Matthew 9:35 - Syin Chin Bible

³⁵ Jesus in khuapi khuanote ah vakkotin haw kawkoai hi. Synagogue te ah hilna nei in Kumpingam Lungdamna Thu, thuhil in nei a, natna satna namcin le ciluang natna damsak hi.

Matthew 9:35 Iomraidhean Croise

Matthew 10:1

Jesus in nungzui sawm le niite khawmin, doai ngilo naw theina le, natna satna le ciluang natna theampo damsak thei natu thu neina pia hi.

Matthew 11:1

Jesus in a nungzui sawm le niite tungah hi hilnate a nei zawkciang, tua mun nusia in tua mun taw a kinai khuapite ah hilna le thuhilnate nei tu in pai uh hi.

Matthew 11:5

mittawte khuamu in, peangbaite lampai thei a, a lauhuai vun natnate kidamsak in, nangongte khuaza thei a, a thisate kinungtasak kik in, a zawngte tungah Lungdamna Thupha kihil hi.

Mark 1:14

John thong sungah a kikhum zawkciang, Jesus Galilee ngam ah pai a, Pathian Lungdamna thupha hil hi.

Mark 6:56

Jesus paina po khuapi, khuano le lo sung a om mihingte in ciinate vanhzuakna phual ah paipui uh a, a puanmong beak a tham tek thei natu in, ama tungah ngen uh hi, tuaciang a thamte theampo dam uh hi.

Mark 6:6

Ama in mihingte ii upna a nei ngawl uh sia, lamdang sa mama hi. Tua zawkciangin Jesus in tua mun kiim le paamte ah pai in mihingte hilna nei hi.

Luke 13:22

Jesus in khuapi le khuanote kaantan kawmin, hilna nei a Jerusalem sang zuan hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

Sawltakte 2:22

“Hi kammalte ngai vun. Israel mipuite awng! Nazareth mi Jesus sia Pathian in ama tungtawnin a vawt nalamdang laknate le a lamdangte theampo hu in Pathian piak thunei pa tatak ahi hunlam kilangh hi. Noma mama in zongh, hi thu he nu hi, banghang ziam cile hi mun note sungah hi thu piang hi.