Micah 4:13 - Syin Chin Bible

¹³ Topa in, “Jerusalem mite awng, pai vun a, na ngalte daan pia vun! Thikkii a nei le taau peangcin a nei khuital khat za in kong hatsak tu hi. Note in minam tam mamate tuanhpeak in, ngongtatna taw a nga, nei le lamhte keima, leitung buppi ii Topa nong pia tu uh hi,” ci hi.

Micah 4:13 Iomraidhean Croise

Psalm Late 24:1

Simleitung le a sungah a om theampo sia Topa neisa ahi hi; leitung le a tungah a teang theampo sia ama aa ahi hi.

Psalm Late 72:10

Spain le tuikulhte kumpipate in ama letsong pia tu uh hi; Arabia le Ethiopia kumpipate in ama tel pia tu uh hi.

Isaiah 18:7

Ngunte ii khentan hi ngam, a thahat a vaanglian hi minam, a tun saangin a ciineal, leitung theampo ii a kiitak hi mihingte tung panin biakpiaknate Vaanglianbelpa Topa ii a saan thei tu hun khat hong theng tu hi. Vaanglianbelpa Topa a kibiakna mun, Zion Mual tungah amate hong pai tu uh hi.

Isaiah 21:10

Israel ka mite awng, mangtaang bangin no hong kicil zo hi, ahihang tu in Israel te ii Pathian ahi, Vaanglianbelpa Topa tung pan ka zaak, a zaaknophuai thuphate kong son zo hi.

Isaiah 23:18

Ama ii sumvawtna pan a thalaw sumte Topa tungah ki aap tu hi. Ama in tua sumte kholcip thawthong ngawlin, Topa a bia mite in amate atu a kisamh an le puante leina in zangh tu hi.

Isaiah 5:28

Amate thaltangte hiam a, a thalte kaa tawm tu bekin eal pinpen uh hi. A siphu peangcinte thausuang bangin sak a, a muite suumpei bangin pei hi.

Jeremiah 51:20

Topa in, “Babylon awng nang sia ka sek na hi a, ka ngalhiam na hi hi. Minamte le kumpi ngamte sukcip natu,

Jeremiah 51:33

Khuangeingawlin ngalte in ancilna munah taangcil bangin amate saat vawkin tuanhcil tu uh hi. Keima, Vaanglianbelpa Topa Israel ii Pathian in ka ci zo hi,” ci hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Hosea 10:11

“Israel sia khatvei lai in a pha takin taangcil tu a kihil sa, taangcil nuamin a kinging khuila khat taw kibang hi. A ngawng hoi sia tungah hakkol khat bulsak in nasep hamsa zaw seamsak tu in ka khensat hi. Judah in lo thawna thingha sia ka kaisak a, Israel in lei kalthapna thik-ha ka kaisak hi.

Micah 5:7

Israel mi a suakta laite sia minam tam atu in Topa piak tha thak nga kikna daaitui bang hi tu a, thingno suante tung a nguazu vapeak bang hi tu hi. Amate in Pathian bealh tu a, mihing suang ngawl tu hi.

Habakkuk 3:12

Thin uuk sa in leitung na kaantan a; thinsona taw minamte na tuanhcil hi.

Zechariah 12:3

Ahihang tua hun hong thet ciang, Jerusalem sia a ngit suangtum pui khat bangin ka vawt tu a — tuasia laamto tu a kipan minam pawpo liam tu hi. Leitung minam theampo kipawlin ama sim tu uh hi.

Zechariah 12:6

“Tua hun ciang Judah bee le phungte duisung ahibuale, thaw an min lak pha lo sung a meikaang bangin ka vawt tu hi — amate in a kiimkot minamte theampo susia tu uh hi. Jerusalem mite ahile khuapi sungah ngammuangin om tu uh hi.

Zechariah 4:14

Tuasia ciang ama in, “Hite in leitung bup ii Topa na a seam tu in Pathian tealsa le sathau a noisa mihing niite ahi hi,” ci hi.

Zechariah 6:5

Ama in, “Hite sia vui lite hi a; tuate in leitung bup ii Topa omna pan hong pai tawm hi,” ci in hong zo hi.

1 Corinth te 16:2

Nipi ni simin na sum thalaw za uh taw kizui in sum pawlkhat na koituam hamtang vun a, na khol vun. Kong pai ciangin sumkhon a kul ngawl tu in na tawm vun.

Thuhil kikna 33:25

A khuate thik kongpite taw kidal hen a, Ngammuang in nungta tawntung tahen,” ci hi.

Joshua 6:19

Ngunn, khamh, taau ahi buale thik taw a kivawt na theampo sia Topa atu in kikoituam hi. Tuabangte sia Topa sum kholna ah kikoi tu hi,” ci hi.