Micah 4:2 - Syin Chin Bible

² tuaciang a mite in, “Topa ii mual, Israel ii Pathian Biakinnpi ah kaato tawng. Banghang ziam cile seam a hong oaite ama in hong hil tu hi; ama tealsa lampi ih zui tu hi. Banghang ziam cile Topa hilcianna in Jerusalem pan hong pai hi; ama in Zion panin a mite paupui hi,” ci tu hi.

Micah 4:2 Iomraidhean Croise

Psalm Late 110:2

Zion panin Topa in na kumpi vaangletna hong khang tu hi. Ama in, “Na ngalte uk in” ci hi.

Psalm Late 119:1

Topa thukham bangin nungta a, a nuntakna a sit baang ngawlte in mihing lungdamte ahi hi.

Psalm Late 119:171

A tawntungin nang kong pok tu hi, banghang ziam cile nangma in na thukhamte nong hil hi.

Psalm Late 122:1

“Topa inn ah pai tek tawng” hong ci a om ciangin ka lungdam hi.

Psalm Late 25:12

Topa a thasiate in a tot tu uh lampi sia ama tung panin a he tu uh hi.

Isaiah 2:3

tuaciang a mihingte in, “Topa ii mual, Israel te ii Pathian Biakinnpi ah kaato tawng. Ama in ih sep tu a dei sia ih sep thei natu in hong hil tu hi; ama tealsa lampite ih tawn tu hi. Banghang ziam cile Jerusalem pan Topa ii hilcianna hong pai tu a; Zion panin ama in a mihingte tungah thu son tu hi,” a ci tu hi.

Isaiah 54:13

“Keima mama in na mite ka hil tu a, nopsakna le kilemna ka pia tu hi.

Isaiah 56:7

“Biakna taw kisai ka mual thiangtho Zion ah kong paipui tu a, ka thungetna inn sungah kong thinnuamsak tu hi, ka biaknatau tungah nong piak biakpiaknate kong saang tu hi. Ka Biakinnpi sia minam theampo atu in thungetna inn kici tu hi,” ci hi.

Jeremiah 31:6

Hi hi, ngalvilte in Ephraim mualtung panin, ‘Ih Topa Pathian kung Zion ah paito ka tawng’ ci in a sam tu hun hong theng tu hi,” ci hi.

Jeremiah 42:3

Kote pai natu lampi le ko ii sep tu nate Topa ih Pathian in hong lak natu in thu hong ngetsak ta'n,” hong ci uh hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Zechariah 14:16

Tua zawkciang Jerusalem khua a sim minamte sung pan a nungta laite theampo sia Vaanglianbelpa Topa bia tu le Buk Poai khaam tu in kum simin Jerusalem ah pai tu uh hi.

Zechariah 2:11

Tua hun ciang minam tam mama Topa kungah pai tu a, ama mite suak tu uh hi. Ama in note sungah hong teang tu a, no kungah kei hong puak hunlam na he tu uh hi.

Zechariah 9:10

Topa in, “Ngal siphu leangte Israel pan ka heam tu a, Jerusalem pan siphute ka la tu hi; Ngal kisimna sung a kizangh thalte ka lalsak tu hi. Na kumpipa in minam tuatuamte sungah kilemna omsak tu hi; ama in tuipi khat pan tuipi khat dong, Euphrates ngun pan leitung mong dong uk tu hi,” ci hi.

Mark 16:20

Nungzuite mun theampo ah pai in, thuhil uh hi, tuaciang Topa in amate taw naseam khawm a, amate thuhilnate sia maan hi ci in a kilak natu in, nalamdang laknate vawtsak thei hi.]

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

John 6:45

Kamsaangte in, ‘Pathian in mihing sim hil tu hi,’ ci in at zo hi. A kuama po Pa ii hilna za a, ama kung pan heakna a ngate bek kei kungah hong pai hi.

John 7:17

Pathian dei bang a ngamta nuamte peuma in, Pathian kung pan hong pai thu ziam, tua ahibuale keima aituam thuneina taw hil khi ziam, he tu hi.

Sawltakte 1:8

Ahihang Thaa Thiangtho note tungah hong pai ciang, vaangletna taw na kidim tu uh a, Jerusalem pan kipan Judea ngam bup le Samaria ngam le leimong dongin, ka tetti na hi tu uh hi,” ci hi.

Sawltakte 13:42

Paul le Barnabas in synagogue a nusiat uh laitakin, Sabbath ni kik ciang, amate pai kik a, hi thute a son thua lai natu in mite in sam uh hi.

Romete 15:19

nalamdang lakna le a lamdang nate ii vaangletna le Pathian Thaa ii vaangletna taw hong seam zo hi. Tua ahiciang Jerusalem pan Illyricum ah khualhaw in ka paina ah Christ huvau Lungdamna Thupha a cingin ka thangsak zo hi.

Thuhil kikna 6:1

“Hi thukham theampo note kong hil tu in Topa na Pathian in thu hong pia hi. Note tumin na laak tu uh ngam sungah tua teng zui tavun.