Matthew 9:37 - Syin Chin Bible

³⁷ Tua ahikom nungzuite munah, “Anlaak tu tam mama a, ahihang lo sungah anla tu, mi tawm hi.

Matthew 9:37 Iomraidhean Croise

Psalm Late 68:11

Topa in thupia a, numeite tam mama in tua thu son uh hi:

Matthew 20:1

“Vantung ngam sia hi bang hi. Khatvei lai in pasal khat in a sapithuan sungah diang tu in, mihing pawlkhat cial tu in, zingtuungin kuan hi.

Matthew 28:19

Tua ahiciang pai tavun, mun theampo ah mihing theampo ka nungzui suaksak tavun: Pa, Tapa le Thaa Thiangtho min taw tui na phum tavun,

Matthew 9:38

Tua ahikom anneipa tungah, anla tu mi tam mama hong sawl natu, thu na ngen vun,” ci hi.

Mark 16:15

Ama in, “Leitung mun theampo ah pai tavun a, mihing theampo tungah lungdamna thu hil tavun.

Luke 10:2

Jesus in amate tungah, “Anlaak tu tam hi, ahihang an kaikhawm tu naseam tawm hi. A anla tu naseamte hong puak natu in, anneipa tungah thungen vun” ci hi.

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

Sawltakte 16:9

Paul in tua zanin a mukholna sungah Macedonia te pasal khat a ding mu in, ama tungah “Macedonia ngam ah hong pai ta'n a, hong hu ta'n!” ci in hesuak ngen hi.

Sawltakte 18:10

banghang ziam cile keima in nang hong ompui ka hikom, kuama in nang hong susia thei ngawl tu hi. Hi khuapi sung a om mihing tam mamate sia keima mi ahi hi,” ci hi.

1 Corinth te 3:9

Banghang ziam cile kote sia Pathian taw kipawlin naseam khawmte ka hi uh a, note in Pathian ii lo na hi uh hi. Note in Pathian inn na hi si uh hi.

2 Corinth te 6:1

Tua ahiciang, Pathian taw ko ii nasep khopna sungah Pathian ii thuthiamna a saangte in, tua thu thiamna sia a luithawthong a suasak ngawl natu in kong thuum uh hi.

Colossae te 4:11

Justus zongh a kici Joshua zongh in paupuina kam hong thaak hi. Hite thum in Jew te sung pan hong kikhealte hi a Pathian ngam atu kei taw na a seam khawmte hi a, amate in nasia takin hong hute ahi uh hi.

1 Timothy 5:17

Lampuite bangin na pha tak a seam pawlpi upate, a tuanin thuhilna le laithiangtho hilna nasia tak a seamte, thaman a thuap nii in nga tuak hi ci in ngaisut tu ahi hi.

James 5:4

Na lo sungah naseam mihingte ii thaman na pia bua uh hi. Amate ii phunnate ngai vun! Na an uh hong laksakte ii auna sia Topa Vaanglianbel Pathian bil sungah theng zo hi.