Micah 1:1 - Syin Chin Bible

¹ Judah kumpite ahi Jotham, Ahaz le Hezekiah te ii maan laitakin Moresheth khua mi Micah tungah Topa in hi thupuak pia hi. Samaria le Jerusalem taw kisai in Micah tungah Topa in hi thu teng pualaak hi.

Micah 1:1 Iomraidhean Croise

2 Kumpite 15:32

Remaliah ii tapa Pekah ii Israel kumpi in a maan zawk a kum nii kumin Uzziah ii tapa Jotham sia Judah te kumpipa suak hi,

2 Kumpite 15:5

Topa in Uzziah sia a kiitakhuai vun natna taw vaat a, a thi dong tua natna vei hi. Ama in ama ii aituam inn khat ah teang a, a vaipuak theampo kipengsakin, a tapa Jotham in ngam uk hi.

2 Kumpite 16:1

Remaliah ii tapa Israel te ii kumpipa Pekah ii maan zawk kum sawm le kum sali kum in Jotham ii tapa Ahaz sia Judah te kumpipa suak hi,

2 Kumpite 18:1

Israel ah Elah ii tapa Hoshea ii maan zawk a kum thum kum Ahaz ii tapa Hezekiah sia

2 Khangtaanghthu 28:1

Ahaz sia kum kul a phakin kumpi suak a, Jerusalem pan kum sawm le kum luk sung uk hi. Ama in a taanghpupi David kumpipa ii ngamtatna phate zui ngawl a, Topa diksak ngawlte vawtin,

2 Khangtaanghthu 29:1

Hezekiah sia kum 25 a phak kumin kumpi suak a, Jerusalem khua pan kum 29 sung uk hi. A nu sia Zechariah ii tanu Abijah ahi hi.

Isaiah 1:1

Hi laibu sungah, Amoz ii tapa Isaiah tungah Judah kumpite ahi Uzziah, Jotham, Ahaz le Hezekiah te hun lai in Judah le Jerusalem huvau Pathian pualaak thute kihel hi.

Isaiah 1:2

Topa in, “Leitung le vantung awng, kong ci bang ngai vun! Ka vaak ka taa sa ka tate in kei hong langpan uh hi.

Isaiah 7:1

Jotham ii tapa, Uzziah ii tupa ahi, Ahaz kumpipa in Judah ngam a uk lai in ngal piang hi. Syria kumpipa Rezin le Israel te kumpipa Remaliah ii tapa Pekah in Jerusalem khua sim a, ahihang la zo ngawl hi.

Isaiah 7:9

Israel sia a khuapi Samaria sangin thahat zaw ngawl a, Samaria sia Pekah kumpipa sangin thahat zaw ngawl hi. “Na upna a kip buale nang na kip zo buatu hi,” ci hi.

Jeremiah 26:18

“Hezekiah sia Judah kumpi ahi lai in, Moresheth khua mi kamsaang Micah in mi theampo tungah Vaanglianbelpa Topa in hi bangin, ci hi, ‘Zion sia lo khat bangin kitho tu hi; Jerusalem sia ninthuk suak tu a, Biakinnpi dinna mual sia dui suak tu hi.’

Hosea 1:1

Hisia in Kumpi Uzziah, Jotham, Ahaz le Hezekiah te Judah ngam ah kumpi in a maan hun le Jehoash tapa Jeroboam Israel kumpi in a maan hun a, Beeri tapa Hosea tungah Topa ii piak thupuak ahi hi.

Hosea 4:15

“No Israel mite in kei tungah hong thumaan ngawl na hi uh hang Judah te in tuabang in mawna nei heak tahen. Gilgal ah ahibuale Bethaven ah biakpiakna vawt heak vun, tua ahibuale tua munah a nungta Topa min taw kamciam vawt heak vun.

Hosea 8:14

“Israel mite in kumpi innte sa zo ahihang amate in amate a Vawtpa mama mangil uh hi. Judah mite in kulh taw a ki uum khuapite saat uh hi. Ahihang a kumpi innte le a khuapite a kaanghthamsak tu meikuang ka puak tu hi,” ci hi.

Amos 1:1

Hite sia Tekoa khua pan tuu cingpa khat ahi Amos ii kammalte ahi hi. Judah kumpi in Uzziah maang a, Israel kumpi in Jehoash tapa Jeroboam a khan hun, zinliin ma kum nii lai in, Pathian in Amos tungah Israel huvau hi thute theampo lak hi.

Amos 6:1

Samaria ah ngammuang kisate le Zion ah nuntakna ol a sate — hi Israel ngamlian sung a, ngual ii hu hong kingetna, no lampui uliante atu in bangza in lauhuai ziam!

Micah 1:5

Hite theampo piang tu hi, banghang ziam cile Israel mite maw in, Pathian langpan uh hi. Israel ii langpanna sia akua mawsiat tu ziam? Ngam bup khuapi mama ahi Samaria hi! Akua in Judah ah milim biakna taw maw ahi ziam? Jerusalem ama mama hi!

Micah 3:9

Thukhaikim ngaimaw in, a maan sia a khial a sua, no Israel ngamukte awng, hong ngai tavun.

Habakkuk 1:1

Hi thu sia Topa in kamsaangpa Habakkuk tungah a pualaak thu ahi hi.

2 Peter 1:21

Banghang ziam cile kamsaanna thute sia mihing deina pan bek hong pai ngeingawl a, ahihang Pathian kung pan hong pai thute a son uh ciangin, mihingte sia Thaa Thiangtho ukna nuai ah a om ahi uh hi.