Micah 2:6 - Syin Chin Bible

⁶ Mipite in kei tung ah, “Ko, thu hong hil heak in. Tuabang thute hong hil heak in. Pathian in kote hong maimawlsak ngawl tu hi.

Micah 2:6 Iomraidhean Croise

Psalm Late 74:9

Koma ii tepteena lim thiangtho theampo bo siat zo hi; kamsaangte kuama taang nawn ngawl a, hisia bang tanvei khuangei tu ziam ci in kuama in he ngawl hi.

Isaiah 29:10

Mutthip natu in Topa in na mut hong suaksak hi. Kamsaangte sia mihingte ii mittang hi tu a, ahihang Pathian in amate mit humcipsak hi.

Isaiah 30:10

Amate in kamsaangte a thim khipkhep natu in sawl uh hi. Amate in, “A maan sia bang ziam ci in ko hong son heak vun. Koma zaak nopte bek hong son tavun. A maan bua zong koma ii om ngei bangin hong omsak tavun.

Ezekiel 20:46

Ama in, “A thithei mihing awng, thangsang en in. Thangsang le thangsang taam ngam siat natu sonkhol in.

Ezekiel 21:2

Ama in, “A thithei mihing awng, Jerusalem siatson in. Mihingte biakpiakna munte siatson in. Israel ngam tungah a kidop natu in,

Ezekiel 3:26

Hi tualngal a tho nuam mihingte kidop natu na son thei ngawl natu in na leei ka zawsak tu hi.

Amos 2:12

Ahihang tua Nazirite te sapittui na nesak uh a, ka thusonte a son kik ngawl natu in kamsaangte thu na pia uh hi.

Amos 7:13

Hi lai Bethel ah kamsaanna nei nawn heak in. Hi mun sia kumpipa ii biakna mun hi a, ngammi bup ii biakinn hi,” ci hi.

Amos 7:16

Tua ahikom tu in Topa paunate ngai in. Nangma in kamsaanna ka tawlngak natu le, Israel mite thuak tu in ka sonkeakna ka tawlngak natu nong son hi.

Micah 3:6

“Kamsaangte awng, na ni uh bo dektak hi; no tungah ni tum tu hi. Ka mite lam khialsak na hi uh ciang kamsaan mukholnate na nei nawn buatu uh a, bangma na sonkhol thei nawn buatu uh hi.

Micah 6:16

Hi bang hong piang tu hi, note in Omri kumpipa le a tapa Ahab kumpipa ii ngamtat siate na zui uh hang ahi hi. Amate ngamtat ziate zomto na hi uh ciang kong siacipsak tu a, a kuama po in note hong zawngsak tu hi. Mite in mun theampo ah note hong zawnsak vawt tu uh hi,” ci hi.

Sawltakte 4:17

Ahihang mihingte sungah, hi thu a kizel ngawl natu in, Jesus min suang a, a pau kikik nawn ngawl natu amate tawngin thupia tawng,” ci uh hi.

Sawltakte 5:28

“Hisia pa min taw thu hilcian thei nawn ngawl tu nu hi, ci in nasia takin thu kong pia zo uh hi; ahihang tu in bang vawt kik nu ziam! Jerusalem khuathing ah, na thu hilcianna uh kizelsak zo a, ama thina thu kote maw hong pusak nuam nu hi!” ci hi.

Sawltakte 5:40

Sawltakte sungtang in sawl a, vel in, Jesus min taw a hil nawn ngawl natu thupia hi; tua zawkciang amate tha uh hi.

Sawltakte 7:51

Stephen in, “Note bangza in thinpui nu ziam! Bangza in note thin in Pathian he ngawl ziam? Pathian kammal na zaak ngawl natu in, bangza in nangong nu ziam! Na taanghpupite bang lian hi nu hi: note zongh in Thaa Thiangtho nalh tawntung nu hi!