Micah 4:7 - Syin Chin Bible

⁷ Amate liamin bai a, inn panin kikhuala hi, ahihang a taanglaite atu kipat kikna thak khat ka vawtsak tu a, amate minam lian khat suak tu hi. Amate tua hun pan kipan Zion Mual tung pan a tawntungin ka uk tu hi,” ci hi.

Micah 4:7 Iomraidhean Croise

Psalm Late 2:6

Ama in “Ka mual thiangtho Zion ah ka kumpipa ka koi zo hi,” ci hi.

Isaiah 16:5

Tua zawkciang, David suan le paal sung pan khat sia kumpi suak tu a, ama in mihingte thumaanna le itna taw uk tu hi. Ama in a maan sia seam papaih tu a, thukhaikim thu omsak tu hi.)

Isaiah 24:23

Tha mial tu a, ni taang nawn ngawl tu hi, banghang ziam cile, Vaanglianbelpa Topa sia kumpi hi tu hi. Jerusalem khua Zion Mual panin ama in uk tu a, mipi lampuite in a vaangletna mu tu uh hi.

Isaiah 6:13

A ngam sungah mihing sawm sung pan khat bek a taang ta zongin, tuasia pa ngawngawn kilalcipsak tu hi; ama in a kiphuktan sa lim thingkung bul khat taw kibang tu hi,” ci in hong zo hi. (Tua thingbul sia Pathian ii mihingte kipat thakna lim a lak ahi hi.)

Isaiah 60:22

Na minam sung pan a nobel le a kiniamkhiakbel Na innkuan ngawngawn zongh a thahat minam khat bangin lian tu hi. A hun cin ciang keima in hi thu a manlangin ka piangsak tu hi. Keima in Topa ka hi hi!” ci hi.

Isaiah 66:8

Tuabang te akua in mu ngei a za ngei ziam? Ni khat thu in ngam khat piang ngei ziam? A minam a pian ma in Zion in khuangei thuak ngawl tu hi.

Ezekiel 43:7

“A thithei mihing awng, hi lai ah ka kumpi tokhum om hi. Hi lai Israel mite sungah teangin, amate a tawntung ka uk tu hi. Israel mite le a kumpite in pathian dangte biakna taw ahizong, a kumpite luang hi munah phumna taw ahizong, ka min thiangtho daisak kik nawn ngawl tu hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 4:34

Kumpipa in, “Kum sali a cin zawkciang van ka ento a, ka thin hong ciim kik hi. Lianbel Pathian ka pok a, a nungta tawntung pa khat tungah zatakna le minthanna ka pia hi. “Ama in a tawntungin uk tu a, a kumpi ngam sia kip tawntung tu hi.

Daniel 7:14

Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Hosea 1:10

Israel mite a kisim zo ngawl, a kitee zo ngawl tuipi sen za bang suak tu hi. Tu in Pathian in amate mun ah, “Note ka mite hi ngawl nu hi,” ci hi, ahihang, “Note sia a nungta Pathian ii tate hi nu hi!” a ci ni hong theng tu hi.

Joel 2:32

Ahihang Topa tungah huna a ngen theampo kingum tu hi. Topa ci sa bangin ‘Jerusalem a om pawlkhatte suakta tu a; ka teal mite suakta tu uh hi.’

Joel 3:17

“Tuasia ciang Israel awng, keima in Topa na Pathian ka hi hunlam nong he tu uh hi. Ka mual thiangtho Zion tungah ka teang hi. Jerusalem sia khuapi thiangtho khat hi tu a; ngamdangte in tuasia zothal kik ngeingawl tu uh hi.

Obadiah 1:21

Jerusalem ngalzote in Edom ngam simin, uk tu uh hi. Tuaciang Topa ama mama kumpi hi tu hi,” ci hi.

Micah 2:12

“Ahihang no Israel mi a taanglai theampo kong kaikhawm tu hi. Tuute a khawk sungah a cia bangin kong khawmtua tu hi. Tuute a dimin a om nganthana mun bangin na ngam sia mihing tam mama taw khatvei kidim kik tu hi,” ci in zo kik hi.

Micah 2:13

Pathian in amate atu in lampi honsak tu a, a saltanna mun pan suatak tu hi. Amate in khuapi kongpite suthamin suakta tu uh hi. A kumpipa ahi, Topa mama in amate pusuapui tu hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Zephaniah 3:13

A taanglai Israel mite in kuama tungah khial ngawl tu a, leilot thu son ngawlin ngual a theam buatu uh hi. Amate ma vang daupai in ngammuang tu a, kuama a kiita buatu uh hi,” ci hi.

Zephaniah 3:20

A hun hong tung tu hi! A kithethaang na mite inn ah kong ciapui tu hi; Simleitung bup ah na min kong thangsak tu a, tuaciang khatvei a khangto a nuamsa in kong vawt kik tu hi,” ci hi. Topa in ci zo hi.

Luke 1:33

Tuaciangin ama Jacob ii suan, a tawntung a maang kumpi hong hi tu a, ama ii ngam bo hun nei ngawl tu hi,” ci hi.

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.