Matthew 8:16 - Syin Chin Bible

¹⁶ Nitak ciang mihingte in Jesus kungah doaivei tam mama hong paipui uh hi. Jesus in thaa ngilote kammal khat taw notkeak a, tuaciang ciina theampo damsak hi.

Matthew 8:16 Iomraidhean Croise

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Matthew 12:22

Tua zawkciang mihing pawlkhat in Jesus kungah doai a vei hu in mittaw a, a pau thei ngawl pasal khat hong paipui uh hi. Khuamu thei a, a pau thei natu in, Jesus in damsak hi.

Matthew 14:14

Jesus in a ngunkuang tung pan tuak a, mihonpite a mu ciangin, tua mite hesuakhuai sa in ciinate damsak hi.

Matthew 8:15

Jesus in Peter sunghnu khut thamsak hi; a cisa natna dam a, tho in Jesus zindo hi.

Matthew 8:33

Vok cingte tai in khua sungah tum a, tua munah doaiveite tung a thupiang theampo son siat uh hi.

Matthew 9:2

Tua munah mihing pawlkhat in pumzaw pasal khat lupna tungah a lum sa in, Jesus kungah hong paipui uh hi. Jesus in amate upna bangza lian ziam ci in a mu ciang, pumzaw pa munah, “Na thin kiliansak in, ka tapa awng. Na mawna hong kimaisak zo hi,” ci hi.

Mark 2:3

pasal li hong theng a, Jesus kungah pumzaw pasal khat puak hi.

Mark 5:8

(Banghangin hi bang ci ziam cile Jesus in, “Thaa ngilo awng, pasalpa sung pan hong pusuak ta'n!” a ci hu ahi hi.)

Mark 9:25

Mipite in ama uumci tu a kithoai sia Jesus in mu ahikom thaa ngilo tungah, thupia a, “Nangong le a pau thei ngawl thaa ngilo awng, patang sung pan hong pusuak ta'n a, ama sungah tum kik nawn heak in, ci in thu kong pia hi,” ci hi.

Luke 13:12

Jesus in a mu ciangin biakpui a, “Numei awng na natna panin na suakta zo hi!” ci hi.

Luke 4:40

Ni a tum zawkciangin, natna satna a tuatuam a veite peuma a lawmte in Jesus kungah hong paipui uh hi; mihing sim tungah a khut nga a, damsak siat hi.

Luke 4:41

Mipite sung panin, doaite pusuak a, “Nang sia Pathian Tapa na hi hi,” ci in au uh hi. Jesus in doaite a pau ngawl natu thupia hi, banghang ziam cile ama sia Messiah ahi hunlam doaite in he uh hi.

Sawltakte 5:15

Sawltakte nasepna hangin, lampite tungah ciinate hong kipua a, Peter hong pai ciang ciinate pawlkhat tungah ama ii limh beak ii a liap thei natu dei in, lupnate tung le phahte tungah sialin lampi hui ah lumsak uh hi.