Micah 3:5 - Syin Chin Bible

⁵ Sum a pia zote tungah kilemna om tu hi ci in kamciam pia a, ahihang a pia zo ngawlte tungah ngal om tu hi ci in a tawng kamsaangte ii theamna sia ka mite in thuak hi. Hi kamsaangte tungah Topa in,

Micah 3:5 Iomraidhean Croise

Paunakte 28:21

Mi doidanna in khialna hi. Ahihang thukhenmang pawlkhat in sumnguk tawmno po deina ngawngawnin a maan ngawlin naseam tu hi.

Isaiah 3:12

Sum pukthaakte in ka mite zawthawk vawt a, a leiba tote in amate theam uh hi. Ka mite awng, na lampuite in lam hong pui khial ahikom, na kiheak natu lampi na he bua uh hi.

Jeremiah 23:27

A taanghpupite in kei hong mangil a Baal kung a zot bang keakin, ka mite tung a son, a mangmatte in kei hong mangilsak tu hi ci in um uh hi.

Jeremiah 23:32

Keima, Topa ii ka ci sia ngai vun! Leilot thu nguaktang ahi amate ii mangte a son kamsaangte ka langpan hi. Amate in hi mangte sonin a leilotnate le a kisaktheina uh taw in ka mite lam khialpui uh hi. Amate ka paisak bua a, thu zongh ka pia bua hi, mihingte atu in amate kimanna nei vet ngawl hi. Keima Topa in ka son zo hi,” ci hi.

Jeremiah 6:14

Ka mite ii liamna mate sia a vuntham bak bang bekin amate in ngaisun uh hi. Pha siat ngawl napi, ‘Pha siat hi,’ ci uh hi.

Jeremiah 6:4

Amate in, “Jerusalem sim tu in kithoai vun! Kinging vun! Sunkim laitakin ih sim tu hi!” ci tu uh hi. Ahihang amate ma in, “Hai lei zo hing, ni tum dektak zo a, nitak limhte sau zo hi.

Kaa late 2:14

Na kamsaangte in leilot thu ngawl po nang tungah son tu nei ngawl hi. Na mawna a pholaak ngeingawl amate thuhilna taw nang hong theam ahi hi. Amate in na kisii kik tu a kul ngawl tu dongin hong ngaisunsak hi.

Ezekiel 13:9

A maan ngawl mukholna te le lamkhialsak tu sonkholnate a nei no kamsaangte daan kong pia tu hi. Thukhen tu in ka mite a kikhop ciang, tua munah na om buatu hi; Israel ngammite tepteena lai sungah na min uh a kihel buatu hi. Na ngam uh ah na heak kik ngei buatu uh hi. Tuasia ciangin kei sia Vaanglianpipa Topa ka hi hunlam na he tu uh hi.

Hosea 4:5

Sun taw zan taw note khial tan nu hi, tuaciang kamsaangte no sangin phazaw tuan ngawl hi. Na nu, Israel susia tu khi hi.

Joel 3:9

“Minamte sungah hi thu thangsak vun: ‘Ngalsim tu in kithoai vun; na ngalhangte sam vun; na ngalkapte khawm vun a, kuan vun!

Micah 2:11

“Hi mihingte ahile, ‘Sapittui le zu no atu in hong luang tu hi ci in kamsaanna kong son hi’ ci in leilot thu bebek sonin a vak, ngualtheam kamsaang namte, dei uh hi.

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Malachi 2:8

“Ahihang tu in no thiampite in lampi maan panin na pial zo uh hi. Na hilna in mihing tam mama khialsak hi. No taw ka vawt thuciam sia paltan zo nu hi.

Matthew 15:14

“Amate tungtaang ah thinngim heak vun! Amate sia mittawte lampui mittawte ma ahi uh hi; mittaw khat in a dang mittaw khat lam a lak le, a nii in dum sungah taak suk tu hi,” ci hi.

Matthew 7:15

“Leilot kamsaangte na up ngawl natu kidawm vun; amate a puatham ah tuu bangin hong pai tu a, a sungsang uh sia ngia hangsan bang hi tu hi.

Romete 16:18

Banghang ziam cile tuabangin a ngamtate in ih Topa Christ atu in a seamte hi ngawl a, amate ngilpi atu in a seamte ahi uh hi. Amate in kamneal le kisialpoknate taw bangma a he ngawl mihing pawlkhat a theam uh hi.