Micah 4:8 - Syin Chin Bible

⁸ Tuaciang nang Jerusalem, tuucing khat bangin Pathian ii a mite a etcikna mun sia, khatvei ma noma neisa kumpi ngam khuapi suak kik tu hi.

Micah 4:8 Iomraidhean Croise

Pianciilna 35:21

Jacob kikhiin kik a, Eder tausaang langkhat ah a ngiaphual saat hi.

2 Samuel 5:7

(Ahihang David in amate Zion kulhpi suan takpi in tua hun pan kipan “David Khuapi” kici hi.)

Nehemiah 3:25

Uzai ii tapa Palal in a cingte zum paam kumpi inn tungnung tausaang le luphung ii king pan kipan a khen zom sia, ciang hi; Parosh ii tapa Pedaiah in nisuana sang Tui Kongpi nai le Biakinnpi cinna tausaang kung dong a khen zom sia, ciang hi. (Hi mun sia Ophel kici khuapi taw a kinaina mun hi a, biakinn naseamte teenna hi.)

Psalm Late 24:7

Kongpite hongkeak vun a, taangh kongkhate hong tavun, minthang kumpipa hong tum tu hi.

Psalm Late 48:3

Pathian in a khuapi kulhte sungah ngammuanna om hi ci in lak hi.

Psalm Late 61:3

banghang ziam cile nangma in ka kidalna na hi hi, ngalte ka nan natu a kho ngalnanna na hi hi.

Solomon ii La 4:4

Na ngawng sia ngalhangte zak lum tulkhat a kikhai zeizoina ngil kilkel in a beam David ii tausaang taw kibang hi.

Isaiah 1:26

Taanghlai in na nei uhte bangma in no hong uk tute le ngaisutna hong pia theite kong pia tu hi. Tua zawkciang Jerusalem sia a thutang, thumaan khuapi kici tu hi.”

Isaiah 10:32

Tuni in ngalte Nob khua sungah om a, tua mun panin amate in Jerusalem khuapi, Zion Mual a khuttum lak uh hi.

Isaiah 5:2

Ama in leito in suang teng vawk a; sapitkung pha belte suan hi. Ama in tuate a cin natu in tausaang khat sa in, sapitngate a cil natu in leidum khat to hi. Ama in sapit a min tu ngak a, ahihang sapitnga theampo thuk siat hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 7:18

Tuaciang Lianbel Pathian ii mihingte in kumpi vaangletna nga tu a, a tawntung a tawntungin keam tu uh hi,” hong ci hi.

Obadiah 1:21

Jerusalem ngalzote in Edom ngam simin, uk tu uh hi. Tuaciang Topa ama mama kumpi hi tu hi,” ci hi.

Micah 2:12

“Ahihang no Israel mi a taanglai theampo kong kaikhawm tu hi. Tuute a khawk sungah a cia bangin kong khawmtua tu hi. Tuute a dimin a om nganthana mun bangin na ngam sia mihing tam mama taw khatvei kidim kik tu hi,” ci in zo kik hi.

Zechariah 9:10

Topa in, “Ngal siphu leangte Israel pan ka heam tu a, Jerusalem pan siphute ka la tu hi; Ngal kisimna sung a kizangh thalte ka lalsak tu hi. Na kumpipa in minam tuatuamte sungah kilemna omsak tu hi; ama in tuipi khat pan tuipi khat dong, Euphrates ngun pan leitung mong dong uk tu hi,” ci hi.

Zechariah 9:12

Tu in lametna a nei no, saltaangte awng, heak kik vun; na ngam muanna munah heak kik tavun. Na thuakna sa theampo hangin a zaa nii in thupha kong piak kik natu thu, tu in note tungah kong son hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Mi Simna 24:19

Israel minam in amate tuanhcil tu a, A suakta khakbel teng mon tu hi,” ci hi.

Matthew 21:33

Jesus in “Thusonteena dang khat ngai vun,” ci hi. “Khatvei lai in leitang nei khat in, sapithuan khat vawt a, a kiimkot dal vawtin, sapittui suuk natu dum to a, lo hun natu teitaan khat vawt hi. Tua zawkciang a lo tuasia saapthawsak tu in, ngual a aap zawkciang, ama khualhaw tu in ding hi.

Mark 12:1

Tuaciang Jesus in amate tungah thusonteena taw thu son hi. “Khatvei lai in pasal khat in sapithuan vawt a, dal taw uum in, a tuisuukna set atu leidum a taw zawkciang lo hun natu teitaan daw hi. Tua zawkciang, a saapthaw nuamte in saapsakin ama khualhaw hi.

Ephesus te 1:21

Christ in tua munah vantung ukpite, thuneite, vaangletna neite, tote theampo ii tung panin uk hi; ama in hi leitung ah ahizong, hong pai pheang tu leitung ah ahizong, thunei min le zate theampo sangin a lianzaw min le za nei hi.

Thupualaakna 22:5

Zan a om nawn buatu a, amate in meiinn le nitaang kisamh nawn ngawl tu uh hi, banghang ziam cile Topa Pathian sia amate khuavak hi tu a, amate in a tawntung a tawntungin ukna nei kumpite bangin a maang tu uh hi.