Micah 4:9 - Syin Chin Bible

⁹ Banghang a nging tatakin kap nu ziam? Nausuak tun numei khat bangin banghang thuak nu ziam? Kumpi na nei ngawl uh hang le na thu kikuppuite a thi uh hang ziam?

Micah 4:9 Iomraidhean Croise

Isaiah 13:8

Amate a vekpi in launa le nasak mamana thuak tu uh a, numei nausuak tun bangin na sa tu hi. Amate khat le khat launa taw ki en tu a, maizum in a mai uh san tu hi.

Isaiah 21:3

Mukholna sungah ka zaak le ka mute in hong lausakin, numei khat nau a tut ciangin na a sak bangin na ka sa hi.

Isaiah 26:17

Numei nausuak tu a tut ciang na sa in a au bangin Topa awng, kote nong ausak zo hi.

Jeremiah 22:23

Lebanon pan a na laak uh cedar thingtaam sungah thin muangin om nu hi; ahihang numei khat nau a tut ciangin na a sak bangin natna ngimna na thuak uh ciang bangzata in hesuakhuai tu nu ziam?

Jeremiah 30:10

“Ka mite awng, lau heak vun; Israel mite awng, patau heak vun. Na thongtaakna a khualana ngam panin kong suatak tu hi. Inn ah nong cia kik tu uh a, thinnuam takin na teang tu uh hi; na ngammuang tu uh a, kuama in no hong lausak ngawl tu hi.

Jeremiah 4:21

Bang tanvei ngal kisim lialua ka mu lai tu ziam, bang tanvei lemle tum ka za lai tu ziam?

Jeremiah 4:31

Numei khat nautun a, a kap bang aw khat ka za hi, taciil a suak numei khat ii cik-au taw kibang hi. Tua in Jerusalem ii hu sam saa a, a kaana ahi hi, a khut zan in, “Kei a lal hi ing! Keima that tu in amate hong pai hi!” ci hi.

Jeremiah 48:41

tuaciang a khuate le a kulhte kila tu hi. Tua ni in Moab ngalkapte sia numei nausuak tu khat bangin patau tu uh hi.

Jeremiah 50:43

Babylon kumpipa in tua thu za a, a khutte zaw vanek hi. Ama in numei nautun a nat bangin thinngimna le tak ngimna thuak hi.

Jeremiah 8:19

Ngai vun! Ngamsung mun theampo ah ka mite ii kaana aw ka za hi, “Zion khua ah Topa om nawn ngawl ziam? Zion ii kumpipa tua munah om nawn ngawl ziam?” ci in kap uh hi. Amate ii kumpipa ahi, Topa in zo kik a, “Banghangin na milimte na biakna le a man nei ngawl na ngamdang pathiante na paaina uh taw in kei hong thin uuksak nu ziam?” ci hi.

Kaa late 4:20

Amate in ngalte khut sung pan hong dal zo tu in ih muan, ih nuntakna ii naak a hi, Topa tealsa kumpipa sia man uh hi.

Hosea 10:3

Hi mite in hai ngawlin, “Eite kumpi ih nei ngawlna in Topa ih kiitak ngawl hang ahi hi. Ahihang kumpi khat in ei atu in bang hong vawtsak thei tuan tu ziam?” ci tu uh hi.

Hosea 13:13

Israel in nuntak natu hunpha nei napi a mawmawt lei hu in tua nuntakna la thei ngawl hi — a suak dektak nausen khat naubu sung pan a pusuak nuam ngawl taw kibang hi.

Hosea 3:4

Hi bang lian ma in, Israel mite in kumpi ahibuale lampui nei ngawl, sangaw biakpiakna ahibuale suangkhuam thiangtho nei ngawl, aisaan natu milim ahibuale limte zangh ngawlin hun sau mama sung a nuntak uh kul tu hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

John 16:21

Numei khat nau a sua tu ciangin, hee hi, banghang ziam cile a ngim natu hun hong theng ahi hi; ahihang nau hong sua ciang ama in a ngimna teng mangil hi, banghang ziam cile leitung ah nausen khat hong suak ahi hu in, ama lungdam hi.

Thupualaakna 12:2

Ama sia nausuak pal tu hi a, nautun natnate a thuakna hangin ama aukeak hi.