Micah 5:4 - Syin Chin Bible

⁴ Ama hong pai ciang, ama in a mite Topa tung pan hong pai thahatna le Topa Pathian mama ii vaang neina taw uk tu hi. A mite ngammuang takin teang tu uh hi, banghang ziam cile leitung bup mihingte in ama ii letna saang thei tu a,

Micah 5:4 Iomraidhean Croise

Psalm Late 145:12

tuasia ciang mihing theampo in na sepna lianpite he tu a, na kumpingam sungah na minthanzia hong he tu uh hi.

Psalm Late 22:27

Ngam theampo in Topa a phawk tu uh hi. Leitung mun tuatuamte panin ama a zuan tu a minam theampo in ama a bia tu uh hi.

Psalm Late 72:19

Ama min tuanngen sia a tawntungin pok vun! Ama ii minthanna in leitung bup ah dim tahen. Amen! Amen!

Psalm Late 72:8

Ama ukna kumpi ngam sia tuipi khat pan tuipi khat dong kithung tu a, Euphrates ngun pan leimong dong hi tu hi.

Psalm Late 93:1

Topa in kumpipa hi. Ama in uk zawkna le thahatna sia puan bangin silh hi. Leitung sia a omna munah kho takin kiphut a, kikhiin thei ngawl hi.

Psalm Late 98:3

Ama in Israel te tungah a kamciam sia thumaanna le itna kip taw kholet hi. Mun theampo ah a om mihingte in ih Pathian ii zawna mu zo uh hi.

Pusuana 23:21

Ama thudon in, a thu ni tavun. Ama leedo heak vun, banghang ziam cile keima sawl hi a, tuabang leedona sia hong maisak ngawl tu hi.

Isaiah 45:22

“Leitung mihing theampo awng, tu in kei kungah hong kiheak tavun a, ngupna nga tavun! Pathian khat bek a om sia keima ka hi hi.

Isaiah 49:5

Ka pian ma in Topa in nasep tu hong see hi; ama in keima sia a mite kaikhawm kik tu le, a kithethaang Israel mite kaikhawm kik tu in a naseampa hong suaksak hi. Topa in vaang hong pia hi; ama in ka thahatna bulpi ahi hi.

Isaiah 52:10

Topa in ama ii a thiangtho vaangletna zangh tu hi; ama in a mite ngum tu a, leitung theampo in mu tu uh hi.

Isaiah 52:13

Topa in, “Ka naseampa in ama ii nasepna zo tu hi; ama sia nasia takin kipatoai tu hi.

Isaiah 8:7

Topa ahi Keima in, Judah ngam sim tu in Assyria kumpipa le a ngalkapte theampo ka paipui tu hi. Euphrates nguntui pawmin, ngun vaalbote theampo a khup siat bangin amate kuan tu uh hi.

Micah 7:14

Topa awng, na tealsa na mite tungah tuucing khat hong hi ta'n. Amate in duisung ngampa ah a tuatuamin teang hikale, a kiimkot ah leihoi leipha om hi. Nidang tawngh lai, a kivaak bangin lohing tamna ngam phana Bashan le Gilead ah amate paisak in kivaak tahen.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Zechariah 9:10

Topa in, “Ngal siphu leangte Israel pan ka heam tu a, Jerusalem pan siphute ka la tu hi; Ngal kisimna sung a kizangh thalte ka lalsak tu hi. Na kumpipa in minam tuatuamte sungah kilemna omsak tu hi; ama in tuipi khat pan tuipi khat dong, Euphrates ngun pan leitung mong dong uk tu hi,” ci hi.

Malachi 1:5

Israel mite in hite a mittang uh taw mu tu a, tuaciang amate in, “Israel ngam puasia ngawngawn ah Topa thahat hi,” ci tu uh hi.

Matthew 16:18

“Tuaciang, a maan takin kong ci ciang, Peter awng: nang sia suangpi na hi hi, tuaciangin, hi suangpi phungkawng tungah ka pawlpi ka phut tu a, thina ngawngawn zongh in a zo zo buatu hi.

Matthew 2:6

‘Judah ngam Bethlehem khua awng Judah ngam khuapi thupite sungah, nang sia a nobel na hi bua hi, banghang ziam cile nang sung panin, ka Israel mite lam a lak tu lampuipa khat, hong piang tu hi.’ ”

Matthew 25:31

“Mihing Tapa sia Kumpi bangin vantunglalangte taw hong pai ciangin, a kumpi tokhum tungah to tu a,

Luke 1:32

Ama hong thupi tu a, a Saang Bel Pathian ii Tapa kici tu hi. Topa Pathian in a taanghpupi David bangma in kumpipa suaksak tu hi.

John 10:38

Ahihang tuate ma ka seam nale, Pa sia kei sungah om a, kei sia Pa sungah om ka hina thu na up thei natu in, kei nong um bua uh zong, ka septe beak na up tu uh ahi hi,” ci in zo hi.

John 20:17

“Hong len top heak in, banghang ziam cile Pa kungah paito ngawl lai khi hi. Ahihang ka suapuipate kungah pai in va son ta'n. Ka Pa le amate ii Pa, ka Pathian le amate ii Pathian kungah heak kik tu khi hi,” Jesus in ci hi.

Ephesus te 1:3

Ih Topa Jesus Christ ii Pa le Pathian tungah lungdamko tawng! Banghang ziam cile Christ taw kipumkhatna sungah ama in eite sia vantung ngam taw kisai thaa thupha theampo hong pia hi.

1 Peter 1:5

Tua teng sia noma atu ahi hi, hun tawpkhak ni ciang a kilaak khia tu a kinging sa in a om, ngupna sia upna tungtawnin a nga note atu in, Pathian vaang taw tuate hong kepcingsak hi.

Jude 1:1

Jesus Christ ii naseam, James ii suapuipa Jude kung pan — Pa Pathian ii itna sung le Jesus Christ ii kepcingna sung a nungta Pathian ii sapsate tungah laithak ahi hi:

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.