Micah 4:4 - Syin Chin Bible

⁴ A neisa sapithuante le a theikungte sungah mi theampo kilemin teang tu hi, tuaciang kuama in ama lausak ngawl tu hi. Topa Vaanglianbelpa in hi kamciam pia zo hi.

Micah 4:4 Iomraidhean Croise

1 Kumpite 4:25

Ama nuntak lai tengin Judah le Israel ngamsung a teang mite ngammuangin, innkuan simin a sapitkungte le a thei kungte taw nuamsa uh hi.

1 Kumpite 5:5

Topa in ka pa David munah, ‘Nang zawkciang kumpi ka suasak tu na tapa in kei atu biakinn hong saksak tu hi,’ ci in kamciam pia hi. Tuaciang tu in Topa ka Pathian a kibiak natu tua biakinn khat sak tu ka khensat zo hi.

Job 11:19

Na ngalte na kiita buatu hi; mihing tam mama in huna hong ngen tu hi.

Psalm Late 72:3

Ngam le lei in khantona nga tahen a, thutanna he tahen.

Paunakte 3:25

Mi seksolte tungah vuipi suangval bangin thakhatthu a tung thei lal theinate patau in na nei buatu hi.

Isaiah 1:20

Ahihang kei nong langpan uh le note thi tu nu hi. Keima, Topa in ka son zo hi,” ci hi.

Isaiah 17:2

Syria khuapite kinusia top tu hi. Tua mun sia tuu le khui tatna mun hi tu a, kuama in tuate bengkeak ngawl tu hi.

Isaiah 22:25

Tuabang a pian ciang kho takin a kikhen vanh khaina sia zuukin taak tu hi. Tua in a tungah a kikhai nate theampo ii bona hi tu hi,” ci hi. Topa pau zo hi.

Isaiah 26:16

Topa awng, na mihingte daan na pia hi, a thinna sa in nang tungah thu hong ngen uh hi.

Isaiah 32:17

Mihing theampo in a maan sia seam tek tu ahikom, kilemna le ngam muanna om tawntung tu hi.

Isaiah 36:16

Hezekiah ii thu ngai heak vun! Assyria kumpilianpa in khuapi pan pusuakin ama ii khutnuai ah na tum natu in thu hong pia hi. Note theampo na sapitkung tung uh pan sapitngate, na theikung uh pan theingate hong nesak tu a, na tuikhuk uh pan tui hong dawnsak tu hi —

Isaiah 40:5

Tuaciang Topa minthanna kilangh tu a, minam bup in mu tu uh hi. Topa ama mama in hi thu kamciam zo hi,” ci hi.

Isaiah 54:14

Thutang le thumaan in na tha hong khosak tu hi. Zawthawk vawtna le launa, patauna taw na kipeal tu hi.

Isaiah 58:14

keima na, na sepna uh panin hong pai lungdamna na nga tu uh hi. Leitung mun theampo ah hong ki upat tu in kong vawt tu a, na taanghpupi Jacob tungah ka piak leitang sia lungdam nuamsa in na lua tu uh hi. Topa, keima in ka son zo hi,” ci hi.

Jeremiah 23:4

Amate a khoi a keam tu in ngamukte ka koi tu hi. Ka mihingte sia lau nawn ngawl patau nawn ngawl tu a, daan ka pia kik buatu hi. Keima, Topa in ka ci zo hi.”

Jeremiah 30:10

“Ka mite awng, lau heak vun; Israel mite awng, patau heak vun. Na thongtaakna a khualana ngam panin kong suatak tu hi. Inn ah nong cia kik tu uh a, thinnuam takin na teang tu uh hi; na ngammuang tu uh a, kuama in no hong lausak ngawl tu hi.

Ezekiel 34:25

Amate thin muang hiithiat in a om natu in amate taw thuciamna khat ka vawt tu hi. Nganhing a kiitakhuaite theampo a ngamsung pan ka heam tu hi, tuasia in ka tuute ngammuang takin lote sungah nungta in, taam sungah a mut thei natu uh ahi hi.

Ezekiel 34:28

Pathian he ngawl minamte in amate ii neisate suttol nawn ngawl tu a, ngamsate in ne lum ngawl tu hi. Amate ngam muang takin teang tu a, kuama in lauthawn ngawl tu hi.

Ezekiel 38:11

Nang in a mite thinmuang takin a teenna, a khuate ngaldalna kulh taw a ki uum ngawl, a hung tu om ngawl ngam khat sim tu in na khensat tu hi.

Ezekiel 39:26

Amate kuama in tawng nawn ngawlin, a ngam sungah ngammuangin khatvei a teen kik ciangin, keima hong leeheak hu in, bangbangin a mindai ci sia a mangil thei tu uh hi.

Thiampite 26:6

“Na ngam sungah kilemna kong pia tu a, kuama kiita ngawlin na mu thei tu uh hi. Na ngamsung pan ngamsa ngilote ka hawlkeak tu a, tua munah ngal le sa om ngawl tu hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

Zephaniah 3:13

A taanglai Israel mite in kuama tungah khial ngawl tu a, leilot thu son ngawlin ngual a theam buatu uh hi. Amate ma vang daupai in ngammuang tu a, kuama a kiita buatu uh hi,” ci hi.

Zechariah 3:10

Tua ni hong thet ciang, note khatsim in na sapitkungte le na theikungte taw a kidimna sungah kilemna le ngal muanna nga tu in hong pai natu na innpaamte tek na sam tu uh hi,” ci hi.