Matthew 8:25 - Syin Chin Bible

²⁵ Nungzuite a kungah pai in, phong uh hi. “Hong hun ta'n, Topa, thi dektak khu hi,” ci uh hi.

Matthew 8:25 Iomraidhean Croise

2 Khangtaanghthu 14:11

Asa in Topa a Pathian tungah thungen a, “Topa awng, ngalkaphonpi thahat khat na hu bangin a thazawm ngalkaphonpi khat zongh ol takin na hu thei hi. Topa kote Pathian awng tu in hong hu ta'n, banghang ziam cile nangma kong muang kong suang uh a, nangma min suangin hi za in a tam ngalkaphonpite sim tu in ka kuan uh hi. Topa awng nang sia kote Pathian na hi hi; nangma zozo tu in a ki um ngam kuama om ngawl tu hi,” ci hi.

2 Khangtaanghthu 20:12

Nangma in koma Pathian na hi hi! Amate daan pia in. Banghang ziam cile ko hong sim, hi ngalkaphonpite mai ah ka ci ka law uh he ngawl khu hi. Bang vawt tu ci sia ka heak ngawl uh hangin nangma ii nong hu tu lam en khu hi,” ci in thungen hi.

Psalm Late 10:1

Banghangin a khuala ah om ni ziam, Topa awng? Ngimna ka nga uh hun sungah banghangin buu ni ziam?

Jonah 1:6

Teambaw ukpipa in tua munah Jonah a mu ciangin, “Banghangin mu thong ni ziam? Tho in a, hong hu natu in na pathian tungah thungen in. Ama in eite hong mulkimin ih nuntakna hong khoaikhe tha tu hi,” ci hi.

Matthew 8:2

Tuasia ciangin a lauhuai vun natna vei khat hong pai a, Jesus mai ah khupdin in “Topa hong damsak nuam po lete hong damsak thei tu ni hi,” ci hi.

Matthew 8:24

Thakhat thu in a kiitakhuai vuipi suangval khat tuili tungah hong va a, ngunkuang sia tui ii a khup tu lauhuai hi. Ahihang Jesus mutthip hi.

Matthew 9:18

Jesus in hi bang a pau laitakin, Jew ulian khat hong pai a, a mai ah khupdin in, “Ka tanu a thi zawk hiat bek ahi hi. Ahitazong hong pai lete a, ama tungah na khut nga lete, ama nungta kik tu hi,” ci hi.

Luke 8:24

Nungzuite in Jesus kung pai in phong a, “Topa, Topa! Ei teng thi dektak zo hing!” ci uh hi. Jesus tho in vuipi le tuihualte thupia a, tuate thimin, dai dide hi.