Micah 4:10 - Syin Chin Bible

¹⁰ Jerusalem mite awng, nausuak tu numei bangin kisaan in tau vun, banghang ziam cile tu in khuapi na nusia tu uh a, ngam taanzau sungah na teang tu uh hi. Babylon ah na pai uh kul tu hi, ahizong tua munah Topa in na ngalte khut sung pan hong hun tu hi.

Micah 4:10 Iomraidhean Croise

2 Kumpite 20:18

Nangma ii suan le paal tatak te pawlkhat kipaipui tu a, a cil uh kinget in Babylon kumpi inn sungah numei uk kiseamsak tu hi ci hi,” ci in son hi.

2 Kumpite 25:4

a mite in a khuapi luphung sulet hi. Babylon te in khuapi kiim uum ahihang ngalkap theampo sia zanin suakta uh hi. Amate in kumpi huan pan luphungte nii kipeena kongpi lam tawn in Jordan Kuam sangah tai uh hi.

2 Khangtaanghthu 33:11

Tua ahikom Topa in Assyria ngalkapmangte in Judah ngam simsak hi. Amate in Manasseh manin thikkawn le kol bulin Babylon ah paipui uh hi.

2 Khangtaanghthu 36:20

Ama in a nungta lai theampo Babylon ah ciapui a, tua munah amate in sila bangin Persia kumpilianpa hong khan dong ama le a suan a paalte ii na seam uh hi.

2 Khangtaanghthu 36:23

“Hisia in Persia kumpilianpa Cyrus ii thupiakna ahi hi. Vantung Pathian, Topa in leitung buppi uk pa in keima hong koi zo a, Judah ngam Jerusalem ah ama atu biakinn khat sa tu in vaipuak hong pia zo hi. Tu in no, Pathian mite theampo awng, tualai ah va pai tavun a, Topa na Pathian note taw hong omkhawm tahen.”

Psalm Late 106:10

A ensante khut sung panin amate hun hi; a ngalte khut sung panin amate suatak hi.

Isaiah 43:14

Israel te ii a thiangtho Pathian, note hong ngum Topa in, “Note hong ngum tu in, Babylon a sim tu ngalkap honkhat kong puak tu hi; khuapi kongpite ka siasak tu a, a mite auna awte in kaana aw suak tu hi.

Isaiah 45:13

Ka tup ka sawmna bang a taangtut thei natu le nate a maan a sua natu a seam tu in Cyrus ka thaw hi. Ama ii khualhawna lampi theampo ka tangsak tu hi. Ama in ka khuapi, Jerusalem sa kik tu a, koltaang ka mite suaktasak tu hi. Hi thu vawt tu in kuama in ama cial ngawl hi, ahibuale sumnguk pia ngawl hi” ci hi. Vaanglianbelpa Topa in son zo hi.

Isaiah 48:20

Babylon pan pusuak in, suakta takin pai vun! lungdamna taw hi thuphate au in son vun; “Topa in a naseampa Israel ngum zo hi!” ci in mun theampo ah thangsak vun.

Jeremiah 13:4

“Euphrates ngun ah pai in, suanghawng khat sungah tua ngoaipuan tomte phual in,” hong ci hi.

Jeremiah 15:21

Mi seksolte le mi ngoltolte ii khut sung panin nang kong suatak tu hi. Keima, Topa in kong son hi,” ci in hong zo kik hi.

Jeremiah 29:20

Babylon ah saltaang in kong puak note theampo awng, Keima, Topa ii ka son sia ngai vun,’ ci hi.

Jeremiah 4:31

Numei khat nautun a, a kap bang aw khat ka za hi, taciil a suak numei khat ii cik-au taw kibang hi. Tua in Jerusalem ii hu sam saa a, a kaana ahi hi, a khut zan in, “Kei a lal hi ing! Keima that tu in amate hong pai hi!” ci hi.

Jeremiah 48:41

tuaciang a khuate le a kulhte kila tu hi. Tua ni in Moab ngalkapte sia numei nausuak tu khat bangin patau tu uh hi.

Jeremiah 52:27

tua khuapi sia Hamath ngam sungah om hi. Tua munah kumpipa in amate saatsak in thatlum hi. Tua ahikom Judah mite sia a ngam panin saltaang tu in kipaipui hi.

Hosea 1:10

Israel mite a kisim zo ngawl, a kitee zo ngawl tuipi sen za bang suak tu hi. Tu in Pathian in amate mun ah, “Note ka mite hi ngawl nu hi,” ci hi, ahihang, “Note sia a nungta Pathian ii tate hi nu hi!” a ci ni hong theng tu hi.

Hosea 13:13

Israel in nuntak natu hunpha nei napi a mawmawt lei hu in tua nuntakna la thei ngawl hi — a suak dektak nausen khat naubu sung pan a pusuak nuam ngawl taw kibang hi.

Hosea 2:14

Tua ahikom sennealngam sungah ama ka paipui kik tu a; tua munah ki itna kam taw ama ka zol kik tu hi.

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Micah 5:3

Tua ahikom nau nei tu numei nu ii a tapa a pian mateng Topa in a mite sia a ngalte khut sungah a nusia tu hi. Tua zawkciang ngamdang ah saltaang a mipuite sia a mite taw kingawm kik tu hi.

Thupualaakna 12:14

Tua numei sia sennealngam ama omna a zot natu in muvanlai lian khat ii thakhui nii kipia a, tua munah kum thum le kum lang sung ngulpui ii sim natu pan kikeamcing tu hi.