Matthew 8:29 - Syin Chin Bible

²⁹ Thakhatin amate cik-au uh a, “Nang Pathian Tapa awng, ko bang hong law nuam ni ziam? A hun hong thet ma in, daan pia tu in hong pai ni ziam?” ci uh hi.

Matthew 8:29 Iomraidhean Croise

2 Samuel 16:10

Kumpipa in Abishai le a suapuipa Joab munah, “Hisia no taw bangma kisai bo. Topa ii sawl hu in hong haamsiat ahile akua in khaam thei tu ziam?” ci hi.

2 Samuel 19:22

Ahizong David in Abishai le a suapuipa Joab munah, “A kua in no ngaisutna hong ngen ziam? Ngim hong pia tu nu ziam? Tu in kei Israel ii kumpipa hi zo khi hi, tuaciang tu ni in Israel te kuama kithatlum ngawl tu hi,” ci hi.

1 Kumpite 17:18

Ama in Elijah munah, “Pathian mipa awng, banghangin hi bangin kei hong vawt ni ziam? Hi sungah nong pai sia ka mawna teng Pathian in phawksak a, ka tapa thi natu in hong vawt ni ziam?” ci hi.

2 Kumpite 3:13

Elisha in Israel kumpipa munah, “Banghangin nang hong hu tu khi ziam?” ci hi. “Na pa le na nu ii thudok tua kamsaangte dongh tu in va pai ta'n,” ci hi. Joram in, “Hi ngawl hi, Topa in ko kumpi thum teng sia Moab kumpipa ii a uuk po hong law tu in hong koi sa hi,” ci in zo kik hi.

2 Khangtaanghthu 35:21

ahizong Neco in Josiah tungah hi bangin thupuak hi: “Judah kumpipa awng, ka ngalsim tu sia nang taw kisai ngawl hi. Nang hong sim tu in hong pai hi ngawl a, ka ngalte a sim tu in a kuan ka hi hi. Pathian in manlangin hong sawl hi. Pathian in keima sangah pang ahikom kei hong nalh heak in, tua ahibuale ama in nang hong susia tu hi.”

Joel 3:4

“Tyre, Sidon le Philistia ngamkhente theampo awng, kei, bang hong law nuam nu ziam? Bang khat po hangin hong thuk kik nuamin hanciam nu ziam? Tuabang nong hi uh le keima in manlang takin kong thuk kik tu hi!

Matthew 4:3

Tuasia ciang Doaimangpa hong pai a, “Pathian Tapa na hi le suang hite anluum suaksak in,” ci hi.

Matthew 8:30

Tuak nai ah vok honkhat taa uh hi.

Mark 1:24

“Nazareth mi Jesus awng, kote bang hong nuammaw ni ziam? Ko hong lalcipsak tu in hi sungah hong pai na hi ziam? Nang akua na hi hunlam hong he khu hi — Nang sia a thiangtho Pathian kamtaipa ni hi,” ci hi.

Mark 3:11

Thaa ngilo vei mihingte in a mu uh ciangin, amate mai ah puk in, cik-au uh a, “Nang sia Pathian Tapa ni hi” ci hi.

Mark 5:7

“A saangbel Pathian Tapa awng! Kei bang hong law nuam ni ziam? Kei daan nong piak ngawl natu in Pathian min taw kong thuum hi,” ci in a aw neiza taw au hi.

Luke 4:34

“Aw Nazareth mi Jesus awng, ko bang hong law nuam ni ziam? Hong susiacip tu in hong pai ni ziam? Nang akua ci in hong he khu hi; nang sia Pathian ii a thiangtho kamtaipa ni hi!” ci hi.

Luke 4:41

Mipite sung panin, doaite pusuak a, “Nang sia Pathian Tapa na hi hi,” ci in au uh hi. Jesus in doaite a pau ngawl natu thupia hi, banghang ziam cile ama sia Messiah ahi hunlam doaite in he uh hi.

Luke 8:28

Ama in Jesus a mu ciangin nasia takin au a, a peang kungah kileiden in, “A saangbel Pathian Tapa Jesus awng! Kei bang hong law nuam ni ziam? Daan nong piak ngawl natu hong thum khi hi,” ci hi.

John 2:4

Jesus in, “Ka vawt tu sia hong son heak in, ka hun hong tung ngawl lai hi,” ci in zo kik hi.

Sawltakte 16:17

Ama in Paul le ko hong zui a, “Hi mite in A saangbel Pathian naseamte hi! Note bangbangin kingum thei tu ci thu amate in hong thangsak hi!” ci in au hi.

James 2:19

Pathian khat bek om hi, ci in na um uh ziam? Pha hi! Doaite zongh in um a — kiitakna taw liing hi.

2 Peter 2:4

Pathian in a maw a khial vantunglalangte khoaikhe ngawlin, hell sung denna in nei hi, amate tua mun khuazing sungah Thukhenna Ni ngak tu in koltaang hi.

Jude 1:6

Amate thuneina ciaciang sungah a om po ngawl, a teenna a nusia vantunglalangte phawk tavun: amate sia leinuai khuazingna ah tawntung thikkol kibul a, amate tungah thu a kitan tu Pathian ii Ni lianpi ni dong atu in Pathian in koi hi.

Thukhente 11:12

Tuaciang Jephthah in Ammon kumpipa kungah kamtaite paisak a, “Ko nong kihau puina sia bang thu ziam? Banghangin ka ngam uh hong sim ni ziam?” cisak hi.