Micah 3:12 - Syin Chin Bible

¹² Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Micah 3:12 Iomraidhean Croise

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Psalm Late 79:1

Pathian awng, Pathian he ngawlte in na ngam hong sim zo hi. Amate in a thiangtho na Biakinn sia ninsak uh a, Jerusalem sia a zaancip in nusia uh hi.

Isaiah 32:14

Kumpi inn ngawngawn kinusia tu a, khuapi taisan in kiloai tu hi. Innte le amate a dal kulhte a tawntung lalcip tu hi. Tua mun ah ngam laate vakin tuute an zong tu uh hi.

Jeremiah 17:3

le mual liante tungah, a kiphut limte biaknataute ah bia uh hi. Na ngamsung theampo ah na vawt uh mawna khialnate theampo hu in na nei na lamh le na sum na paaite na ngalte in kong sutsak tu hi.

Jeremiah 22:5

Ahihang kong thu piakte nong ni bua uh le, hi kumpi inn sia siacip tu hi ci in ka kiciam hi. Keima, Topa in ka ci zo hi.

Jeremiah 22:6

“Kei atu in, Judah ii kumpi inn sia Gilead ngam le Lebanon Mualte bangin hoi hi; ahihang kuama ii ten ngawlna a ngamkhing mun kolh khat ka suaksak tu hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Jeremiah 35:17

Tua ahikom tu in, Keima, Vaanglianbelpa Topa, Israel ii Pathian in no, Judah mite le Jerusalem mite tungah ka kamciamsa suksiatna theampo kong tungsak tu hi. Hi bangin note kong vawt tu hi, banghang ziam cile thu kong son ciang nong ngai bua uh a, kong sam ciang nong zo bua uh hi,” a ci teng a son tu in kei hong sawl hi.

Jeremiah 44:2

Vaanglianbelpa Topa Israel ii Pathian in, “Jerusalem khuapi tung le Judah ngam khuapi dangte theampo ii tungah suksiatna ka thetsak sia noma mama in na mu zo uh hi. Tua khuapite sia tu dong ma in siacip lai a, kuama teang ngawl hi,

Jeremiah 52:13

Ama in Biakinnpi, kumpi inn le Jerusalem khua sungah mi thupi theampo ii innte mei taw haltum hi;

Jeremiah 9:10

Keima in, “Mualte atu in khuangai a mau in, ngamsung lohingna munte atu in ka kap tu hi. Banghang ziam cile tua munte kongaw a, kuama khualhawin kaantan ngawl hi, ngannote haamna aw kiza nawn ngawl hi; vacimte le ngamsate tai siat zo hi,” ka ci hi.

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Kaa late 5:18

Zion Mual sia ngamkhing ngamdai in kinusia ahikom tua a kisia sa munte ah ngam uite vak hi.

Micah 1:6

Tua ahiciang Topa in, “Samaria sia ngam taanzauna sung a siasa teng kholna mun, sapitkung ciin natu mun ka suaksak tu hi. A khuapi sungah suangte zongh kuam sungah ka sungsuk tu a, a khuapi tawphate ka lawtsak tu hi.

Matthew 24:2

Jesus in, “Hi hi, en tek vun. A tatakin kong ci ciang, hi sungah suangte khat zongh a omna ngei san ah om nawn ngawl tu hi; a vekpi kilawn keak siat tu hi,” ci hi.