Micah 5:2 - Syin Chin Bible

² Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Micah 5:2 Iomraidhean Croise

Pianciilna 35:16

Jacob le a innkuanpuite Bethel pan ding uh a, Ephrath khua a thet ma hiatin Rachel a nau nei tu hun tung a, nautun zo in ngim mama hi.

Pianciilna 35:19

Rachel a thi ciang Eprath paina lampi hui, tu in Bethlehem a kici na munah kiphum hi.

Pianciilna 48:7

Na nu Rachel hangin hi bangin ka vawt ahi hi. Mesopotamia pan ka heakkik lai in, Canaan ngamsung Ephrath khua taw kikhuala ngawlna ah ka khuangaibel natu in na nu hong thi hi. Ephrath paina lamhui ah ama ka phum hi,” ci hi. (Ephrath sia tu in Bethlehem kici hi.)

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

1 Khangtaanghthu 2:54

Bethlehem khuasaatpa Salma sia Netophath, Atroth Beth Joab le Zor mite ii taanghpupi hi a, Zor te sia tua Manahath ah a teang bee le phung nam nii sung pan nam khat hi.

1 Khangtaanghthu 5:2

Ahizong Judah nam sia a hatbel hi a, a nam theampo atu ukpa khat ii pianna ahi hi.)

Psalm Late 132:6

Bethlehem khua ah Thuciamna Thingkuang huvau ka za uh a, Jearim lote sungah tua thingkuang ka mu uh hi.

Psalm Late 90:2

Mualte na bitphua ma, simlei na piansak ma in nangma in a om tawntung Pathian na hi a, a tawntungin Pathian na hi tu hi.

Pusuana 18:21

Tua banah mipil mithiam pawlkhat tealin a, mihingte lampui tu in koi in: tuate sia mihing a tul, a za, a sawmnga le a sawm sim te ii lampuite hi tu hi. Amate sia Pathian a kiita mihing muanhuai le sumnguk ne thei ngawlte ahi kul tu hi.

Pusuana 18:25

Israel te sung pan mipil mithiamte teal hi. Ama in tua te sia mihing a tul, a za, a sawmnga le a sawm sim te ii lampui tu in panmun pia hi.

Isaiah 11:1

David kumpi khang kizopna sia a kiphuktan sa thingkung khat taw kibang hi; ahihang thingbul khat pan a baak meang thak a po bangma in, David suan le paalte sung panin kumpi thak khat khangto tu hi.

Isaiah 53:2

Leingum sungah zung a tha thingkung no khat bangin ama ii naseampa a khanto sia Topa deina ahi hi. Ama ih thusim tu in zatakhuaina ahibuale mealhoina nei ngawl hi. Ih thinbot natu ngaibanna bangma nei ngawl hi.

Isaiah 55:4

Keima in ama sia minamte lampui le a ukpa khatin ka koi a, ama tungtawnin mihonpite tungah ka vaangletna ka lak hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Jeremiah 30:21

Amate a uk tu sia amate ii minam sung pan ma in hong pai tu a, amate ii kumpitapa sia a minam sung pan ma in hong pai tu hi. Ka sam ciang ama in kei hong zuan tu hi, banghang ziam cile sam ngawlin akua hong pai ngam tu ziam? Amate sia ka mite hi tu uh a, keima in amate ii Pathian ka hi tu hi. Keima, Topa in ka son zo hi,” ci hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Amos 9:11

Topa in, “Inn zaancip sa khat taw a kibang David kumpi ngam ka puuaphat kik tu ni khat hong theng tu hi. A luphung pangte pua kikin ka phasak kik tu hi. Tuasia ka sa kik tu a, nidang tawngh lai bang ka hisak kik tu hi.

Micah 4:10

Jerusalem mite awng, nausuak tu numei bangin kisaan in tau vun, banghang ziam cile tu in khuapi na nusia tu uh a, ngam taanzau sungah na teang tu uh hi. Babylon ah na pai uh kul tu hi, ahizong tua munah Topa in na ngalte khut sung pan hong hun tu hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Matthew 2:1

Jesus sia Herod Kumpipa maan lai in, Judea ngam Bethlehem khua ah suak hi. Tua zawk hai ngawlin aksi huvau a kante in nisuana sang pan Jerusalem ah hong pai uh a,

Matthew 2:6

‘Judah ngam Bethlehem khua awng Judah ngam khuapi thupite sungah, nang sia a nobel na hi bua hi, banghang ziam cile nang sung panin, ka Israel mite lam a lak tu lampuipa khat, hong piang tu hi.’ ”

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

Luke 23:2

tua munah amate in hi bangin mawsiat uh hi: “Hisia pa in, ka minamte lampui khial in, Kumpilianpa zongh shia piak ngawl natu in, mihingte hol in, ama le ama Messiah kumpipa ka hi hi a ci laitakin ka man uh hi,” ci hi.

Luke 23:38

Ama ii tungah, “Hisia in Jew te ii Kumpipa ahi hi,” ci in ki at hi.

John 7:42

Laithiangtho ii ci bangin Messiah sia David Kumpipa suan hi tu a, David teenna khua ahi Bethlehem ah suak tu hi,” ci uh hi.

Thuhil kikna 1:15

Tua ahiciang na nam uh pan na tealsa a pil a ciim le a hawm a son ngei lampuite in kong uksak hi. Pawlkhat in mihing tulkhat, pawlkhat in zakhat, pawlkhat in sawmnga le pawlkhat in sawm uk tu in vaipuak ka pia hi. Minamte sung pan a dang lampuite zongh panmun ka pia hi.

Colossae te 1:17

Christ sia tuate theampo om ma in om a, ama taw kikopin a omna mun tu tek ah om uh hi.

Hebrew te 13:8

Jesus Christ sia zeini, tuni le a tawntungin a kibang ahi hi.

Hebrew te 7:14

Ama sia Judah minam a piang ahi hunlam sia a kuama po ii heak ahi hi. Tuaciang thiampite huvau a son ciangin Moses in Judah min a lo ngei bua hi.

1 John 1:1

A kipatciil pan a omsa, nuntakna Kammal huvau note tungah lai kong thaak hi. Tua thu ka za zo uh a, ka mit taw ka mu zo uh hi; hi hi, mu zo khu hi, ka khut uh taw tham zo khu hi.

Thupualaakna 19:16

A puantual tung le a pheizang tungah, “kumpite ii Kumpipa, topate ii Topa,” ci in a min ki at hi.

Thupualaakna 2:8

“Smyrna khua pawlpi ii kamtai vantunglalang tungah hi bangin at in: “Hisia in a masa phitbel le a khakbel ahi, a thisa a nungta kikpa tung pan kam hong vaithak hi.

Thupualaakna 21:6

Tuaciang ama in, “Kiman zo hi! Kei sia a kipatna le a tawpna ahi a masabel le a khakbel ka hi hi. A dangko theampo tungah man piak ngawlin nuntakna ciktui a neak thei natu thu ka pia tu hi.

Thukhente 17:7

Tua hun laitak ma in Judah ngam Bethlehem khua ah a teang Levi te khangmoi khat om hi.

Ruth 1:1

Khua ngeipi hun lai, Israel te ii kumpi a nei ma in, a ngam sungah kialpi hong tung hi. Tua ahikom Ephrath bee le phung sung pan, Judah ngam Bethlehem khua a teang Elimelech a kici pasal khat sia a zi Naomi le a tapate nii, Mahlon le Chilion taw Moab ngam ah tawmvei sung teang tu in pai hi. Tua munah a teen lai in,

Ruth 4:11

Lampuite le a dangte in, “Hi hi, tetti te hi khu hi. Topa in na zi sia Jacob atu ta tam mama a piangsak Rachel le Leah bang hong hisak tahen. Ephrath bee le ngui sungah hau in Bethlehem khua sungah na minthang tahen.

1 Samuel 10:19

Keima sia na Pathian ka hi a, noma ngimna theampo le haksatna theampo panin hong suatak pa khi hi, ahihang tuni in hong nial in, kumpipa khat piak tu in nong ngen uh hi. Pha mama hi, tua ahile, Topa mai ah a nam le a bee a phung zui in hong kikhawm tavun,’ ” ci in son hi.

1 Samuel 17:12

28 David sia Jesse ii tapa hi a, Judah ngam Bethlehem khua pan Ephrath mi ahi hi. Jesse in tapa liat nei a, Saul kumpi a sep lai hunin ama sia huai mama zo hi.

1 Samuel 17:18

Tuaciang hi noaikhal sawm teng sia a ngalkap mang pa va puak ta'n. Na ute bangbangin om ziam hong kan ta'n a, amate taw ciidam in na kimuna nong lak natu in bang ziam khat hong ciapui ta'n.

1 Samuel 23:23

A bukna mun tatak hong zong tavun a, kei kungah thu hong puaksak paih nanak tavun. Tua zawkciang noma kong zui tu a, ama tua ngam sungah a om lai le Judah ngam buppi vai a kul zong ka zong tu hi,” ci in zo hi.

1 Samuel 8:12

Ama in pawlkhat te sia mihing tulkhat ukin koi tu a, pawlkhat sia mihing sawmnga uk in koi tu hi. Na tapate in ama lote a thawsak uh kul tu a, a an laaksakin, a ngalhiamte le siphu ngalleang sungah a kizangh vanhte vawtsak tu hi.