Micah 1:5 - Syin Chin Bible

⁵ Hite theampo piang tu hi, banghang ziam cile Israel mite maw in, Pathian langpan uh hi. Israel ii langpanna sia akua mawsiat tu ziam? Ngam bup khuapi mama ahi Samaria hi! Akua in Judah ah milim biakna taw maw ahi ziam? Jerusalem ama mama hi!

Micah 1:5 Iomraidhean Croise

1 Kumpite 11:7

Jerusalem nisuana sang mual tungah Moab te ii a thasiathuai pathian Chemosh biak natu mun khat, tuaciang Ammon te ii a thasiathuai pathian Molech biak natu mun vawt hi.

1 Kumpite 13:32

Topa ii thupiakna taw Bethel ah biaknatau le Samaria khuate sungah a biakna munte langpanin a pau teng sia tung takpi tu hi,” ci hi.

1 Kumpite 16:24

tua zawkciang Samaria ngam mual khat sia Shemer a kici pasal khat ii tung pan ngunntang 6,000 taw lei hi. Omri in tua mual sia kulh vawt in tua munah khua khat saat a, a min sia mual nei lui pa min Shemer la in Samaria phuak hi.

2 Khangtaanghthu 34:3

Josiah a kumpi sua zawk kum liat a phak kumin khangmoi mama lai ahihang ama in a taanghpupi David kumpipa ii Pathian a biak kipan hi. Kum li zawkciang ama in doai sepna munte, Asherah numeipathian limte le a dang milimte theampo a suksiat kipan hi.

2 Khangtaanghthu 34:4

Ama ii thupiak bangin a mite in Baal biakna biaknataute sutham in a kungah ngimnamtui halna biaknataute pheltham hi. Amate in Asherah milimte le a dang milimte theampo suuvui in, a vui teng sia tua milimte sangaw biakpiakna a pia mite ii thaan tungah the uh hi.

Isaiah 7:9

Israel sia a khuapi Samaria sangin thahat zaw ngawl a, Samaria sia Pekah kumpipa sangin thahat zaw ngawl hi. “Na upna a kip buale nang na kip zo buatu hi,” ci hi.

Jeremiah 2:17

Israel awng, hi teng na tungah na thengsak hi! Nang lam kong pui laitakin nangma in Topa na Pathian, keima nong nusia hi.

Jeremiah 2:19

Nangma siatna in nangma daan hong pia tu a, kei nong nungngatna in nang hong puavawk tu hi. Topa na Pathian, keima hong nusia a, kei tungah thumaanin na om nawn ngawl tu sia bangzata in sia in khaa a, khial ci sia na tel tu hi. Keima, Vaanglianpipa Topa, Vaanglianbelpa in ka ci zo hi,” ci hi.

Jeremiah 23:13

Samaria kamsaangte ii mawna ka mu zo hi: amate in Baal min suangin thuhil uh a ka mite lam pialpui uh hi.

Jeremiah 23:14

Ahihang Jerusalem khua a kamsaangte in a sia zaw lai a vawt ka mu hi: amate in nupa kipalngul in leilot thu son uh hi; mihingte ii ngitlo ngamtatna pan a kheal ngawl natu in mihingte khial natu panpui uh hi. keima muna ah amate sia Sodom le Gomorrah mite bangma in sia siat uh hi.

Jeremiah 4:18

Judah awng, na nuntakna zia le na nasepna sate taw in hi thu nangma tung ma na then hi. Na mawna in hi thuakna piangsak zo a; tua in na lungtang hollet hi.

Jeremiah 5:25

Na mawna, na khialnate uh in hi naphate na nga tu uh hong khaktan hizaw hi.

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Kaa late 5:16

Ko kiphatsakpui nate khat zongh taang nawn ngawl hi. Kote ka maw uh a, tu in a bo ka hi uh hi.

Ezekiel 16:46

“Na u nu sia saksang ah a om, Samaria le a khuanote ahi hi. Na naunu le a khuanote ahi Sodom sia thangsang ah om hi.

Hosea 7:1

“Israel ka mite a ciidam in a nopsak, a khanto kik tu ka vawtsak nop simin, amate seksolna le a ngamtatsiatna te bebek ka mu thei bek hi. Amate khat le khat kitheam a; inn phuulin vanh ngu hi, tuaciang lampi ah ngual neisa suttol uh hi.

Amos 6:1

Samaria ah ngammuang kisate le Zion ah nuntakna ol a sate — hi Israel ngamlian sung a, ngual ii hu hong kingetna, no lampui uliante atu in bangza in lauhuai ziam!

Amos 7:9

Isaac ii suan le paalte biakpiakna munte kisusia tu hi. Israel te ii a thiangtho munte zaancip in kinusia tu hi. Kumpipa Jeroboam ii kumpi khangngui ka bosak tu hi.” ci hi.

Amos 8:14

Samaria milimte ahi, ‘Dan pathian min taw’ ahibuale ‘Beersheba pathian min taw’ a kiciam peuma — tua mite puk tu a, tho kik nawn ngawl tu uh hi.”

Micah 1:13

No, Lachish ah a teangte awng, na siphute ngalleangte tungah khit vun. Note in Israel mawna khialna na zui uh a, tuabangin Jerusalem khialsak nu hi.