Matthew 9:18 - Syin Chin Bible

¹⁸ Jesus in hi bang a pau laitakin, Jew ulian khat hong pai a, a mai ah khupdin in, “Ka tanu a thi zawk hiat bek ahi hi. Ahitazong hong pai lete a, ama tungah na khut nga lete, ama nungta kik tu hi,” ci hi.

Matthew 9:18 Iomraidhean Croise

2 Kumpite 5:11

Ahihang Naaman a thinso in tua mun nusia a, “Kei ngaisutna pan a nobel in ama kei kungah hong pusuak in, Topa a Pathian munah thu hong ngetsak tu a, ka natna mun santak teng tungah a khut hong vaan le, hong damsak tu in ka um hi!

Matthew 14:33

Tuasia ciangin ngunkuang sung a om nungzuite in Jesus bia uh hi. “Pathian Tapa takpi ma na hi hi!” ci in au uh hi.

Matthew 15:25

Ahihang numeinu in a peang kungah bok a, “Topa awng hong hu ta'n!” ci hi.

Matthew 17:14

Mihonpite kungah amate hong heaksuk kik zawkciangin pasal khat Jesus kungah pai a, a mai ah khupdin in,

Matthew 20:20

Tuaciang Zebedee zi sia a tate nii taw Jesus kungah pai a, a mai ah kun in huna khat ngen hi.

Matthew 28:17

Ama a mu ciangin, pawlkhat in um tak ngawl ahitazong, amate in bia uh hi.

Matthew 8:2

Tuasia ciangin a lauhuai vun natna vei khat hong pai a, Jesus mai ah khupdin in “Topa hong damsak nuam po lete hong damsak thei tu ni hi,” ci hi.

Matthew 8:25

Nungzuite a kungah pai in, phong uh hi. “Hong hun ta'n, Topa, thi dektak khu hi,” ci uh hi.

Matthew 9:17

Tuabang ma in savun thawl lui sungah sapittui a thak kithaal ngeingawl hi, banghang ziam cile sapittui in savun thawl hong saantham tu hi. Sapittui buakeak in a thawl lalcip tu hi. Tua hi ngawl zaw in, sapittui a thak sia savun thawl thak sungah kithaal le a nii ma in lal ngawl tu hi,” ci hi.

Matthew 9:19

Tuasia ciang Jesus dingin ama zui a, nungzuite in tonpui uh hi.

Matthew 9:24

“Na vekpi pusuak vun. Numeino sia thi ngawl hi, a mu hi bek hi,” ci hi. Tuasia ciangin amate in Jesus nuisan uh hi.

Luke 13:14

Synagogue keam upa pa in Sabbath ni a, Jesus ii ciina a damsak hu in, a thin uuk hi. Tua ahikom mipite tungah, “Nipi khat sungah na ih sep natu ni luk om hi. Tua ahiciang, tua nite ah ciidam nga tu in hong pai tavun a, Sabbath ni in hong pai heak vun” ci hi.

Luke 18:18

Jew te lampui khat in, “Sya pha awng, tawntung nuntakna ka nga natu in bang ka vawt tu ziam,” ci in dongh hi.

Luke 7:2

Tua munah Rome ngalkap hon ukpa ii a it mama a naseampa khat om a; ama thi dektakin a cina hi.

John 11:25

Tua nu munah Jesus in, “Keima in thawkikna le nuntakna ka hi hi. Kei hong um peuma a thi zongin a nungta tu hi;

John 11:32

Jesus omna ah Mary theng hi, ama a mu po ciangin, a peang ah bok hi. Ama in “Topa awng, hi sungah hong om hile te ka suapuipa thi ngawl tu hi!” ci hi.

Sawltakte 13:15

Moses Thukham le kamsaangte lai atte a sim zawk uh ciangin, synagogue uliante in: “Suapuite awng, hanthot nopna thupuak nong nei uh le, mihingte tungah nong son tu ka dei uh hi,” ci hi.

Sawltakte 28:8

Publius ii pa sia ciisuk natna le ngilsan natna taw lupmuntung ngak hi. Paul in, ama ii inndoi sungah tumin, thungen a, ama tungah a khut nga in damsak hi.