Micah 2:3 - Syin Chin Bible

³ Tua ahiciang Topa in, “No tungah tuasiatna puak tu in ngeal khi hi, tuaciang note suakta thei ngawl tu nu hi. Ngimnga in na om uh kimu tu nu hi; tuaciang kiphasak in vak nawn ngawl tu nu hi.

Micah 2:3 Iomraidhean Croise

Isaiah 29:20

Tuasia sia midangte a zawthawk vawtte le Pathian a melsiate ii bona hi tu hi. Mawnei theampo kilalsak tu hi.

Isaiah 3:16

Topa in, “En vun Jerusalem numeite kiphasak mama hi! Amate vandak sa in lampai uh hi. Amate sikvil tawntung hi. Amate a kal tomsakin pai vakhiangh a, a siakmit tungah haakte ngingsak vasial hi.

Isaiah 5:19

Note in, “Topa in ka vawt tu hi a ci sia hi vabil in vawt tahen, tua hile ih mu thei tu hi. Israel ii a thiangtho Pathian in ama ngealnate vawt hen; a thinsung ah bang ngaisun ziam en tek tawng,” na ci uh hi.

Jeremiah 18:11

Tua ahikom tu in, Judah mite le Jerusalem mite kungah amate siatsak tu tupna nei a daan pia tu in a kinging sa in ka om sia son in. Mawna khialna vawtin a nuntaknate a kheal natu — a omziate le a nasepte a lai natu in amate tungah son in.

Jeremiah 27:12

Judah kumpipa Zedekiah tungah ta bangma in, ka son a, “Babylon kumpipa khutnuai ah tum in. Ama le a mite ii na sepsak in, tua hile na nungta tu hi.

Jeremiah 34:17

Tua ahikom keima, Topa in ka thu nong ni bua uh hi kong ci hi: na Israel mipuite suatakna na pia bua uh hi. Tua ahile pha mama hi, suatakna kong pia tu hi: tua suatakna sia ngal, natna le kialpi taw thina ahi hi. No tungah kong vawtna taw leitung mite theampo ka lausak tu hi.

Jeremiah 36:23

Jehudi in lai khawk thum khawk li bang a sim zawk po ciang, kumpipa in naamno khat taw tua laizial attan in meikhuk sungah lawn hi. Laizial buppi a kaktum dongin ama in meikhuk sungah hal hi.

Jeremiah 43:2

Tuaciang Hoshaiah ii tapa Azariah le Kareah ii tapa Johanan le a kisa thei midangte theampo in kei tungah, “Leilot ni hi. Topa ih Pathian in kote Egypt ngam ah pai a ka teen ngawl natu uh hong son tu in nang hong sawl ngawl hi.

Jeremiah 8:3

Hi a ngilo minam sung pan a nungta lai sun, ka thethaangna munah a teang teng in a nuntak tu sangin thi nuam zaw tu uh hi. Kei Vaanglianbelpa Topa in ka son zo hi,” ci hi.

Kaa late 1:14

“Ama in ka mawna theampo ciamtee a, a vekpi in sawm khawm hi; Tuate ka ngawng kiim ah hong awsak a, a ngitna thuak la in ka thazawm hi. Topa in ka ngalte khut sungah hong aap a, ka cimaw hi.

Kaa late 2:17

Topa in hong tawnna teng a khak belin tungsak hi. Ama in hun saupi lai a eite kidop natu hong hil sa bangin hesuakna om ngawlin hong lalsak hi. Ama in ih ngalte ngalzosak a, ih ngallelna ah amate lungdamsak hi.

Kaa late 5:5

Kalaohte le laate bangin hong kihawl ngawp a, toi mama hikale ung hong tawlngasak ngawl hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Amos 2:14

Tai manlangte zongh suakta ngawl tu uh hi; mihing thakhote a tha bo tu a, tuaciang ngalkapte zongh in a nuntakna uh kihuu zo ngawl tu uh hi.

Amos 3:1

Egypt ngam pan minam bup in ama ii hong pusuasak Israel mite awng, note huvau Topa pauna hi thu ngai vun:

Amos 3:2

“Leitung minam theampo sung pan kong heak le kong thin nop mawk sia noma bek na hi uh hi. Hi thu in noma mawna khialna nasiasak seseam a, tua hu in daan kong piak kul tu hi.”

Amos 5:13

Tua ahiciang hi bang hunsia laitakin thim khipkhep a om na in a pilvang ngamtatna ahi hi!

Micah 2:1

Mutmawklaw liangin thusia a ngealte atu in bangza in lauhuai tu ziam! Amate in zingsangin hunpha a nga pawpo ciang a ngeal sa tatsiatna sia vawt uh hi.

Romete 16:4

Amate in kei atu in a nuntakna aitaa ngam hi; amate tungah ka lungdam hi — kei nguak bek zongh hi ngawlin, Gentile pawlpi mite theampo zongh a lungdam uh hi.

Ephesus te 5:16

Hunpha na nga simin, a pha in zangh in, banghang ziam cile tu hun in ngitlo hun ahi hi.

Thuhil kikna 28:48

Tua ahikom, Topa ii note kungah hong paisak tu ngalte ii na, na seam tu uh hi. Na theampo kitaangsamh in — ngilkial dangtaak le pumnguakin na om tu uh hi. Na lal siat uh dong Topa in nasia takin hong nengniam tu hi.

James 2:13

Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.