Micah 4:1 - Syin Chin Bible

¹ Mailam hun ah Biakinnpi dinna mual sia a saangbel mual khat hi tu a, mualnote theampo tungah dokto tu hi. Minam tam mamate tua munah tuiluang bangin hong pai tu a,

Micah 4:1 Iomraidhean Croise

Pianciilna 49:1

Jacob in a tapate samin, “Hong kikhawmtua tavun, mai sangah note tung a hong piang tu thu kong son tu hi:

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Psalm Late 110:3

Na ngalte na sim ni ciangin na mite in amate uuk thu in nang hong pawm tu hi. Zingsang tuung daaitui bangin na khangnote in nang kung mual thiangthote tungah hong pai tu hi.

Psalm Late 22:27

Ngam theampo in Topa a phawk tu uh hi. Leitung mun tuatuamte panin ama a zuan tu a minam theampo in ama a bia tu uh hi.

Psalm Late 48:1

Topa sia lian a, ih Pathian khuapi sung le a mual thiangtho tungah nasia takin pok tu ahi hi.

Psalm Late 86:9

Na bitphua sa minam theampo hong pai in na mai ah kun tu hi; amate in na letna hong pok tu hi.

Isaiah 27:13

Tua ni a thet ciang, Assyria le Egypt ngam ah saltaang in a om Israel te theampo tua mun pan sap kikna tu lemle khat kitum tu hi. Amate hong cia a, Jerusalem khua ama ii mual thiangtho tungah Topa bia tu uh hi.

Isaiah 43:6

Saksangte tungah amate paisak vun ka ci tu a; thangsang te tungah amate khaktan heak vun ka ci tu hi. Ngam khuala na pan le leitung mun theampo panin ka mite heak kik tahen.

Isaiah 49:6

Topa in kei tungah, “Ka naseampa awng, nangma sep tu in nasep lian zaw khat ka nei hi, a suakta lai Israel mite a lian in lapto kik tu bek hi ngawlin, minamte tungah khuavak ahi tu zonghin nang kong vawt tu hi — tuabangin leitung theampo in ngupna a nga thei natu ahi hi,” hong ci hi.

Isaiah 54:2

Na teenna puanbuk khan in; a khau sausak in khetphinte khen kip in!

Isaiah 56:7

“Biakna taw kisai ka mual thiangtho Zion ah kong paipui tu a, ka thungetna inn sungah kong thinnuamsak tu hi, ka biaknatau tungah nong piak biakpiaknate kong saang tu hi. Ka Biakinnpi sia minam theampo atu in thungetna inn kici tu hi,” ci hi.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 3:17

Tua hun hong thet ciang, Jerusalem sia ‘Topa ii Kumpi Tokhum,’ kici tu a, minam theampo tua munah keima bia tu in kikhawm tu uh hi. Amate in a thin puina le a thin siatnate ii sawlna bangin seam nawn ngawl tu uh hi.

Jeremiah 31:12

Amate hong pai in Zion mual tungah lungdam in lasa tu uh a, ka letsongte taw lungdam mama tu uh hi — Ka letsongte sia antang, sapittui, olive thau, tuu le khuite ahi hi. Amate sia pha tak a, tui a kibuak husuan khat taw kibang tu a; amate in a kisap theampo nei tu uh hi.

Jeremiah 48:47

Ahihang mailam sangah Topa in Moab sia nuamsasak kik tu hi. Hite theampo sia Moab tungah a piang tu thu Topa ii sonsa ahi hi.

Ezekiel 38:16

Vuipi suangval sia ngamsung kaantan in a vak bangin Israel ka mite na sim tu hi. A hun hong thet ciang, nang tungtawnin ka sep sia taw ka thianthona le keima akua ka hi sia minamte in hong heak natu ka lakna in ka ngam sim tu in nangma kong paisak tu hi.

Ezekiel 40:2

Mukholna khat sungah Pathian in Israel ngam sungah hong paipui a, mualsaang khat tungah hong koi hi. Ka mai ah khuapi khat taw a kibang inn honkhat ka mu hi.

Ezekiel 43:12

Hi thu sia Biakinnpi thukham ahi hi: Biakinnpi omna mualdawn le a kiimkot mun theampo sia ciliaphuai in thiangtho hi,” ci hi.

Daniel 10:14

Mai lamsang na mipuite tungah a piang tu thute a telsak tu in hong pai ka hi hi. Hi sia in maisang thu tu mukholna ahi hi,” ci hi.

Daniel 2:28

Ahihang thutumdangte a pualaak vantung ah Pathian khat om hi. Ama in maisang thupiang tute, Nangma Kumpipa tungah hong hil zo hi. Na mut laitak a na mu kholna, tua mang sia tu in kong son tu hi.

Daniel 2:35

Thakhatin thik, tungman, taau, ngunn le khamhte tamhneen ngawp a, khuakhaal lai ancilna mun a leivuite taw kibang hi. Vui in tuate seammang a, bangma taang nawn ngawl hi. Ahizong tua suangtum sia khang in mual cia pha a, leitung buppi huam hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 7:14

Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Daniel 7:18

Tuaciang Lianbel Pathian ii mihingte in kumpi vaangletna nga tu a, a tawntung a tawntungin keam tu uh hi,” hong ci hi.

Daniel 7:22

Tuaciang a nungta tawntung mihingpa hong pai a, Lianbel Pathian ii mihingte ngumin thu khen hi. Pathian ii mihingte ii kumpi vaangletna a nga natu hun hong theng zo hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Zechariah 14:10

Saksang Geba panin thangsang Rimmon dong ngamkuam buppi leitam kisua tu hi. Jerusalem sia kiim le paamte sangin saangzaw tu hi; khuapi in Benjamin kongpi pan nidang kongpi omna ngei Kiing Kongpi dong, tuaciang Hananel Tausaang pan kumpite sapittui suuknate dongin kithung tu hi.

Zechariah 2:11

Tua hun ciang minam tam mama Topa kungah pai tu a, ama mite suak tu uh hi. Ama in note sungah hong teang tu a, no kungah kei hong puak hunlam na he tu uh hi.

Zechariah 8:3

Ka khuapi thiangtho Jerusalem ah ka cia kik tu a, tualai ah ka teang tu hi. Tua khuapi sia a citak khuapi kici tu a, Vaanglianbelpa Topa mual sia a thiangtho mual kici tu hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Sawltakte 2:17

‘Hisia in ni tawpkhak sang ciangin ka vawt tu thu ahi hi, Pathian in ci hi: Ka thaa ka buak tu hi. Na tapate le na tanute in, keima thu thangsak tu uh hi. Na khangnote in mang mu tu uh hi; Na khanghaamte in, mang man tu uh hi.

Hebrew te 1:2

ahihang hi hun khakbel hunte ah, a Tapa tungtawnin hong paupui hi. Ama tungtawnin Pathian in vaannuai bup bitphua a, a khakbel ciangin na theampo ama ii neisa suak tu in ama sia Pathian ii tealsa ahi hi.

2 Peter 3:3

A masa phitin, hi hun khakbel sungah, a nuntakna uh pumpi deinate ii a uksak mihing pawlkhat hong pian tu sia na heak tu ka dei hi. Amate in hong nunau tu a,

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Thupualaakna 15:4

Topa awng nang lamdang hong sa ngawlin akua ding tu ziam? Akua in na letna a thansak tu nial ngam tu ziam? Nangma bek na thiangtho hi. Minam theampo hong pai in nang hong bia tu hi, banghang ziam cile, thumaanin na ngamtatnate mihing theampo in hong mu siat uh hi,” ci hi.

Thupualaakna 20:4

Tua zawkciang kumpi tokhumte ka mu a, a tungah a tote in thu a khen thei natu in vaangneina kipia hi. Pathian kammalte le Jesus ii pualaak thumaan thutak te a thansak uh hu a, a kithatte ii thaate zongh ka mu hi. Amate in nganhing le a lim a bia bua uh hi, tua bek dom ngawlin, a talki tungah ahibuale a khutte tung zongh ah nganhing tepteena a nei bua uh hi. Amate in hong nungta kikin Christ taw kum tulkhat kumpipate bangin a uk uh hi.