Micah 3:11 - Syin Chin Bible

¹¹ Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Micah 3:11 Iomraidhean Croise

Paunakte 17:23

A maan ngawl thukhenmangte in sumnguk ne ku hi, tuasia ciang a khaikim thukhenna kivawt nawn ngawl hi.

Isaiah 1:23

Na lampuite sia ngual leedote le ngutate ii lawmte veu hi a; amate in letsong le sumngukte saang tawntung uh hi. Amate in tangate, zumkong maangkong ah panpui ngeingawl a, meingongte ii a thusun ngai ngeingawl uh hi.

Isaiah 48:2

Tuaciang a thiangtho khuapi ah a teang mite ka hi uh a, Israel te ii Pathian ahi Vaanglianbelpa Topa a suangte ka hi uh hi ci in, na kiphasak lalai uh hi.

Isaiah 5:23

Ahihang sumnguk khat po taw a maw mite na suaktasak zeang uh a, a maw ngawlte ii thukhaikim thu khenna a nga natu na khaam uh hi.

Isaiah 56:11

Amate sia a deiza a nga ngeingawl, a duhop uite taw kibang uh hi. Hi lampuite in telthiamna bangma nei ngawl uh hi. Amate uuk bang tekin ngamta in a phattuam natu tek zong uh hi.

Jeremiah 23:17

Ka ci bang hong ngai nuam ngawl mihingte tungah na theampo amate atu in pha tu zam ci tan lai uh hi. Amate in mihing thinpui khat sim tungah tua siatna in ama thutha ngeingawl tu hi ci in son uh hi,” a ci hi.

Jeremiah 26:7

Thiampite, kamsaangte le mihing om theampo in Biakinnpi sungah ka son hi thute za uh hi.

Jeremiah 5:12

Topa ii mite in ama nial in, “Ama in bangma vawt takpi ngawl tu hi. Ih haksatna hunte om ngawl tu hi; ngal ahibuale kialpi ih thuak buatu hi,” ci uh hi.

Jeremiah 6:13

A kuama po, a lian a no in a thumaan ngawlin sum zon tu hanciam uh hi; kamsaangte le thiampite ngawngawn zongh in mite theam uh hi.

Jeremiah 7:4

‘Ei ngammuang zo hing! Hisia Topa ii Biakinnpi ahi hi, hisia Topa ii Biakinnpi ahi hi, hisia Topa ii Biakinnpi ahi hi!’ a ci tua theamna kammalte um nawn heak vun.

Jeremiah 8:10

Tua ahikom a lote sia ngual lo nei thak te ka pia tu a, a zite sia pasal dangte ka pia tu hi. A lian a no a vekpi in thumaan ngawlin sum vawt sawm uh hi. Kamsaangte le thiampite ngawngawn ngualtheam uh hi.

Ezekiel 22:12

Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa Topa in son zo hi.

Ezekiel 22:27

Kumpi zum ulian te sia nganhing a mat sate a laaitham ngia te taw kibang uh hi. A hau natu in amate in mihing that uh hi.

Ezekiel 34:2

Ama in, “A thithei mihing awng, Israel ngam ukte sonsia in, kamsaanna taw, Keima, Vaanglianpipa Topa ii kong ci teng amate munah son in: No Israel ii tuucingte awng a lal na hi uh hi: Noma le noma na kikeam cing uh a, ahihang na tuute na keamcing ngei bua uh hi.

Hosea 4:18

Sapittui tam mama a neak zawkciang amate pumpi zuakna taw nuamsa in, minphatna saang in minsiatna dei zaw uh hi.

Hosea 4:8

Ka mite mawna khialna te tung pan hau law na hi uh kom amate khial vaial le na oai uh hi.

Amos 5:14

Na nuntak thei natu in siatna vawt ngawlin a maan vawt sawm vun. Tua hile kote kungah Vaanglianbel Topa Pathian om hi na ci uh bangin note taw om takpi tu hi.

Amos 9:10

‘Pathian in eite kungah natna satna hong naisak bua in teh a ci theampo — ka mite sung a mawneite ngal sungah kithatlum tu hi,” ci hi.

Micah 3:5

Sum a pia zote tungah kilemna om tu hi ci in kamciam pia a, ahihang a pia zo ngawlte tungah ngal om tu hi ci in a tawng kamsaangte ii theamna sia ka mite in thuak hi. Hi kamsaangte tungah Topa in,

Micah 7:3

Amate siatna vawt tu thiam siat uh hi. Uliante le thukhenmangte in sumnguk ngen uh hi. Mihing ci thei khat in ama uuk teng amate tungah son a, tuabangin amate vaihawm khawm uh hi.

Zephaniah 3:3

A uliante sia tawpi hawk bang hi a; a thukhenmangte sia, duhop leih kisa in a zing ciang dong sangu khat zongh a khe ngam ngawl ngiapui ngilkialte bang ahi uh hi.

Zephaniah 3:4

Kamsaangte in sep nop vacin nei ngawl a, thimthel uh hi; thiampite in a thiangtho nate ninsak in, Pathian thukhamte amate phattuam natu in deikai uh hi.

Malachi 1:10

Vaanglianbelpa Topa in, “Ka biaknatau tungah a kimang ngawl meite na hal ngawl natu in note khat in biakinn kongkhate khak le uh teh kong oai hi. No tungah ka lungkim ngawl a; kei kung nong paipui biakpiaknate kong saang buatu hi.

Malachi 2:9

Note in ka deina nong ni bua uh a, ka mite na hil uh ciang zong, khat le khat doidan na hi uh ciang, Israel mite in note kong simmawsak kik tu hi.

Mi Simna 16:15

Moses thin uuk in Topa tungah, “Hi mihingte ii hong ken biakpiakna khat zongh saang heak in. Amate khat tungah zongh ka khial ngei bua a; a laate khat zongh ka laaksak ngei bua hi,” ci hi.

Mi Simna 22:7

Tua hi a, Moab te le Midian te ii lampuite in a haamsiat natu a thap man tu kengin Balaam kungah pai in, Balak kam vaithak teng son uh hi.

Matthew 3:9

Na taanghpupi Abraham suan le paalte na hi uh hu in, daan thuak natu pan suakta tu in, kimuangmaw heak vun. No tungah hong ci khi hi, Pathian in hi suangte zongh la in Abraham suan le paalte suaksak thei hi!

1 Timothy 3:3

Ama sia zukham thei le a ngoltol hi ngawl het tu a, cinghin ngual taw kilem thei tu hi; ama in sum bek ngaisun ngawl het tu hi;

Titus 1:11

Maizum maw in sum nga nopna bek taw, a kilawm ngawl thute a hilna uh taw, innkuan bubup buaisak ahikom, a thuson ih khaktan kul tu hi.

1 Peter 5:2

Uuk ngawl pipina taw hi ngawlin Pathian hong deisak bangin, uukna takpi taw Pathian hong piak tuuhonte keam tavun ci in kong thuum hi. Na nasep uh sia thasum saan natu lel hi ngawlin, uukna takpi taw a seam hi tavun.

Jude 1:11

Amate atu in bangza in lauhuai ziam! Amate in Cain ii lampi tawn uh hi. Balaam khial bangma in, amate sia sum huvau in puk uh hi. Korah ii a langpan bangin, amate zongh in langpan uh a, ama bangma in kilalsak hi.

1 Samuel 8:3

Ahihang amate in a pa nasep bangin a seam bua uh hi; amate in sum vawt tu bek kin ahikom, sumnguk ne in thumaan thutang taw thu a khen bua uh hi.