikhawm tu hi. Tuute a khawk sungah a cia bangin kong khawmtua tu hi. Tuute a dimin a om nganthana mun bangin na ngam sia mihing tam mama taw khatvei kidim kik tu hi,” ci in zo kik hi.

Micah 4:13

Topa in, “Jerusalem mite awng, pai vun a, na ngalte daan pia vun! Thikkii a nei le taau peangcin a nei khuital khat za in kong hatsak tu hi. Note in minam tam mamate tuanhpeak in, ngongtatna taw a nga, nei le lamhte keima, leitung buppi ii Topa nong pia tu uh hi,” ci hi.

Micah 4:7

Amate liamin bai a, inn panin kikhuala hi, ahihang a taanglaite atu kipat kikna thak khat ka vawtsak tu a, amate minam lian khat suak tu hi. Amate tua hun pan kipan Zion Mual tung pan a tawntungin ka uk tu hi,” ci hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Zechariah 10:5

Judah mite in a ngalte lampi buan sungah a siikcil ngalkapte bangin ngalzo tu uh hi. Topa in amate panpui ahiciang amate in ngalsim tu uh hi, amate in a ngalte siphu ngalkapte ngawngawn zo tu uh hi.

Zechariah 11:6

(Topa in, “Leitung ah kuama hesuak nawn ngawl tu khi hi. Keima mama in a ukte khut sungah mi theampo ka koi tu hi. Hi ngamukte in leitung siacipsak tu a, amate thahatna panin tua leitung ka suatak buatu hi,” ci hi.)

Zechariah 12:3

Ahihang tua hun hong thet ciang, Jerusalem sia a ngit suangtum pui khat bangin ka vawt tu a — tuasia laamto tu a kipan minam pawpo liam tu hi. Leitung minam theampo kipawlin ama sim tu uh hi.

Zechariah 14:18

Egypt te in tua Buk Poai khaam tu a nial le, tua poai khaam tu a nial pawpo tung ah Topa ii puak tua natna sia ma taw daan thuak tu hi.

Zechariah 9:15

Vaanglianbelpa Topa in a mite sungsia tu hi, tuaciang amate in a ngalte susia tu uh hi. Amate sia ngal kisimna sungah zukhamte bangin au in, a ngalte chisan luangsak tu uh hi; tua chisan sia biaknatau tungah beal sung pan a kisung sangaw biakpiakna khat ii chi bangin luang tu hi.

Malachi 4:3

Ka dian ni ciang, mi seksolte na zothal tu uh a, amate sia na peang nuai a leivuite bang hi tu uh hi.

Mi Simna 24:9

Tua minam sia a thahat tawpi khat taw kibang a; A mut laitakin kuama in phong ngam ngawl hi. Israel thupha a pia pawpo thupha kipia tu a, Israel a haamsiat pawpo kihaamsiat tu hi.”

Matthew 10:14

Tuaciang innkuan khat po khua khat po in hong saang nuam bua a, na thuson hong ngai nuam buale, tua mun taisan tavun a, na peang nuai leivuite thin vaset tavun.

Sawltakte 18:6

Amate in nalh in, ama huvau kamsia a pau uh ciang, ama in a lungkim ngawlna a lakna in, a puan tungah leivui baangte thin a, “Na mangthang uh le noma mawna hang hi tu hi! Kei hang hi ngawl tu hi. Tu pan kipan Gentile te kungah pai tu khi hi,” ci hi.

Hebrew te 12:25

Tua ahikomin kidawm vun a, a sonpa sia ngai nuam ngawlin, nial heak vun. Pathian thu leitung ah a son pa nadon ngawl a, a nialte a suakta bua hi. Vantung pan hong sonpa na thusim buale bangbang suakta thei seseam tu hi ziam!

Hebrew te 2:3

Tua hi a, hi zata in a lian ngupna thusim buathong leang bangbangin suakta tu hi ziam? Topa ama mama in hi ngupna thangsak masa a, tuaciangin a zate in ei tungah tua thu a maanna hong lak zo hi.