Micah 2:1 - Syin Chin Bible

¹ Mutmawklaw liangin thusia a ngealte atu in bangza in lauhuai tu ziam! Amate in zingsangin hunpha a nga pawpo ciang a ngeal sa tatsiatna sia vawt uh hi.

Micah 2:1 Iomraidhean Croise

Pianciilna 31:29

Nang kong vawtsiat thei natu in tha nei khi hi, ahizong tu zanin na pa ii Pathian in bangbang po ahizong nang kong lauthawn ngawl natu in kidop tu thu hong pia hi.

1 Kumpite 21:7

Jezebel in, “Tua le, nang kumpipa ni ziam maw hi ngawl ni ziam? Na lupna pan tho in, na maitaisakin a, an ne in. Naboth ii sapithuan keima hong ngasak tu khi hi,” ci in zo kik hi.

Esther 3:8

Tua ahiciang Haman in kumpipa tungah, “Na kumpi ukna ngamsung theampo ah a kithethaang le ngamke theampo ah a kimu minam khat om hi. Amate ii zui a ngeinate sia midangte a taw kibang ngawl hi. Tua banah na kumpi ukna ngamsung upadi te zui nuam ngawl ahikom tuate na koithong tu sia nang atu in pha ngawl hi.

Esther 5:14

Tua ahiciang a zi le a lawmte theampo in, “Banghangin mihing a ki awklupsak natu in metre kul le nii a saang khuam khat vawt ngawl tu ni ziam? Zingsang ciang tuasia tungah Mordecai awklup natu in kumpipa tungah na ngen tu a, tua zawkciang lungdam takin an neakna poai ah na pai thei tu hi,” ci in ngaisutna pia uh hi. Haman in hi ngaisutna phasa ahikom a awklupsak natu in khuam phut hi.

Esther 9:25

Ahizong kumpipa kungah Esther pai a, kumpipa in thupiakna lai suaksak in, Jew te thuak tu a ngealna sia Haman tungah tu kik zaw hi. Ama le a tapate sia ngui awkna khuam tungah ki awklumsak hi.

Job 15:35

Hi mite sia ngual ngim piak sawm in, siatna a vawtte hi a; amate thinsung sia ngualtheam nopna taw kidim tawntung hi.

Job 24:14

Khuavak ciang mi thatpa tho in mizawngte thatlum tu in kuan hi, zanin ama in ngual ii na nguksak hi.

Psalm Late 36:4

Lupna tungah a lup laitak zong ngitlo vai veu amate in ngeal uh hi; a sep pawpo a pha om ngawl a, a sia khat beak zongh nial ngeingawl hi.

Psalm Late 36:5

Topa awng, na itna kip in vantungte ban a, na thumaanna in vante ah kizelto hi.

Psalm Late 58:3

Mihing ngilote in a khan tawntung ngamtatna maan ngawl taw nungta uh hi; a pian ni pan kipan leilot thuson uh hi.

Paunakte 12:2

Topa in mihing phate tungah lungkim a, ahizong siatna a ngealte puavawk hi.

Paunakte 14:22

A pha na vawt le ngualdang ii muanna le zatakna na thalaw tu hi; a sia na vawt le a ngamta khial na hi hi.

Paunakte 3:27

Bang hun po ahizong, na hi thei lai teng a kitaangsamhte tungah phatna vawt in.

Paunakte 4:16

Mi seksolte sia a maan ngawl ngamtatna khat peuma a vawt bua uh le mutthip thei ngawl uh hi. Khat po a liamsua bua uh le amate mutthip thei ngawl uh hi.

Isaiah 29:20

Tuasia sia midangte a zawthawk vawtte le Pathian a melsiate ii bona hi tu hi. Mawnei theampo kilalsak tu hi.

Isaiah 3:14

Topa in ama mihingte ii upate le a lampuite thukhenna thuaksak tu hi. Ama in hi bangin: “Note in sapithuante na suttol uh a, na inn uh sia mizawngte tung pan na laak uh vanhte taw kidim teak hi.

Isaiah 32:7

Ngaisutna kicing ngawl pa sia ngilo in, a sia vive vawt hi; leilot thu taw mizawngte suksiat sawmin, a nga tu a kilawmte khaktansak tu sawm hi.

Isaiah 5:8

Note a lal na hi uh hi! Na neisa inn le lote belap natu in na lei thawthua uh hi. Hai ngawlin midangte teen natu mun om ngawl tu a, tua leitang tungah noma bekma na teang tu uh hi.

Isaiah 59:3

Note in leilot thu sonna, thazaw suanna, le mihing thana taw na maw uh hi.

Jeremiah 18:18

Tuaciang mite in, “Jeremiah taw kisai in na pawlkhat seam sin tawng! Hong hil tu in thiampite, ngaisutna hong pia tu in miciimte le Pathian ii thupuak a thangsak tu in kamsaangte om tawntung tu hi. Ama tungah thu ih vawt tu a, ama thuson peuma ih ngai buatu hi,” ci uh hi.

Ezekiel 11:2

Pathian in kei tungah, “A thithei mihing awng, hi pasalte in a sia vawt tu ngaisutna tupna nei a, khuapi sungah ngaisutna pha ngawl a pia uh hi.

Ezekiel 33:26

Na namsaute suang nu hi. Na ngamtatna uh thasiathuai hi. Mihing theampo in palngul mawna vawt nu hi. Hi leitang sia noma neisa hi ci in, bang in hong ngaisunsak ziam?

Ezekiel 38:10

Hi sia in Vaanglianpipa Topa ii Gog tungah a son ahi hi: “Tua hun hong thet ciangin nang in thusia tupna khat na ngaisun tu hi.

Ezekiel 46:18

Kumpipa in a mite ii neisa te peuma laaksak ngawl tu hi. Ama in a tapate tungah a piak leitang khat pawpo sia ama atu a kikoisia sung pan bek hi tu a, tua hile, ama in ka mite khat pawpo sia amate leitang laaksakna taw zothaw ngawl tu hi.

Micah 6:12

Na mihaute in mizawngte duupkang a, note theampo leilot thusonte na hi uh hi.

Nahum 1:11

Nineveh awng, ngitlo vai vive a tum, Topa langpan a sawm khat na kung pan hong pai hi.

Zechariah 7:10

No sungah hong teang ngamdangmite, meingong tangate ahizong, a cimaw dangte ahizong, zothaw ngawl tu nu hi. Khat le khat kisuksiat natu a nanamin sawm ngawl tu nu hi.’

Mark 15:1

Zingsang tuungin thiampi liante sia upate, Thukham hil syate le Council bup taw a manlang in hong kisitua uh a, amate in vaihawmna nei uh hi. Amate in Jesus thikkhau taw khi uh a, Pilate kungah paipui in aap uh hi.

Luke 20:19

Thukham hil syate le thiampi liante in tua munah Jesus mat sawm uh hi, banghang ziam cile amate in, ama ii son thusonteena sia amate a cina ahi hunlam he uh hi. Ahizong amate in mihonpite kiita uh hi.

John 19:11

Jesus in, “Pathian hong piak hu bek in, kei tungah thu na nei hi. Tua ahiciang nang tungah kei hong aap pa in, mawna nasia zaw vawt ahi hi,” ci in zo hi.

Sawltakte 23:12

A zingsang ciangin Jew te pawlkhat kisitua in, ngealna khat nei uh hi. Amate in Paul a thalup mateng in an le tui ne ngawl tu hi, ci in kiciamna vawt uh hi.

Sawltakte 23:15

Tuaciang, tu in, noma le Council te in, Paul ii thu a maanzaw a kan nuam bangin, nong kiheang tu uh a, Rome ngalkap hon ukpa munah Paul hong paipui suk natu in na son tu uh hi. Ahihang hisung hong thet suk ma in, ama thatlum tu in ka kingingkhol tu uh hi,” ci uh hi.

Romete 1:30

khat le khat kingensia hi; amate in Pathian ensan a, sisuak in, kiphasak a kisuangtaak hi; siatna namcin phuang a; nute pate thu ni ngawl uh hi;

Thuhil kikna 28:32

“Na tapate le na tanute na mu tangin ngamdang mite tungah salin kipia tu hi. Na tate hong cia kik tu en in ni simin na mit zung na liang ahihang a luithawthong hi tu hi.