Micah 5:7 - Syin Chin Bible

⁷ Israel mi a suakta laite sia minam tam atu in Topa piak tha thak nga kikna daaitui bang hi tu a, thingno suante tung a nguazu vapeak bang hi tu hi. Amate in Pathian bealh tu a, mihing suang ngawl tu hi.

Micah 5:7 Iomraidhean Croise

2 Samuel 17:12

David sia a omna po ah ih mu tu a, tuaciang ama in bang piang ziam ci a heak ma in ih sim tu hi. Ama ahizong a mite ahizong a suakta om ngawl tu hi.

Psalm Late 110:3

Na ngalte na sim ni ciangin na mite in amate uuk thu in nang hong pawm tu hi. Zingsang tuung daaitui bangin na khangnote in nang kung mual thiangthote tungah hong pai tu hi.

Psalm Late 133:3

Hermon Mualvum tungah daaitui Zion mualte tungah a kia sia taw kibang hi. Tuasia in tawpna a nei ngawl nuntakna a kici Topa ii thupha piak tu a kamciamna mun ahi hi.

Psalm Late 72:6

Kumpipa sia lo sungah nguazu bang, leitang tungah nguatui buak bang hi tahen.

Paunakte 19:12

Kumpipa ii thin uukna in tawpi hawk bang ahi hi. Ahihang ama ii hong phatvawtna sia ih dei laitak a zu nguatui bang ahi hi.

Isaiah 32:15

Ahizong Pathian in ama thaa khatvei ma hong puak kik tu hi. Leisiate leipha suak kik tu a, lo panin an tam mama piang tu hi.

Isaiah 44:3

“A dangko leitang tungah tui ka pia tu a leiko tungah luitui ka luangsak tu hi. Na tate tungah ka thaa ka bua tu a, na suan na paalte tungah ka thupha ka pia tu hi.

Isaiah 55:10

“Ka kammal sia leitung tuibuak tu in van pan hong taaksuk vuuk le nguatui taw kibang hi. Tuate in ankungte khangtosakin ciin tu anciite le neak tu an piangsak hi.

Isaiah 66:19

tuaciang amate daan pia pa ka hi sia he tu uh hi. “Ahihang amate sung pan pawlkhat ka khe tu a, ka minthanna a za ngawl, ahibuale ka letna le ka vaangletna a mu ngawl lai minamte le ngam khualate ahi, Spain, Libya, Lydia le a thalkaap thiamte ii ngam, Tubal le Greece te ngam ah ka puak tu hi. Amate in hi ngamte sungah ka letna thangsak tu uh hi.

Jeremiah 14:22

Minamte ii milimte in nguazusak thei ngawl hi; van in ama ii thu taw nguazusak thei ngawl hi. Topa kote Pathian awng, hite a vawt pa nangma na hikom nang sungah lametna kong nei uh hi.

Ezekiel 14:22

A suakta khat po om a, a tate a hun le na kungah hong pai ciang, na en in. Amate bangzata sia in ngilo ci sia na mu ciang Jerusalem tungah daan ka piakna sia piak tuak a hina thu tel in;

Ezekiel 47:1

Tua pa in Biakinnpi sung tumna ah hong heakpui kik hi. Tua tumna nuai pan tui hong phul a, Biakinnpi maingatna nisuana sangah luang hi. Tuasia biakinn thangsang a nuai pan biaknatau thangsang tawnin luangsuk hi.

Ezekiel 5:5

Vaanglianpipa Topa in, “Jerusalem en in, Ama sia leitung bup ii laizang ah ka koi a, a dang ngamte sia a kiimkot ah om hi.

Daniel 11:32

Theamna taw kumpipa in a biakna uh a nusia sa mihingte ii panpuina nga tu hi, ahihang Pathian nung a zuite in do kik tu uh hi.

Hosea 14:5

Keima in Israel mite tungah ngam kona ah nguatui bang ka hi tu hi. Amate in paakte bangin a palh tu hi; Lebanon thingkungte bangin a zung kho tu hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Joel 2:32

Ahihang Topa tungah huna a ngen theampo kingum tu hi. Topa ci sa bangin ‘Jerusalem a om pawlkhatte suakta tu a; ka teal mite suakta tu uh hi.’

Amos 5:15

Thusia ngaimaw in thu man dei vun a, thukhenzumte ah thukhaikim omsak vun. Hi ngamte sungah a nungta lai mite Topa in hesuak thei tha tu hi.

Micah 2:12

“Ahihang no Israel mi a taanglai theampo kong kaikhawm tu hi. Tuute a khawk sungah a cia bangin kong khawmtua tu hi. Tuute a dimin a om nganthana mun bangin na ngam sia mihing tam mama taw khatvei kidim kik tu hi,” ci in zo kik hi.

Micah 4:13

Topa in, “Jerusalem mite awng, pai vun a, na ngalte daan pia vun! Thikkii a nei le taau peangcin a nei khuital khat za in kong hatsak tu hi. Note in minam tam mamate tuanhpeak in, ngongtatna taw a nga, nei le lamhte keima, leitung buppi ii Topa nong pia tu uh hi,” ci hi.

Micah 4:7

Amate liamin bai a, inn panin kikhuala hi, ahihang a taanglaite atu kipat kikna thak khat ka vawtsak tu a, amate minam lian khat suak tu hi. Amate tua hun pan kipan Zion Mual tung pan a tawntungin ka uk tu hi,” ci hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

Micah 5:8

Minamte sungah a taanglai mite sia duisung ahibuale, ngamsa tatna mun ah, an zong tawpi savai khat bang hi tu hi: ama in tuuhon sungah tum a, tuute manin a bek a bekin laai a — tuaciang suatak natu lametna om ngawl hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Zephaniah 3:13

A taanglai Israel mite in kuama tungah khial ngawl tu a, leilot thu son ngawlin ngual a theam buatu uh hi. Amate ma vang daupai in ngammuang tu a, kuama a kiita buatu uh hi,” ci hi.

Zechariah 14:8

Tua ni hong thet ciang, Jerusalem pan tui thiang hong luang tu a, a lang sia Tuipi Thi ah, a lang sia Mediterranean tuipi ah luang tu hi. Tua tui sia tuk taw khaal taw kum tawntungin, luang tu hi.

Zechariah 9:13

Keima in Judah sia ngalkap khat ii thal bangin, Israel sia thaltangte bangin ka zangh tu hi. Greece mite do tu in Zion pasalte sia namsau khat bangin ka zangh tu hi,” ci hi.

Matthew 28:19

Tua ahiciang pai tavun, mun theampo ah mihing theampo ka nungzui suaksak tavun: Pa, Tapa le Thaa Thiangtho min taw tui na phum tavun,

Sawltakte 11:15

Tuabangin thuson ka kipat ciangin, Thaa Thiangtho sia eite tungah a masa a hong pai bang tatakin, amate tungah tuaksuk hi.

Sawltakte 13:46

Ahihang Paul le Barnabas in, hang seseam in thuson uh hi: “Pathian thu, no kungah hong kihil maksak tu kisamh hi. Ahihang tuasia nialin tawntung nuntakna taw noma le noma kiphu na kisak ngawl uh hu in, no hong nusia in, Gentile te kungah pai tu khu hi,” ci hi.

Sawltakte 16:9

Paul in tua zanin a mukholna sungah Macedonia te pasal khat a ding mu in, ama tungah “Macedonia ngam ah hong pai ta'n a, hong hu ta'n!” ci in hesuak ngen hi.

Sawltakte 9:15

Topa in ama munah, “Va pai ta'n, banghang ziam cile, ama sia Gentile te sung, kumpite sung le Israel mite sungah, ka min hong kiheak natu in, ka naseam tu in, ka teal zo hi.

Romete 10:20

Isaiah in hangsan seseam in hi bangin ci hi. “Hong zong ngawlte in kei hong mu hi; Hong kan ngawlte tungah ka kilak hi.”

Romete 11:12

Jew te ii mawna hu in leitung bup in thupha nasia takin saang hi. Tuaciang amate ii thaa zawngkhalna hu in Gentile te thupha nasia takin kipia hi. Tua ahile Jew te sia a pawlcing in a kihuam siat ciangin thupha saanna bangza in lianzaw seseam tu ziam!

Romete 9:30

Pathian mai ah thutang sua natu a hanciam ngeingawl Gentile te sia a upna tungtawnin thutang suak uh hi, ih ci hi;

1 Corinth te 3:6

Kei in thaicii ka poai a, Apollos in a kung tuibuak in, ahihang a khangtosak sia Pathian ahi hi.

Thuhil kikna 32:2

Kong hilcianna nguamal bangin taak tu a, leitung ah daaitui kia bang hi tu hi. Ka kammalte sia thingkungnote tungah nguamal phiin bangin lopa moite tungah dam takin a zu nguatui bangin taak tu hi.

Thukhente 6:36

Tua zawkciang Gideon in Pathian munah, “Israel te a suatak tu in kei nong zak tu in khensat zo khi hi, ci ni hi.