Matthew 8:4 - Syin Chin Bible

⁴ Tua zawkciang Jesus in, “Ngai in, kuama munah son heak in a, thiampipa kungah pai vingveng in, na pumpi vealsak ta'n; na damna thu ngual theampo hong heak natu in, Moses thupiak bangin sangaw biakpiakna vawt ta'n,” ci hi.

Matthew 8:4 Iomraidhean Croise

Isaiah 42:21

Topa sia hong ngup tu a ngakla Pathian hi a, tua ahikom a thukhamte le a hilnate thupisak hi, tuaciang ama in tuate a mite ii zatak tu dei hi.

Thiampite 13:49

a hing ahibuale a sanin a beak le thiampipa tung lak tu hi.

Matthew 10:18

Kei hu in note sia ngamukte le kumpite mai ah hong kipuak tu a thu hong sit tu hi. Amate tung le Gentile te tungah Lungdamna Thupha huvau na son thei natu hi tu hi.

Matthew 16:20

Tua zawkciang, ama sia Messiah ahi hunlam kuama munah a son ngawl natu in a nungzuite munah thupia hi.

Matthew 17:9

Mual tung pan hong tuaksuk kawmin Jesus in, “Mihing Tapa sia thina pan a kithawsak kik mateng hi mukholna sia kuama tungah son heak vun,” ci in thupia hi.

Matthew 3:15

Ahihang Jesus in zo kik a “Pathian ii deina theampo a kicin natu in, tu in hong seam ta'n,” ci hi. Tuaciang John zongh thukim hi.

Matthew 5:17

“Moses thukham le kamsaangte hilnate bosak tu in hong pai hong sa heak vun. A bosak tu hong pai hi ngawlin, a khuangkhimsak tu in hong pai ka hizaw hi.

Matthew 6:1

“Biakpiak vaipuakte na sep uh ciangin, mihon ii hong mu tu in, ngual sungah vawt heak vun. Tuabangin ngual sungah na vawt uh le, vantung a na Pa kung pan, thaman khat zongh na nga buatu hi.

Matthew 9:30

Tuasia ciangin amate in khuamu thei uh hi. Jesus in, “Hi thu kuama tungah son heak vun,” ci in nasia takin khaam hi.

Mark 13:9

“Noma le noma na kikeam vun. No sia hong kiman tu a, zum mai ah hong kithen tu hi. Synagogue te ah hong kivel tu hi, Lungdamna Thupha son tu le, keima hu in ngamukte le kumpite mai ah note na ding tu uh hi.

Mark 3:12

Ama sia akua ahi hunlam kuama tungah a son ngawl natu in, thaa ngilote munah Jesus in nasia takin thupia hi.

Mark 5:43

Ahihang Jesus in kuama munah a son ngawl natu in, nasia takin khaam hi, tuaciangin, “Bang khat pawpo a neak tu pia vun,” Jesus in ci hi.

Mark 6:11

Khua khat po ah no hong kisaang bua a, hong ngai nuam bua ahile, nusia vun a, na peang tung leivuite na thin tavun. Tuate amate kidop natu thupiakna ahi hi,” ci thua hi.

Mark 7:36

Tuaciangin mipite munah hi thu kuama tungah a son ngawl natu in, ama in khaam vaial kale mipite in son vaial uh hi.

Mark 8:30

Tuasia ciang Jesus in, “Kei huvau kuama munah son heak vun,” ci in thupia hi.

Mark 9:9

Mualtung pan hong tuaksuk ciangin Jesus in, “Mihing Tapa sia thina pan a thaw kik mateng in na mu uh teng kuama munah son heak vun,” ci hi.

Luke 17:14

Jesus in amate a mu ciang, “Pai tavun a, na thiampite in vealsak tavun,” ci hi. Amate a pai kawkawm in, dam thiang uh hi.

Luke 21:13

Hi hun sia no atu in Lungdamna Thupha na son thei natu hunpha hong hi tu hi.

Luke 4:41

Mipite sung panin, doaite pusuak a, “Nang sia Pathian Tapa na hi hi,” ci in au uh hi. Jesus in doaite a pau ngawl natu thupia hi, banghang ziam cile ama sia Messiah ahi hunlam doaite in he uh hi.

Luke 5:14

Jesus in, “Kuama munah son heak in, ahizong thiampipa kungah pai paih ta'n a, ama in vealsak ta'n; tua zawkciang, a kuama theampo in dam zo hi, ci in hong heak natu in, Moses ii sawl bangin, sangaw biakpiaknate vawt ta'n,” ci hi.

Luke 8:56

A pa le a nu in nasia takin lamdang sa uh hi, ahihang Jesus in thupiang teng kuama tung a son ngawl natu in khaam hi.

Luke 9:21

Tuaciang Jesus in hi thu kuama tungah a son ngawl natu in nasia tak thupia hi.

John 5:41

“Keima in mihingte ii pokna a zong hi ngawl khi hi.

John 7:18

Ama aituam thuneina taw a paupa sia, ama atu bek minthanna nga nuam a hanciam ahi hi. Ahihang a sawlpa ii minthan natu a deisakpa sia thumaan a, ama sungah leilot thu a om bua hi.

John 8:50

Keima atu in patoaina ka zong bua hi. Ahihang tuabangin zong a, kei hong panpui in thu a khen khat om hi.