Micah 4:12 - Syin Chin Bible

¹² Ahihang hi minamte in Topa ngaisutna sungah a om sia he ngawl uh hi. Lo ante cil tu in a paipui bangin amate daan piak tu in a kikaikhop ahi hunlam amate in phawk ngawl uh hi.

Micah 4:12 Iomraidhean Croise

Psalm Late 147:19

Ama in a mite tungah thupuak a, lamlaknate le thukhamte Israel te pia hi.

Psalm Late 147:20

Ama in minam dangte tungah hi bangin a seam bua hi; amate in ama thukhamte a he bua uh hi. Topa pok vun!

Isaiah 10:7

Ahihang Assyria kumpilianpa in ngoltol ngealnate nei hi. Ngam tam mama siatsak sawm hi.

Isaiah 21:10

Israel ka mite awng, mangtaang bangin no hong kicil zo hi, ahihang tu in Israel te ii Pathian ahi, Vaanglianbelpa Topa tung pan ka zaak, a zaaknophuai thuphate kong son zo hi.

Isaiah 29:7

tuasia ciang Pathian ii biaknatau khuapi a sim minamte ii ngalkap hon theampo, a ngalhiam le a ngalvanh a vekpi — na theampo — zanin khua ngaisut bang, mangmat khat bangin mang vadi tu hi.

Isaiah 55:8

Topa in, “Ka ngaisutnate note ii ngaisutna taw kibang ngawl a, ka paiziate note ii paizia taw kilamdang hi.

Jeremiah 29:11

No atu in tupna ka neite sia na tuasiat natu hi ngawlin mi nuamsa na sua natu le mai sangah lametna kong piak natu ngealnate ahi hunlam keima bek in ka he hi.

Jeremiah 51:20

Topa in, “Babylon awng nang sia ka sek na hi a, ka ngalhiam na hi hi. Minamte le kumpi ngamte sukcip natu,

Jeremiah 51:33

Khuangeingawlin ngalte in ancilna munah taangcil bangin amate saat vawkin tuanhcil tu uh hi. Keima, Vaanglianbelpa Topa Israel ii Pathian in ka ci zo hi,” ci hi.

Joel 3:2

Minam theampo ka khawmtua tu a, Thukhenna Kuam ah ka paipui tu hi. Ka mite tung a, a vawt na sa theampo huvau in tua munah amate thu ka khen tu hi. Amate in Israel te ngamdang ah thethaang in, ka Israel ngam khentham uh hi.

Luke 3:17

Ama in ankheap natu taangkheaplaw, a khut sungah toai zo hi, zungtaangte hong kheap tu a, a tang teng saal sungah khawmtua in; a theap teng a mit ngeingawl meikuang sungah hal tu hi,” ci hi.