Micah 2:10 - Syin Chin Bible

¹⁰ Tho vun a, pai vun; hi lai ah ngam muanna om nawn ngawl hi. Na mawnate in hi mun siasak in lalna sung then hi.

Micah 2:10 Iomraidhean Croise

1 Kumpite 9:7

tuasia ciang ka Israel mite sia ka piaksa ngam panin ka heam tu hi. Kei hong kibiak natu in ka koituam sa, hi Biakinnpi zongh ka nusia tu hi. Mun theampo pan mihingte in Israel sia nunau tu a, simmaw tu hi.

2 Kumpite 15:29

Pekah kumpipa ahi hun laitakin Assyria te ii kumpilianpa Tiglath Pileser in, Ijon, Abel Beth Maacah, Janoah, Kedesh le Hazor khuapi teng le Gilead ii ngamkhen, Galilee le Naphtali teng suan hi, tuaciang a mihingte sia Assyria ah thongtaak tu in ciapui hi.

2 Kumpite 17:6

Hoshea ii maan zawk a kum kua a phak kumin Assyria te ii kumpilianpa in Samaria suan hi, Israel te thongtaak tu in ciapui a, tuate sung pan pawlkhat sia Halah khuapi ah, pawlkhat sia Gozan ngamkhen sung Habor Ngun hui ah, tuaciang pawlkhat sia Media te khuapite ah teangsak hi.

2 Khangtaanghthu 7:20

kong piaksa ngam panin kong heam tu hi, tuaciang keima hong kibiak natu mun tu in ka thiansua sa, hi Biakinnpi ka nusia tu hi. Israel sia mihing theampo in zawnsak vawtin ngaimaw tu uh hi.

Psalm Late 106:38

Amate in tua mawnei ngawl patangno numeinote thatlum uh a, tua kithalupnate in ngam ninsak hi.

Psalm Late 95:11

Ka thin uuk a, a ciliap huai kiciamna ka vawt hi: ‘Muang takin na tawlngak natu a kong khapsa ngam sungah na tum ngei buatu uh hi’ ka ci hi,” ci hi.

Jeremiah 10:18

Topa in hi ngamsung pan note hong lawnthal tu hi; khat zongh kikhe ngawl dongin hong sucip tu hi. Topa in ci zo hi.

Jeremiah 3:2

Mualdawnte ento in. Pumpi kizuak khat bang a na ngamtat ngawlna mun a om ziam? Arab mite in a suam tu mite sennealngam sungah a pan bangin nang in lam dung ah lawm na pang hi. Na pumpi kizuakna taw in ngam na ninsak zo hi.

Jeremiah 9:19

Zion khua sung a kaana aw ngai vun; “Ih lalcip hi! Hong kimaimawl cipsak hi! Ih ngam ih nusiat kul tu hi ih innte hong suksiatsak hi,” ci uh hi.

Ezekiel 36:17

Ama in, “A thithei mihing awng, Israel te a ngam sungah a teen lai in, a nuntakzia le a ngamtatna taw a ngam ninsak uh hi. Amate ngamtat luheak sia numei khat tha simin a nin nei hun sung bangin biakna taw kisai a thiangtho ngawlin ka ngaisun hi.

Ezekiel 36:19

Amate nuntakzia le a ngamtatnate ka mawsak a, ngamdang ah ka thethaang hi.

Thuhil kikna 12:9

banghang ziam cile Topa na Pathian ii hong piakna ngam, nuam takin na teen thei natu uh mun na theng bua lai uh hi.

Thuhil kikna 30:18

tu in hi lai ah kidop natu in kong son hi — note hong kilalcipsak siat tu hi. Na laak tu uh ngam, Jordan ngun ngalkhat ah khuangei nungta ngawl tu nu hi.

Thuhil kikna 4:26

Ka thu nong ni bua uh ahile hi ngam pan a mangthang pal tu na hina thu note langkhat ah ka tetti tu in tuni in vantung le leitung ka ko hi. Ngam na laak natu Jordan ngalkhat ah khuangei na nungta buatu uh hi. Note hong kimon siat tu hi.