Matthew 9:33 - Syin Chin Bible

³³ Ahihang a doai a kinawkeak zawk po ciangin ama hong pau paih a, a om theampo in lamdang sa uh hi. “Hi bang peuma Israel ngam sungah mu ngei bua hing!” ci uh hi.

Matthew 9:33 Iomraidhean Croise

2 Kumpite 5:8

Kamsaangpa Elisha in bang thu piang ci in a zaak ciangin ama in kumpipa tungah kam thaak hi: “Banghang tuaza in na thinngim ziam? Tua pa keima kungah hong puak ta'n, Israel ngam sungah kamsaang khat a om nginge hunlam lak tu khi hi,” ci hi.

Psalm Late 76:1

Pathian sia Judah ngam sungah kihe hi; ama min sia Israel ngam sungah ki upat hi.

Isaiah 35:6

Peangbaite leangin laam tu uh a, a pau thei ngawlte lungdam in au tu uh hi. Sennealngam sungah luituite luang tu hi;

Jeremiah 32:20

Nidang lai in Egypt ngam ah nalamdang laknate le a tumdang nate na vawt a, tu ciang dongin Israel mite sung hikale minam dangte theampo sungah hikale na vawt lai hi, tuasia hu in, tu in mun theampo ah hong kihe hi.

Matthew 8:10

Jesus in hi thu a zaak ciangin, lamdang sa in, a nungzuite munah, “A tatakin ka ci ciang Israel ngam sungah hi bang upna mu ngeingawl khi hi,” ci hi.

Matthew 9:32

Mittawte a pai zawkciang mihing pawlkhat in, doaivei in a pau thei ngawl pasal khat Jesus kungah hong paipui uh hi.

Mark 2:12

Amate mu tangin pasalpa tho a, a phah luakin cia vingveng hi. Amate in lamdang sa mama in, Pathian pok uh hi. “Hi bang peuma mu ngei bua hing!” ci uh hi.

Luke 11:14

Jesus in a pau thei ngawl doai khat notkeak hi; doai hong pusua zawkciang mihingpa pau thei hi. Mihonpi in lamdang sa uh a,

Luke 7:9

Jesus in hi thu teng a zaak ciangin, lamdang sa hi; a nung pan a zui mihingte sangah kingeilee in, “Hi bang upna Israel mite sung ngawngawn zongh ah ka mu ngei bua hi!” ci hi.