Matthew 8:8 - Syin Chin Bible

⁸ Ahihang ngalkap hon ukpa in, “Topa awng, ka inn sungah nang nong pai tu sia ka kiphu bua hi. A dam natu thu hong piaksak po lete ka naseampa dam tu hi,” ci hi.

Matthew 8:8 Iomraidhean Croise

Pianciilna 32:10

Na naseampa keima sia nong laksa na cikna le na thumaanna taw ka kilawm bua hi. Bangma dang nei ngawlin, ciangkhut khat bek ma taw Jordan ngun ka kaantan a, tuni in hi pawl niite taw in ka cia kik zo hi.

Psalm Late 10:17

Topa awng, mihing a kinengniamte ii thungetna na ngai tu hi; amate thinletna na pia tu hi.

Psalm Late 107:20

Ama in a thupiakna taw amate damsak a, thaankuul panin hun hi.

Psalm Late 33:9

Ama a pau ciangin leitung kibitphua a, ama thupiakna taw na theampo piang hi.

Mi Simna 20:8

“Thuciamna Thingkuang mai ah a om ciangkhut la in a, nangma le Aaron in taangpi bup kikhawmsak vun. Tualai amate theampo mai ah a om suangpi sia paupui in, tuaciang tua ii sung pan tui phuulkeak tu hi. Hi bangin mipite le a ngannote neak tu in suangpi pan tui na suaksak tu hi,” ci hi.

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Matthew 3:14

Ahihang John in ama tho tu in kithoai a, “Kei sia nangma ii nong tuiphum tu hizaw napi, kei kungah nang hong paizaw ni ziam?” ci hi.

Matthew 8:3

Jesus in a khut zan a, ama thamin, “Hong damsak nuam khi hi, dam ta'n,” ci hi. Thakhat thu in, pasalpa a natna pan dam hi.

Matthew 8:7

“Na inn ah hong pai in, damsak tu khi hi,” Jesus in ci hi.

Matthew 8:9

“Keima mama zongh uliante khutnuai ah om a, keima khutnuai a ngalkapte om hi. Khat tungah, ‘Pai in’ ci leng pai a, ‘hong pai tan’ ci leng hong pai hi. Ka salpa munah hi sia seam in ci leng seam hi,” ci hi.

Luke 15:19

Na tapa ci tu in ka kilawm nawn bua hi; na naseam khat bangin hong omsak ta'n ci tong,’ ci hi.

Luke 15:21

‘Pa awng, Pathian tung le nangma tungah hong khial zo khi hi. Na tapa ci tu in ka kilawm nawn bua hi,’ ci hi.

Luke 5:8

Simon Peter in bang thu teng piang, ci in a mu ciangin, Jesus mai ah, ama khupdin in, “Topa awng, kei kung pan kiheam in! Kei sia mimawpa khi hi!” ci hi.

John 1:27

Ama sia kei nung panin hong pai ahihang ama peangdap suut tu zong ka kilawm bua hi,” ci in John in zo hi.