Micah 5:11 - Syin Chin Bible

¹¹ Na ngam sungah khuapite ka susia tu a, na kidalna theampo ka balkeak tu hi.

Micah 5:11 Iomraidhean Croise

Isaiah 1:7

Na ngam uh lalcip zo a, na khuapite kihaltum zo hi. Na mu tangin ngamdangmite in na ngam uh hong laaksak a, na theampo susia uh hi.

Isaiah 2:6

Pathian awng, Jacob suan le paal, na mite na nusia zo hi! Ngam le lei sia nisuana sang pan le Philistia pan mitbum nasepnate taw kidim zo hi. Mihingte in ngamdang ngeinate zui hi.

Isaiah 27:9

Ahizong, Israel te ii mawnate sia, lawkite ii biaknatau suangte, leikaang bangin a kingoaicip zawkciang le Asherah numeipathian lim te a bo zawkciang, le ngimnamtui halna biaknataute a om nawn ngawl ciang bekin, kimaisak bek tu hi.

Isaiah 6:11

Keima in, “Topa awng, hi bang ahi tu sia bang tanvei ngei tu ziam?” ci in ka dongh hi. Ama in, “Khuapite siacipin, a lei awngthong dong — innte innhawm a sua dong — a leitang kolh in leitul a sua dong ngamkhingin om tu hi.

Kaa late 2:2

Topa in Judah ngam khuano theampo hesuak ngawlin lalthamsak a, Ngam huukna kulhpite baltham hi. Ama in kumpi ngam le a ukte maizum pia hi.

Ezekiel 38:11

Nang in a mite thinmuang takin a teenna, a khuate ngaldalna kulh taw a ki uum ngawl, a hung tu om ngawl ngam khat sim tu in na khensat tu hi.

Hosea 10:14

na mite tungah ngal hong theng tu a, na kulh theampo kisusia tu hi. Tua ni in Kumpi Shalman ii Betharbel khuapi ngal sungah a lalcipsak le, nute le a tate a kisuklup siat ni bang hi tu hi.

Amos 5:9

Ama in a thahatte le a kulh muanhuaite suksiatsak hi.

Zechariah 4:6

Vantunglalang in Topa tung pan hong pai hi thu teng Zerubbabel tungah son tu in kei hong sawl hi: “Nangma in ngalkap thahatna hang hi ngawl, nangma thahatna hang hi ngawl, ahihang keima thaa bek taw na ma na tun tu hi.