Micah 2:9 - Syin Chin Bible

⁹ Ka mite sung pan numeite sia a it a innte pan na hawlkeak tu uh a, a tate tung pan ka thuphate a tawntungin na sut uh hi.

Micah 2:9 Iomraidhean Croise

Psalm Late 72:19

Ama min tuanngen sia a tawntungin pok vun! Ama ii minthanna in leitung bup ah dim tahen. Amen! Amen!

Jeremiah 10:20

Ih puan bukte kisia zo a; a sawmna khaute tattan zo hi. Ih tate uh le tai siat zo a; ih puan bukte hong saksak kik tu kuama om nawn ngawl hi; A kongkha puante uh a khaisak tu kuama om ngawl hi,” ci in au uh hi.

Ezekiel 39:21

Topa in, “Minamte in ka vaangletna ka musak tu hi, tuaciang a maan a thu ka khensat natu in bangbangin ka vaangletna zangh khi ziam ci sia ka lak tu hi.

Joel 3:6

Judah le Jerusalem mite sia amate ngam pan a khuala mamana ah paipui in Greek te tungah na zuak uh hi.

Amos 2:7

Amate in a thazawm a cimawte tuanhpeak in mizawngte sawn vawk hi. Pasal khat le a ta in a sila nu luppui khawm a, tua bangin ka min thiangtho daisak hi.

Micah 2:2

Amate in lote a dei uh ciang suttol uh hi; innte a dei uh ciang laksak uh hi. A kuama po ii innkuan, ahibuale neisa bit ngawl hi.

Habakkuk 2:14

Ahihang tuipi sia tui taw a kidim bangin leitung in Topa vaangletna heakna taw kidim tu hi.

Zechariah 2:5

Topa in khuapi huu tu in ama mama khuapi kiimkot a mei luphung khat hi tu a, ama tua munah a vaangletna theampo taw a teang tu in kamciam pia zo hi va ci ta'n,” ci hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Mark 12:40

Amate in meingongte zothaw in, a inn uh suttol in, a sau pupui a thungetna taw amate ngamtatna phualseal uh hi. Tua hu in amate daan thuak tu nasia seseam tu hi!” ci hi.

Luke 20:47

Amate in meingongte zothaw uh a, a inn a lo suttol in, tuaciang, ngual ii pha a sak tu a deina in, a sau tatak thungen uh hi! Amate ii daan thuak tu sia nasia seseam tu hi!” ci hi.

2 Corinth te 3:18

Tua ahikom eite theampo in, a kisiin ngawl maitangte taw Topa vaangletna kilanghsak vun. Thaa ahi Topa kung pan hong pai tua vaangletna sia ma in a nasia vaial vaangletna sungah ama ii pianzia bangin eite hong kheal hi.

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

1 Samuel 26:19

Kumpipa awng, kong son tu sia na ngai in. Kei nong langpan natu hong vawt pa sia Topa ahile ama tung a biakpiakna khat vawt leang a thin khealsak tu hi; ahihang mihingte ii vawt ahile Topa haamsiatna amate tungah tung tahen. Banghang ziam cile Topa ii ngam le lei panin ngamdang pathiante bek ka biak thei natu ngam ah kei hong kinotkeak hi.