Micah 2:12 - Syin Chin Bible

¹² “Ahihang no Israel mi a taanglai theampo kong kaikhawm tu hi. Tuute a khawk sungah a cia bangin kong khawmtua tu hi. Tuute a dimin a om nganthana mun bangin na ngam sia mihing tam mama taw khatvei kidim kik tu hi,” ci in zo kik hi.

Micah 2:12 Iomraidhean Croise

Isaiah 11:11

Tua ni a thet ciang, Topa in ama ii vaangletna khatvei zangh kik tu a, ama ii mite sung pan Assyria le Egypt ngamsung, Pathros, Ethiopia, Elam, Babylon, Hamath ngamsung teng le tuipi tuikulhte tung, le tuipi dung ngamte ah a kinusia mite, a inn uh ah puak kik tu hi.

Isaiah 27:12

Tua ni in, Euphrates ngun pan kipan Egypt ngamngi dong, taangcilte khat po in a zungtaang a tak le a si a khen bangin, Topa in a mihingte khat zawkciang khat kaikhawm tu hi.

Isaiah 34:6

Topa namsau sia amate ii a chi le a thau taw kituam tu a, biakpiakna in a kinei tuu le kealte ii chi le thaute taw kibang tu hi. Topa in hi biakpiakna sia Bozrah khuapi ah pia tu hi; ama in hisia Edom ngam sungah kithalupna lian mama khat suaksak tu hi.

Isaiah 5:17

A sia sa khuapite sungah tuute in lopa ne tu a, kealnote in a tatna tu mun mu tu hi.

Jeremiah 23:3

Ka mihingte a taanglai teng ka thethaang na ngamte panin ka kaikhawm tu a, a ngam ah ka ciasak kik tu hi. Amate in ta tam mama nei in pung mama tu uh hi.

Jeremiah 3:18

Israel sia Judah taw kikop tu uh a, amate in a saltanna ngamsung saksang pan hong paikhawm tekin, na taanghpupite ii a kip a kho in a nei top tu a piaksa ngam ah cia kik tek tu uh hi,” va ci ta'n, ci a hong sawl hi.

Ezekiel 34:11

“Keima, Vaanglianpipa Topa in kong ci na pan keima mama in ka tuute ka zong tu a, ka keam tu hi,

Ezekiel 34:13

Ngamdang tuatuamte pan amate ka la tu a, kaikhawm in, a ngam leitang tungah ka ciapui kik tu hi. Israel ngam luite le mualte ah keima in lampui kikin, lo hingna ah an ka vaak tu hi.

Ezekiel 34:22

Ahizong ka tuute ka suatak tu a, kuama in ka vawtsiasak nawn buatu hi. Ka tuute khat sim tungah thukhenin a sia le a pha ka doi tu hi.

Ezekiel 34:31

“No, ka tuute, kong vaak sa tuuhon, keima mite na hi uh a, keima in note Pathian ka hi hi,” Vaanglianpipa Topa in ci hi.

Ezekiel 36:37

Vaanglianpipa Topa in, “Israel te in ka tungah hu ka ngensak kik tu a, tuasia ciang tuuhon bangin amate ka pungsak tu hi.

Ezekiel 37:21

Tua zawkciang Keima, Vaanglianpipa Topa in a paina ngam theampo panin, ka mite theampo kaikhawm in amate ngam leitang tungah ka ciapui kik tu sia amate tungah son in.

Hosea 1:11

Judah mite le Israel mite kingawm kik tu hi. Amate mama in amate atu lampui khat teal tu a, khatvei ma a ngam a lei ah khangto in nuamsa kik tu uh hi. Hi hi, Jezreel ii ni sia ni thupi ni khat hi tu hi!

Amos 1:12

Tua ahikom Teman khuapi tungah meikuang ka khiak tu a, Bozrah kulhpite ka haltum tu hi,” ci hi.

Micah 2:13

Pathian in amate atu in lampi honsak tu a, a saltanna mun pan suatak tu hi. Amate in khuapi kongpite suthamin suakta tu uh hi. A kumpipa ahi, Topa mama in amate pusuapui tu hi.

Micah 4:8

Tuaciang nang Jerusalem, tuucing khat bangin Pathian ii a mite a etcikna mun sia, khatvei ma noma neisa kumpi ngam khuapi suak kik tu hi.

Micah 5:7

Israel mi a suakta laite sia minam tam atu in Topa piak tha thak nga kikna daaitui bang hi tu a, thingno suante tung a nguazu vapeak bang hi tu hi. Amate in Pathian bealh tu a, mihing suang ngawl tu hi.

Micah 5:8

Minamte sungah a taanglai mite sia duisung ahibuale, ngamsa tatna mun ah, an zong tawpi savai khat bang hi tu hi: ama in tuuhon sungah tum a, tuute manin a bek a bekin laai a — tuaciang suatak natu lametna om ngawl hi.

Micah 7:14

Topa awng, na tealsa na mite tungah tuucing khat hong hi ta'n. Amate in duisung ngampa ah a tuatuamin teang hikale, a kiimkot ah leihoi leipha om hi. Nidang tawngh lai, a kivaak bangin lohing tamna ngam phana Bashan le Gilead ah amate paisak in kivaak tahen.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Zephaniah 3:20

A hun hong tung tu hi! A kithethaang na mite inn ah kong ciapui tu hi; Simleitung bup ah na min kong thangsak tu a, tuaciang khatvei a khangto a nuamsa in kong vawt kik tu hi,” ci hi. Topa in ci zo hi.