Micah 3:7 - Syin Chin Bible

⁷ Mailam atu a sonkholte, a son bang a taangtut ngawl hu in minsia tu uh hi. Amate theampo ki enthaw tu hi, banghang ziam cile Pathian in amate ci bangin zo ngawl hi.

Micah 3:7 Iomraidhean Croise

Psalm Late 74:9

Koma ii tepteena lim thiangtho theampo bo siat zo hi; kamsaangte kuama taang nawn ngawl a, hisia bang tanvei khuangei tu ziam ci in kuama in he ngawl hi.

Pusuana 9:11

Mitbum thiamte Moses mai ah kilaak thei ngawl uh hi, banghang ziam cile a dang Egypt te theampo taw kibangin uilut meima veei siat uh hi.

Isaiah 44:25

Aisaan theite a mawmaw ka sua tu a, aksi en theite ii thuson kholnate a lungmanhuai ka sua tu hi. Mipilte ii kammalte ka nial a amate pilna sia mawmawtna ahi hunlam ka lak hi.

Jeremiah 18:18

Tuaciang mite in, “Jeremiah taw kisai in na pawlkhat seam sin tawng! Hong hil tu in thiampite, ngaisutna hong pia tu in miciimte le Pathian ii thupuak a thangsak tu in kamsaangte om tawntung tu hi. Ama tungah thu ih vawt tu a, ama thuson peuma ih ngai buatu hi,” ci uh hi.

Ezekiel 24:17

Naang in na om hunlam kuama in zasak heak in. Khuangaina lim na lakna in lukhu khu ngawl, peangnguakin vak heak in. Na maitang seal heak in a, a khuangaite neak ante ne heak in,” hong ci hi.

Ezekiel 24:22

Tuasia ciang keima ngamtat sa bangma in na ngamta tu uh hi. Na maitang uh seal ngawlin, a khuangaite ii anneakte na ne buatu uh hi.

Thiampite 13:45

A lauhuai vun natna a veipa in puan ek silh tu a, a sam pot ngawlin, a mai nuaisang teng seal a, “A thiang ngawl, a thiang ngawl ka hi hi!” ci in au tu hi.

Amos 8:11

“Ngam sungah kialpi ka tunsak natu hun hong theng tu hi. Mihingte ngilkial tu ahihang andu ngilkial hi ngawl tu hi; a dangko tu ahihang tuidu dangtaak hi ngawl tu hi. Amate in Topa kung pan thupuak khat a deina in ngilkial dangtaak hi tu hi. Keima, Vaanglianpipa Topa ka pau zo hi.

Micah 3:4

Topa tungah na ko tu hun hong theng tu a, ahihang ama in hong zo ngawl tu hi. Note thungetna ama in hong ngai ngawl tu hi, banghang ziam cile a sia na vawt uh hi.

Micah 7:16

Ngam tuatuamte in hi sia mu tu a, a thahatna theampo kawm pan a thin lal tu uh hi. Thin kiamin lungmang a, amate a kam im in, a bilte hum tu uh hi.

Zechariah 13:4

Tua hun hong thet ciang kamsaang kuama in a mukholna hu in kiphasak ngawl tu a, kamsaang khat bangin ngamta ngawlin, kamsaangte puan hampuite ngualtheam natu in silh ngawl tu hi.

1 Samuel 14:37

Tua ahikom Saul in Topa dongh a, “Philistine te ka sim tu ziam? Ko nong zosak tu ziam?” ci hi. Ahihang Pathian in tua ni in zo ngawl hi.

1 Samuel 28:15

Samuel in Saul munah, “Banghangin kei hong nawngkaisak ni ziam? Banghangin hong pai kiksak ni ziam?” ci hi. Saul in, “Ngimna lianpi sungah om khi hi! Philistine te sia kei ngalin hong pang hi, tuaciang Pathian in kei hong nusia hi. Ama in kamsaangte tungtawn ahizong, mang tungtawn ahizong ka thudok hong zo nawn ngawl hi. Tua ahikom bang vawt tu khi ziam nong son natu nang hong sam khi hi,” ci in zo hi.

1 Samuel 28:6

tua ahikom ama in Topa munah bang law tu khi ziam ci in dongh hi. Ahihang Topa in mang sung pan ahizong, Urim le Thummim tung pan ahizong, kamsaangte tung pan ahizong, a zo mama bua hi.

1 Samuel 9:9

Saul in zo kik a, “Na ngaisutna pha hi! Pai tawng,” ci hi. Tua ahikom amate mi thiangtho pa ii teenna khua sungah pai uh hi. Amate khua suana mual ah a kaa tawto laitakin, tuitoai tu ngaknu pawlkhat taw kisi uh hi. Ngaknute munah, “A mukhol theipa khua sungah a om ziam?” ci in dongh uh hi. (Tua hun lai in kamsaangte sia a mukhol thei pa kici a, khat po in Pathian munah thu a dok nop ciang, “A mukhol thei pa kungah pai tawng,” ci uh hi.)