Matthew 9:14 - Syin Chin Bible

¹⁴ Tua zawkciang, Tuiphumpa John nungzuite hong pai a, Jesus tungah, “Ko le Pharisee te in an tang nithi a, banghangin na nungzuite in an tang ngawlhet ziam?” ci in dongh uh hi.

Matthew 9:14 Iomraidhean Croise

Paunakte 20:6

Mihing theampo in bangza thumaanin citak khi ziam ci thei tek uh hi, ahihang tuabang ahi takpi mihing ih mu zo tu ziam!

Matthew 11:2

Tuiphumpa John in a thongtaakna mun panin, Christ nasepnate a zaak ciangin, a nungzuite pawlkhat kamtai in ama kungah paisak hi.

Matthew 6:16

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 9:15

Jesus in, “Mopoai sungah zi neipa a om lai teng a leangnate khuangai thei tu in na um uh ziam? Ni khat ni ciang zi neipa amate sung pan kila tu a, tuasia ciang amate an tang tu uh hi.

John 3:25

John ii nungzui pawlkhat in Jew te khat taw a zeksa kisilna huvau kam kinial uh hi.

John 4:1

Jesus in John sangin, nungzui tamzaw nga a, tuiphum hi ci thu Phariseete in za uh hi.