Micah 1:6 - Syin Chin Bible

⁶ Tua ahiciang Topa in, “Samaria sia ngam taanzauna sung a siasa teng kholna mun, sapitkung ciin natu mun ka suaksak tu hi. A khuapi sungah suangte zongh kuam sungah ka sungsuk tu a, a khuapi tawphate ka lawtsak tu hi.

Micah 1:6 Iomraidhean Croise

2 Samuel 17:13

Ama in khuapi sung tuu in a nungkin le zong, ih mite in khauzeente keng tek tu a, a khuapi mama a nuaisang kuam sungah ih kaisuk tu hi. Tua mual tungah suangtum khat dongin kikhe ngawl tu hi,” ci in zo hi.

2 Kumpite 18:10

A uumci zawk a kum thum kum ciangin Samaria khua bo a; Hezekiah ii maan zawk a kum lukna hi a, Hoshea ii maan zawk a kum kua kum ahi hi.

2 Kumpite 18:9

Hezekiah ii a maan zawk a kum li kum ciang — tuasia Israel te tungah kumpipa Hoshea ii maan zawk a kum sali kum hi a — Assyria te ii Kumpilianpa Shalmaneser in Israel simin Samaria uumci hi.

2 Kumpite 19:25

“Hi teng sia khuangeipi lai in ka ngeal sa ahi hunlam za ngeingawl ni ziam? Tuciangin tuasia taaksua zo khi hi. Kulh taw a ki uum khuapite niinthuk kikholte suaksak tu in thahatna kong pia hi.

Isaiah 17:1

Topa in, “Damascus sia khuapi khat hi nawn ngawl tu hi; ninthuk kholna khat bek hi tu hi.

Isaiah 25:12

Topa in Moab te ii a muanhuai luphung saangte susia in leivui suaksak tu hi.

Isaiah 25:2

Khuapite na siasak zo a, a kulhte na lalcipsak zo hi. Ih ngalte ii sak kumpi innte bo zo hi.

Jeremiah 31:5

Khatvei ma Samaria mual tungah sapithuan na vawt kik tu uh a, tua sapit a suante in sapithuan pan a piangte ne tu nu hi.

Jeremiah 51:25

Babylon awng, nang sia leitung buppi a susia mual khat taw na kibang hi, ahihang Keima, Topa sia na ngal ka hi hi. Nang kong man tu a, lei taw kim in vut sungah kong nusia tu hi.

Jeremiah 51:37

Tua ngam sia ngamsate teenna ninthuk suak tu hi. Tua mun sia thaadam huai mun hi tu a; kuama teang ngawl tu hi, a mute theampo in lau tu uh hi.

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Kaa late 4:1

Ih khamh tee vakilte mualmang zo hi; Biakinnpi sakna suangte lampi ah kithethaang in om hi.

Ezekiel 13:14

Amate ii leikaang taw a zut luphung sia vaat thapsak tu, semthap tu le a phungkawng suang teng nguak kheetsak lai tu ka sawm hi. A luphung sia puk tu a, note theampo hong dellum tu hi. Tuasia ciang a kuama po in kei sia Topa ka hi hunlam hong he tu uh hi.

Hosea 13:16

Kei hong langpan hu in Samaria sia daan kipia nanak tu hi. A mite ngal sungah thi tu uh hi; nausente sia lei denna in kinei tu a, naupaai nupite ngil kikui tham tu hi,” ci hi.

Amos 5:11

A zawngte na nengniam uh a, a antangte na suttol uh hi. Tua hu in noma saksa suanginn phate sungah na teang buatu uh a, noma ciin sapithuan hoite pan sapittui na ne buatu uh hi.

Amos 6:8

Vaanglianpipa Topa, Vaanglianbelpa in hi a ciliap huai kidopna tu thupia zo hi: “Israel mite ii kiphatsakna ka ngaimaw hi; amate ii inn nuam mamate ka kii hi. Amate khuapi le a sung a om theampo ngalte ka pia tu hi,” ci hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Habakkuk 3:13

Na mite le na teal kumpipa hun tu in na kuan hi. Mi ngilote lampui pa na vaatvawk a, a nungzuite na lalcipsak hi.

Matthew 24:2

Jesus in, “Hi hi, en tek vun. A tatakin kong ci ciang, hi sungah suangte khat zongh a omna ngei san ah om nawn ngawl tu hi; a vekpi kilawn keak siat tu hi,” ci hi.