Micah 5:5 - Syin Chin Bible

⁵ ama in kilemna puak tu hi. Assyria te in ih ngam hong sim a, ih ngalnanna kulh le taapte hong kaantan ciang, amate do tu in a hatbel ih lampuite ih puak tu hi.

Micah 5:5 Iomraidhean Croise

Job 5:19

Hun khat zawk hun khat ama in nang lal theina pan hong hun tu hi;

Psalm Late 72:7

Ama khan sungah thutanna khangto tahen a, khantona sia tha in khuavak a piak lai theampo in om tahen.

Paunakte 30:18

Kei atu a tel hak mama thu li om hi:

Paunakte 30:29

Lam a pai uh ciang a etlawm mama na nam li om hi:

Paunakte 6:16

Topa ii a etsat le a dual zawk ngawl thu nam sali om hi: Kiphatsakna maipuak, a theam thei leei, mawnei ngawlte a thatlum khut, seksol sawmin a ngaisun thinsung, siatna vawt tu a, a zuan ngang peangte, leilot thu khat zawkciang khat a son tetti, lawm le ngual sungah buaina pian natu a heltua pa cite ahi hi.

Thuhilsya 11:2

Na sumte mun tuatuam ah koi in a — mun tam mama ah sum vawt in — banghang ziam cile hi leitung ah bang kaamsiatna thuak tu ci sia na he bua hi.

Isaiah 14:25

Israel, ka ngam sungah Assyria te ka lalcipsak tu a, ka mualte tungah amate ka tuanhcil tu hi. Ka mihingte sia Assyria te ii hakkol pan le a puak tu a vanhngitte pan ka suatak tu hi.

Isaiah 44:28

Keima in Cyrus tungah, ‘Nangma in keima luangin a uk tu pa na hi hi; Keima dei bangin na seam tu hi: Jerusalem khua a kisak kik natu le Biakinnpi tawdapphate a kipha natu in thu na pia tu hi,’ ka ci hi,” a ci hi.

Isaiah 59:19

Ni suana pan nitumna dongah a teang mite theampo in ama le a vaangletna lian sia kiita tu uh hi. Ama in nguntui pawm bang le, vuipi bangin hong pai tu hi.

Isaiah 65:8

Topa in, “Sapit nga phate kuama in susia ngawl hi; amate in sapittui in vawt zaw uh hi. Tuabangin ka mite a vekpi in ka susia siat buatu a — ka na a seamte ka ngum tu hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Jeremiah 33:15

Tua hun ciang David ii suan le paal sung pan thumaan thutang khat kumpi in ka teal tu hi. Tua kumpipa in ngamsung theampo ah thudik le thutang in a maan sia seam tu hi.

Amos 1:3

Topa in, “Damascus mite maw kikik khial kikik ahiciang amate daan pia tatak tu khi hi. Amate in Gilead mite tungah ngilo in vawtsia hi.

Amos 1:6

Topa in “Gaza mite maw kikik khial kikik ahiciang amate daan ka pia tatak tu hi. Amate in minam bup paipui in Edom mite tungah salin zuak uh hi.

Zechariah 10:11

Amate in ngimna tuipi a kaan uh ciang, keima Topa in tuihualte ka saat tu a, Nile ngun thuk nate ko tu hi. A kiphasak Assyria kiniamsuksak tu a, a thahat Egypt in a thahatna taan tu hi.

Zechariah 10:3

Topa in, “Ka mite a uk ngamdangmite tungah ka thin uuk a, daan ka pia tu hi. Judah mite sia keima aa hi, tuaciang keima Vaanglianbelpa Topa in amate ka keam tu hi. Amate sia a thahat ka ngal siphute hong hi tu uh hi.

Zechariah 12:6

“Tua hun ciang Judah bee le phungte duisung ahibuale, thaw an min lak pha lo sung a meikaang bangin ka vawt tu hi — amate in a kiimkot minamte theampo susia tu uh hi. Jerusalem mite ahile khuapi sungah ngammuangin om tu uh hi.

Zechariah 9:10

Topa in, “Ngal siphu leangte Israel pan ka heam tu a, Jerusalem pan siphute ka la tu hi; Ngal kisimna sung a kizangh thalte ka lalsak tu hi. Na kumpipa in minam tuatuamte sungah kilemna omsak tu hi; ama in tuipi khat pan tuipi khat dong, Euphrates ngun pan leitung mong dong uk tu hi,” ci hi.

Zechariah 9:13

Keima in Judah sia ngalkap khat ii thal bangin, Israel sia thaltangte bangin ka zangh tu hi. Greece mite do tu in Zion pasalte sia namsau khat bangin ka zangh tu hi,” ci hi.

Luke 2:14

“Van a saangbelna ah Pathian minthang tahen, ama ii dik a sak leitung mihingte tungah thinnopna om tahen!” ci uh hi.

John 14:27

“Thinnopna kong nusiat hi; keima aituam neisa thinnopna kong pia hi. Leitung ii piak bangin kong pia bua hi. Thinngim in thinkiam heak vun; lau heak vun.

John 16:33

Kei taw ih kikopna hangin thinnopna na nga natu hi thu kong sonsa hi. Leitung in ngim le kham hong thuaksak tu hi. Ahihang na thin uh liansak vun! Leitung ka zo zo hi,” ci in zo hi.

Thupualaakna 17:14

Amate in Tuuno sia do tu uh hi; ahihang Tuuno in ama sapsa, tealsa le a thumaan nungzuite taw kopin zothal tu uh hi, banghang ziam cile ama sia topate ii Topa, kumpite ii Kumpipa ahi hi,” ci hi.

Thupualaakna 19:14

Vantung ngalkap honte in puankaang neal silh a, siphu kaang tungah to in ama zui uh hi.