Micah 4:5 - Syin Chin Bible

⁵ Minam simin amate tek ii pathian bia in a thu ni hi, ahihang eite in Topa, ih Pathian a tawntung, a tawntungin ih bia tu a, a thu ih ni tu hi.

Micah 4:5 Iomraidhean Croise

Pianciilna 17:1

Abram kum sawmkua le kum kua a phak ciang ama tungah Topa kilangh a, “Keima in Vaanglianbelpa Pathian ka hi hi. Ka thu hong ni ta'n a, a maan in seam tawntung in.

2 Kumpite 17:29

Ahihang Samaria ah a teang mite in amate ii milim tek ma vawt suak uh a, Israel te ii vawt sa biakpiakna buk sungah koi uh hi. A kibang ngawl pawl tuatuam sim in amate ii teenna khuapite ah a milimte vawt tek uh hi;

2 Kumpite 17:34

Amate in a ngeina luite tu ni dongin zom suak lai uh hi. Amate in Topa bia ngawl a, Israel ci in min a piak Jacob ii suan le paalte tung a piak thukham le thupiaknate zongh ni ngawl uh hi.

Psalm Late 20:6

Topa in ama tealsa kumpipa sia zawna pia hi ci, tu in ka he hi; ama in a thiangtho vantung panin ama ii ngetnate zo hi, tuaciang ama ii vaangletna taw zawna lianpi te pia hi.

Psalm Late 48:14

“Hi Pathian in a tawntung a tawntung atu eite Pathian ahi hi; hong pai lai tu hunte theampo sungah ama in eite lam hong pui tu hi.”

Psalm Late 71:16

Na vaangletna ka pok tu hi, Vaanglianpipa Topa awng; nangma bek ii nei, na phatnate ka thangsak tu hi.

Isaiah 2:5

Tu in, Jacob suan le paalte awng, Topa hong piak khuavak sungah kalsuan tek tawng!

Isaiah 26:13

Kote Topa Pathian awng, kote sia ngual dangte in hong uk zo a, ahihang nangma bekma in kote Topa na hi hi.

Isaiah 26:8

Na deina bang kong zui uh a, nang sungah lametna kong nei uh hi; Kote deina theampo sia nangma na hi hi.

Jeremiah 32:40

Amate taw a tawntung atu in thuciamna khat ka vawt tu hi. Amate atu in na pha ka vawtte ka tawlnga ngei buatu a, keima kung pan a puapial ngeingawl natu in a thinsung theampo taw keima hong kiitak natu in ka vawt tu hi.

Zechariah 10:12

Keima in ka mite ka hatsak tu hi; amate in kei hong bia tu a, ka thu hong mang tu hi,” ci hi. Topa in ci zo hi.

Sawltakte 14:16

A bosa hunte sungah, ama in mihing theampo a uuk bang tek po in ngamtasak hi.

Thuhil kikna 27:10

tua ahiciang tuni in kong piak ama thukham theampo zui in keamcing tavun,” ci uh hi.

Colossae te 2:6

Jesus Christ sia Topa a na saan zawk uh nungsang, ama taw kikopin nungta tavun.

Colossae te 3:17

Na sep, na son uh theampo hu in, Pa Pathian tungah lungdam na ko uh ciangin, Topa Jesus min taw na vawt tu uh hi.

Joshua 24:15

Ama na, na seam nuam bua uh le, tu ni in khensat vun, akua atu seam tu nu ziam, ih taanghpupite ii Mesopotamia ah a biak pathiante atu ziam maw, tu laitak na teenna leitang a nei Amor pathiante atu ziam? Ka innkuan puite le kei ka hi le Topa atu ka seam tu uh hi.”