Micah 5:1 - Syin Chin Bible

¹ Jerusalem mite awng, na ngalkapte khawm vun! Eite hong uumci hi! Amate in Israel lampuipa sim uh hi!

Micah 5:1 Iomraidhean Croise

Pianciilna 35:19

Rachel a thi ciang Eprath paina lampi hui, tu in Bethlehem a kici na munah kiphum hi.

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

1 Kumpite 22:24

Tuaciangin kamsaangpa Zedekiah in Micaiah kungah paito in, a maitang beang hi, tuaciang, “Bang hun pan kipan Topa thaa in kei hong nusia a, nang tungah hong pau ziam?” ci in dongh hi.

2 Kumpite 24:2

Topa in Babylon te, Syria te, Moab te le Ammon te ii ngalkapte ngalsim tu in Judah ah paisak a, Jehoiakim langpanin Topa in a naseam a kamsaangte tungtawnin ka vawt tu hi a ci bangin Judah lalsak tu in kuan uh hi.

Job 16:10

Mite in kei hong nunau a; amate in hong kiim uum in ka maitang hong beang hi.

Paunakte 8:23

A kipatciil hun mama in kei hong kivawt hi, simlei a kipat ma in a masabel ka hi hi.

Isaiah 10:6

Kei hong thin uuksak mite ahi Pathian sel minam khat a sim tu in Assyria ka puak hi. Keima in amate sia vanh suttol tu, vanh ngu tu le lampi tung a leivui bangin mite tuanhcil tu in ka sawl hi,” ci hi.

Isaiah 33:22

Tua teambawte tungah a kizangh khaute theampo a luithawthong hi; Teambaw puankhakte kiphal thei ngawl hi! Ih ngalte ii ngalkap honte nei na manpha theampo ih matsak tu a, vanh tam mama tu ahikom peangbaite ngawngawn zongin hawmtel khat tek nga tu uh hi. Topa mama sia ih kumpi hi tu a; ama in eite hong ukin hong sungsia tu hi.

Isaiah 8:9

No, minamte awng, kiitakna taw kikhawm tua vun! No, ngam khuala ah a omte awng, na ngai vun. Ngalsim tu in kinging vun, ahihang kiita vun! Hi hi, kinging vun, ahihang kiita vun!

Isaiah 9:5

Ngalsim a hong kuan ngalkapte ii peangdapte le chi baang amate puante theampo sia mei taw kihal tu hi.

Jeremiah 25:9

‘Keima in saksang ngam ah a om mihingte theampo le ka naseam Babylon kumpipa Nebuchadnezzar ka sam tu hi. Keima in Judah le a ngam sungah a teang mihingte theampo le a kiim a paam a om minamte theampo sim tu in amate ka paisak tu hi. Keima in hi ngam le a kiim a paam minamte ka susia tu hi, tuaciang a tawntungin a siacipin ka nusia tu a, a lauhuai le diipkuathuai mun suak tu hi. Keima, Topa in ka ci zo hi.

Jeremiah 4:7

Tawpi khat in a bukna mun pan hong pai bangin, ngamte a siasak tu khat hong kuan zo hi. Judah susia tu in ama hong pai hi. Judah ngam khuapite a siacip in kinusia tu a, kuama teang ngawl tu hi.

Kaa late 3:30

Hong kivua in hong kizawngsak kale tuate theampo ih saang thiam tu hi.

Ezekiel 21:32

Nang sia meikuang in hong kaanghlum tu hi. Na chisan sia na ngam sungah kee tu a, kuama in nang hong phawk nawn ngawl tu hi;’ ” Topa in son zo hi.

Ezekiel 24:2

Ama in, “A thithei mihing awng, tuni sia bang ni ziam ci sia at in, banghang ziam cile tuni sia Babylon kumpipa ii Jerusalem khua uumci tu a kipat ni hi.

Daniel 9:25

Hi thu ciamtee in tel in: Jerusalem a kipua kik natu thupiakna a om hun pan kipan Pathian ii teal lampui pa hong thet dong kum sali mun salivei hun ngei tu hi. Jerusalem sia a lampite le a kidalna kulh khote taw kivawt kik tu a, kum sawmluk le kum nii ii a salivei kumte dong kho tu a, ahihang hi hun sia buaina hun hi tu hi.

Joel 3:9

“Minamte sungah hi thu thangsak vun: ‘Ngalsim tu in kithoai vun; na ngalhangte sam vun; na ngalkapte khawm vun a, kuan vun!

Amos 2:3

Moab ngamukpa le ngam lampuite theampo ka thatlum tu hi.” ci hi.

Habakkuk 1:6

Tua a kiitakhuai a om thong thei ngawl Babylon te tungah vaangletna ka pia tu hi. Amate in ngamdangte a zawthal natu in leitung theampo ah kuan tu hi.

Habakkuk 3:16

Hite theampo ka za a, lau in ka liing hi; ka muk zongh liing hi. Ka pumpi zaw vaneal hi, ka nuai ah ka peang sui tha in ka liik hi. Keima in ko hong simte Pathian ii daan piak hun hong tun tu thim dide in ka ngak tu hi.

Matthew 26:67

Tua zawkciang amate in, a maitang cilphii in, saat uh hi; tuaciangin a beangte in,

Matthew 27:30

Amate in ama cilphii in, a ciangkang sut kik a, a lutang saatna in nei uh hi.

Matthew 5:39

Ahihang kei kong cina pan: no tungah hong khialte na thuk kik heak vun; khat po in na biangkho ziatsang hong beang le na biangkho veisang zongh na ngat vun.

John 18:22

Jesus in hi bangin a ci ciang, tua munah biakinn cingte khat in Jesus beang a, “Bangbangin Thiampi Lianbelpa tungah tubangin pau ngam ni ziam!” ci hi.

John 19:3

tua zawkciang ama kungah hong pai uh a, “Jew te Kumpipa a khansau tahen!” ci hi. Tuaciang amate pai in beang uh hi.

Sawltakte 23:2

Thiampi Lianbel Ananias in, Paul nai ah a dingte munah, a muk beksak vun, ci in sawl hi.

2 Corinth te 11:20

Note a uk bang po hong sawlte, note tung pan na neisa hong duupte, thaang taw hong siate, hong nomute ahibuale na maitang hong beangte khat pawpo na dual uh hi.

Thuhil kikna 28:49

Topa in no hong langpan tu in a kampau na heak ngawl uh minam khat leimong panin hong puak tu hi. Muvanlai khat bangin amate in no hong man tu hi.

Thuhil kikna 33:27

Pathian in note hong dal tawntung zo a; A tawntung a om ama ii khutte in no hong panpui hi. Ama in maisang na manaw kawkawmin na ngalte notkeak a, Amate a mon tu in no hong sawl hi.

Thukhente 17:7

Tua hun laitak ma in Judah ngam Bethlehem khua ah a teang Levi te khangmoi khat om hi.