Matthew 8:15 - Syin Chin Bible

¹⁵ Jesus in Peter sunghnu khut thamsak hi; a cisa natna dam a, tho in Jesus zindo hi.

Matthew 8:15 Iomraidhean Croise

2 Kumpite 13:21

Khatvei mithi khat a kivui laitakin tua ngalte honkhat kingal mu a, tuaciang mithi puate in a thiluang sia Elisha ii thaan sungah lawnsuk uh a, amate taikeak uh hi. Elisha ii ngu taw a kiphak po ciang mithi sia nungta kik a, ding to hi.

Isaiah 6:7

Ama in meikam taw ka muk hong bitsak a, “Hisia in na muk hong bi zo hi, tu in na mawna bo siat zo a, na mawna teng kimaisak zo hi,” hong ci hi.

Matthew 14:36

A puanmong beak ahizong ciinate a thamsak natu in, ama tungah ngen uh hi. Tuaciang a puanmong a tham theampo damsak hi.

Matthew 20:34

Jesus in amate sia khuangai huai sa in, a mitte thamsak a; thakhatin, amate khuamu thei a, amate in ama zui uh hi.

Matthew 8:14

Jesus in Peter inn ah pai a, tua munah Peter sunghnu a ci suukin lupna tungah om mu hi.

Matthew 8:16

Nitak ciang mihingte in Jesus kungah doaivei tam mama hong paipui uh hi. Jesus in thaa ngilote kammal khat taw notkeak a, tuaciang ciina theampo damsak hi.

Matthew 8:3

Jesus in a khut zan a, ama thamin, “Hong damsak nuam khi hi, dam ta'n,” ci hi. Thakhat thu in, pasalpa a natna pan dam hi.

Matthew 9:20

Kum sawm le kum nii tawntung chibua natna a vei numei khat Jesus nung pan hong pai a, a puanmong tham hi.

Matthew 9:29

Tuasia ciangin Jesus in, a mitte thamsak a, “Na up uh bangin piang tahen!” ci hi.

Mark 1:29

Jesus in a nungzuite taw synagogue nusia in Simon le Andrew te inn ah paisuak uh hi. Nungzui James le John zongh kihel hi.

Mark 1:41

Jesus in ama khuangai huai sa in, a khut vaan in tham hi. “Hong damsak nuam khi hi, dam ta'n,” ci in zo kik hi.

Luke 8:54

Ahihang Jesus in numeino ii khut pan kaito in, “Ka tano awng, tho in!” ci hi.