Micah 1:2 - Syin Chin Bible

² No minamte theampo awng, hi thu za tek vun; simlei tungah a teang theampo awng, hi thu ngai vun! Vaanglianpipa Topa in note langkhat panin tetti pang tu hi. Ngai vun! Ama in a vantung biakinn panin son hi.

Micah 1:2 Iomraidhean Croise

1 Kumpite 22:28

“Bangma tat ngawlin nong heak kik le Topa in kei tungtawn a hong pau ngawl hi tu hi,” ci in Micaiah in ci ngaw hi. Tuaciang ama in, “Ka ci sa teng kuama po in hong ngai tavun!” ci lai hi.

2 Khangtaanghthu 18:27

“Bangma tat ngawlin nong heak kik le Topa in kei tungtawn a hong pau ngawl hi tu hi,” ci in Micaiah in ci ngaw hi. Tuaciang ama in, “Ka ci sa teng kuama po in hong ngai tavun!” ci lai hi.

Psalm Late 11:4

Topa, ama ii biakinn thiangtho sungah om hi; Topa ii kumpi tokhum in vantung ah om hi. Mun theampo a om mihingte encik a, amate bang vawvawt ci sia he hi.

Psalm Late 24:1

Simleitung le a sungah a om theampo sia Topa neisa ahi hi; leitung le a tungah a teang theampo sia ama aa ahi hi.

Psalm Late 28:2

Nang tungah hu ngenin kong au ciang le na Biakinnpi thiangtho sungah ka khut kong lap ciangin hong za ta'n.

Psalm Late 50:1

Vaanglianbel Pathian ahi Topa hong pau hi; ama in leitung bup nisuana le nitumna kilaklaw ah a om theampo khawm hi.

Psalm Late 50:12

“Ka ngil a kial le nang tungah an kong ngen buatu hi, banghang ziam cile leitung le a sungah om na theampo sia keima neisa ahi hi.

Psalm Late 50:7

“Ka mite awng, na ngai vun, hong son tu khi hi; Israel te awng, note langpanna tetti pang tu khi hi. Kei sia Pathian ka hi a, note Pathian ka hi hi.

Paunakte 8:4

“Mihingte awng, hong maangkaa khi hi; leitung ah a om theampo sam khi hi.

Isaiah 1:2

Topa in, “Leitung le vantung awng, kong ci bang ngai vun! Ka vaak ka taa sa ka tate in kei hong langpan uh hi.

Isaiah 18:3

Ngai vun, leitung ah a teang mite theampo awng! Mualdawn ah a kikhai tu limlakna laandial khat zong vun! Lemle a kitum tu aw ngai vun!

Isaiah 50:7

Ahihang amate ii hong selnonate in kei bangma hong tatsak zo ngawl hi, banghang ziam cile Vaanglianpipa Topa in kei hong hu hi. Hong selnonate ka thuak tenton hi. Kei hong kimaimawlsak ngawl tu cisia ka he hi,

Jeremiah 22:29

Aw ka ngam, ka ngam, ka ngam ka lei awng! Topa sonna sia ngai vun:

Jeremiah 29:23

Hi bangin a thuak tu uh ma ahi hi, banghang ziam cile amate in a lauhuai mawna khialnate — palngul mawna vawtin Topa ii min suangin leilot thute son uh hi. Hi thu sia Topa ii dei ngawl ahi hi; ama in amate ii vawt theampo he a, ama sia a langpan tetti khat ahi hi. Topa in ci zo hi,” ci in ki at hi.

Jeremiah 42:5

Tuasia ciang amate in keima tungah, “Ko atu a Topa ih Pathian ii hong thupiakte theampo ka ni bua uh le Topa sia ko ii lang ah thumaan le thutak tetti hi tahen.

Jeremiah 6:19

Leitung awng, ngai in! Amate in ka thuhil na nial a, ka kammalte mang ngawl ahikom, hi mite ii sawm nate theampo taw kiphu in daan piakna ahi siatna ka tungsak hi.

Jonah 2:7

Ka nuntakna a kiam susuk ka phaw ciang Topa awng, nang tungah thu kong ngen a, na Biakinnpi thiangtho pan nong za hi.

Jonah 2:8

Zak thei ngawl milim a biate in, nang tungah hong thumaan nawn ngawl uh hi.

Habakkuk 2:20

Topa in a Biakinnpi thiangtho sungah om hi; ama mai ah leitung mihing theampo in thim dide in om tahen.

Malachi 2:14

Banghangin hong kisaang nawn ngawl ziam ci in na dongh uh hi. Tua thu in na khanmoi lai a na teenpui na zi tungah na kamciamna paltan zo na hi sia a heak hu ahi hi. Na zi sia na koppui hi a, ama tungah a thumaan pasal ka hi tu hi ci in Pathian mai ah kamciam pia napi na paltan zo hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Thuhil kikna 32:1

“Van le lei awng, ka kammalte za vun a, ka ci teng hong ngai cinten tavun.

Thupualaakna 2:11

“Bil na nei uh le pawlpite tungah Thaa thusonnate ngai vun! “Zawna a ngate niivei thina in a susia buatu hi.

Thupualaakna 2:17

“Bil na nei uh le pawlpite tungah Thaa thusonnate ngai vun! “Zawna a nga mihingte tungah a kiseal manna an pawlkhat ka pia tu hi. Amate khat tek tungah, a saangte ngawl po kuama dang ii heak ngawl minthak a ki at suangpheak khat tek ka pia si tu hi.

Thupualaakna 2:29

““Bil na nei uh le pawlpite tungah Thaa thusonnate ngai vun!

Thupualaakna 2:7

“Bil na nei uh le pawlpite tungah Thaa thusonnate ngai vun! “Pathian ii huan sungah a po nuntakna thingkung ii nga sia, zawna a ngate ii a neak thei natu thu ka pia tu hi.

Thupualaakna 3:13

“Bil na nei uh le pawlpite tungah Thaa ii thusonte ngai vun!

Thupualaakna 3:22

“Bil na nei uh le pawlpite tungah Thaa ii sonte ngai vun!”

Thupualaakna 3:6

“Bil na nei uh le pawlpite tungah Thaa thusonnate ngai vun!

Thukhente 11:10

Amate in, “Lungkim khu hi. Topa sia koma tetti hi,” ci in zo kik hi.