Matthew 8:20 - Syin Chin Bible

²⁰ Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

Matthew 8:20 Iomraidhean Croise

Psalm Late 104:12

A hui ah a om thingkungte tungah vacimte bu vawtin lasa uh hi.

Psalm Late 104:17

Tua munah vacimte in a bu vawt uh hi; hilniang vacimliante in mang taakthing tungah a bu vawt uh hi.

Psalm Late 109:22

Keima in zawngin ka kitaangsamh hi; ka thinsung tawngh dongin na hi.

Psalm Late 40:17

Topa awng, kei sia thazawm in ka zawngkhal a, ahihang nong mangil bua hi. Nang sia ka hunpa le ka Pathian na hikom, hong hu memeang ta'n!

Psalm Late 69:29

Ahihang kei sia na sa in thinkiam in ka om hi; Pathian awng, hong laamto ta'n a, hong hun ta'n!

Psalm Late 84:3

Tonbawmte ngawngawn in bu vawt a, pialpiate in amate buk tek nei hi; amate in na biaknatau taw a kinaina ah a note keam uh hi, Vaanglianbelpa Topa ka kumpipa le ka Pathian awng.

Daniel 7:13

Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Matthew 12:32

Mihing Tapa a sonsiate kimaisak thei hi; ahihang Thaa Thiangtho a sonsiate tu hun ahizong, maisang a tawntung ahizong kimaisak ngawl tu hi.

Matthew 12:40

Jonah in sun thum le zan thum ngasa lian ii ngil sungah a om bangin, Mihing Tapa zongh sun thum le zan thum leithukna sungah om tu hi.

Matthew 12:8

Banghang ziam cile Mihing Tapa sia Sabbath ii Topa ahi hi,” ci hi.

Matthew 13:37

“Thaicii pha a tuu pasalpa sia Mihing Tapa ahi hi; lo sia hi leitung ahi hi.

Matthew 16:13

Jesus in Caesarea Philippi khuahui ngamkhen ah pai a, tua munah, “Mihing Tapa sia ngual in akua ci ziam?” ci in a nungzuite dongh hi.

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 17:9

Mual tung pan hong tuaksuk kawmin Jesus in, “Mihing Tapa sia thina pan a kithawsak kik mateng hi mukholna sia kuama tungah son heak vun,” ci in thupia hi.

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

Mark 8:38

Pathian nei ngawl, hi seksolna khang hun sungah mihing khat po in, kei le keima thu hangin, a mai a zum le, Mihing Tapa sia Pa ii vaangletna le a thiangtho vantunglalangte taw hong paikhop ciangin, Mihing Tapa zongh in tuasia pa atu a maizum tu hi.

Luke 12:8

“A maan takin kong ci ciang, mipite mai ah keima ii mi ahi hunlam a pualaakte sia Mihing Tapa zongh in Pathian vantunglalangte mai ah tuabang ma in a pualaak tu hi.

Luke 18:8

A maan tak ka ci ciangin, amate sangah pangin, a manlang takin thu khensak tu hi. Ahitazong Mihing Tapa ii hong pai kik ciangin leitung ah upna a mu tu ziam?” Topa in ci thua hi.

Luke 2:12

Thumaan a hina na tel natu in, nausen khat puan taw kituun in, khui ankuang sungah kisial na mu tu uh hi,” ci hi.

Luke 2:16

Tuaciang amate manlangin pai uh a, Mary, Joseph le khui ankuang sungah nausen kisial mu uh hi.

Luke 2:7

A tapaciil suak a, zin tun natu zinbuk awng nawn ngawl ahikom, puan taw a nau tunin khui ankuang sungah sial hi.

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

Luke 8:3

Herod ii zumsung ulian khat ahi Chuza ii zi Joanna; le Susanna le a dang numei tam mama, Jesus le a nungzuite hu natu in, amate neisun po a pia pawlkhat in kitholpui uh hi.

Luke 9:58

Jesus in zo kik a, “Ngiate in kua nei uh a, vacimte in bu a nei uh hi, ahihang Mihing Tapa in a lusial natu mun zongh a nei bua hi,” ci hi.

John 1:51

Tuaciang in amate tungah, “Thumaan hong son khi hi: vantung kihong na mu tu a, Mihing Tapa tungah Pathian ii vantunglalangte a tuaksuk a kaato kithalee in a om na mu tu hi,” ci hi.

John 12:34

Mihonpi in “Ih Thukham in Messiah nungta tawntung tu in hong son hi. Tua ahile bangbangin Mihing Tapa kilaamto tu hi, ci thei ni ziam? Hi Mihing Tapa sia akua ziam?” ci uh hi.

John 13:31

Judas ii paisan zawkciang Jesus in, “Tu in Mihing Tapa ii minthanna kilangh hi; tu in Pathian minthanna ama tungtawnin kilangh hi.

John 3:13

Tuaciangin vantung pan a hong paisuk Mihing Tapa simngawl kuama vantung ah kaato ngeingawl hi,” ci in zo hi.

John 3:14

Sennealngamsung thingkhuam tungah Moses ii taau ngul a khai bangma in Mihing Tapa zongh kikhai tu hi,

John 6:27

A sia thei an atu in, naseam heak vun; tua sangin a kikhomsuan tawntung nuntakna an atu in seam zaw vun. Hisia in Mihing Tapa ii no hong piak tu an ahi hi, banghang ziam cile Pa Pathian in ama tungah lungkimin tepteena koi zo hi,” ci in zo hi.

John 6:53

Jesus in amate munah, “A maan takin kong ci hi: Mihing Tapa ii taksa na ne bua uh a, a chi na dawn bua uh le, note sungah nuntakna na nei buatu uh hi.

John 6:62

“Tua le, sonteena, Mihing Tapa sia ama om maksakna munah a paito kik mu le uhte bang na ci tu uh ziam?

Sawltakte 7:56

“En vun! Vantung kihong mu khi hi, tuaciang Mihing Tapa sia Pathianziatsang ah, dingin om hi!” ci hi.

2 Corinth te 8:9

Topa Jesus Christ ii thuthiamna sia na heak uh hi; ama sia hau mama napi in, ama zawnna taw note a hau na sua thei natu in note atu in ama le ama a zawngin hong kivawt ahi hi.