Matthew 9:15 - Syin Chin Bible

¹⁵ Jesus in, “Mopoai sungah zi neipa a om lai teng a leangnate khuangai thei tu in na um uh ziam? Ni khat ni ciang zi neipa amate sung pan kila tu a, tuasia ciang amate an tang tu uh hi.

Matthew 9:15 Iomraidhean Croise

Isaiah 22:12

Tuaciang Vaanglianpipa Topa, Vaanglianbelpa in a kap tu a mau tu le sam meettol in, khau-ip puan silh tu in note hong sam hi.

Matthew 9:14

Tua zawkciang, Tuiphumpa John nungzuite hong pai a, Jesus tungah, “Ko le Pharisee te in an tang nithi a, banghangin na nungzuite in an tang ngawlhet ziam?” ci in dongh uh hi.

Matthew 9:16

“Kuama in laktong puasilh luisa khat puanbek thak taw phaw ngeingawl hi. Tuabangin phaw le puan thak sia hong ton tu a puan lui sia, ekkeak seseam tu hi.

Mark 2:19

Jesus in, “Mopoai an kivaakna sungah leangnate in an ne ngawlin om tu na um uh ziam? Om ngawl tu hi! Zineipa sia amate taw a omkhop laiteng amate in tuabang a ngamta buatu hi.

Mark 2:20

Ahihang ni khat ni ciangin zineipa sia amate kung pan hong kila tu a, tuasia ciangin an tang tu hi,” ci in zo kik hi.

Luke 17:22

Tua zawkciang a nungzuite munah “Hun khat ciangin note in, Mihing Tapa ii nite sung pan ni khat beak, na mu nop tu hun hong theng tu hi, ahizong na mu buatu uh hi.

Luke 5:34

Jesus in, “Mopoai sungah zineipa a om laiteng, leangnate an kidan thei na ziam? Kidan thei ngawl hi!

Luke 5:35

Ahihang zineipa amate kung pan a kilaak zawkciangin amate in an a tang tu uh hi,” ci in zo hi.

John 16:6

Tuaciang tu in hi thu kong son zawkciang na thinsung uh heena taw kidim hi.

John 3:29

Mo ahile zineipa ii neisa hi. Ahihang a kungah a ding thu ngai in a om zineipa ii lawmpa in zineipa aw a zaak ciangin a lungdam hi. Hisia in keima lungdamna a pawlcinna ahi hi.

Sawltakte 14:23

Amate in pawlpi sim ah pawlpi upate tealin koi uh a, thungetna le an tanna taw amate ii muan ahi Topa tungah tua upate aap uh hi.

1 Corinth te 7:5

Hun khat sung thungetna in hun na zak thei natu uh thukimna nei masa na hi bua na uh le, khat le khat na kinial heak vun; ahihang tua zawkciangin nupa ngeinate zom kik vun. Hi bangin hi le uhte pumpi kitek laakna hangin, a piang Satan ze etna na lel natu uh pan kikeam zo tu nu hi.

2 Corinth te 11:27

Nasep thil vawt kitatsat ngawl a, mut ka nga ngawl hun tamvei mama hi; ka ngilkial hun le ka dangko hun om a; an ngina ka neak ngawl hun, belh tu nei ngawlin, puansilh ka nei ngawl hun tam pheivei hi.

Thupualaakna 19:9

Tuaciangin vantunglalang in kei tungah, “Hi thu at in: Tuuno mopoai sungah a kisamte sia mihing lungdamte ahi hi,” hong ci hi. Tuaciang vantunglalang in, “Hite sia Pathian ii a son tatak kammalte ahi hi,” hong ci thua lai hi.

Thupualaakna 21:2

Mothak khat a pasal tu taw kimu tu in a kipua bangin vantung Pathian kung panin Khuapi Thiangtho ahi Jerusalem khuathak hong tuaksuk sia ka mu hi.