Matthew 8:11 - Syin Chin Bible

¹¹ “A maan tatak ka ci ciang, nisuana le nitumna panin, mihing tam mama hong pai tu a, Vantung ngam sungah Abraham, Isaac le Jacob taw anneakpoai sungah hong tokhawm tu hi.

Matthew 8:11 Iomraidhean Croise

Pianciilna 12:3

Nangma thupha hong piate thupha ka pia tu a, Ahihang nangma hong haamsiatte ka haamsiat tu hi. Nang tungtawnin minam theampo thupha ka pia tu hi,” ci hi.

Pianciilna 22:18

Nangma suan le paalte tungah thupha ka piak bangin minam theampo in thupha ka piak tu hong ngen tu uh hi — tu teng sia nangma in ka thupiak na nit hang ahi hi,” ci hi.

Pianciilna 28:14

Amate leitung ah leivui za in tam tu hi. Amate in mun theampo ah ngamkeak tu uh a, nang le na suan na paalte tungtawnin minamte theampo thupha ka pia tu hi.

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Psalm Late 22:27

Ngam theampo in Topa a phawk tu uh hi. Leitung mun tuatuamte panin ama a zuan tu a minam theampo in ama a bia tu uh hi.

Psalm Late 98:3

Ama in Israel te tungah a kamciam sia thumaanna le itna kip taw kholet hi. Mun theampo ah a om mihingte in ih Pathian ii zawna mu zo uh hi.

Isaiah 11:10

David kumpi suan pan kumpi thak khat sia minam tam mama te atu in lim khat ahi natu ni khat hong theng tu hi. Amate sia a kumpi khuapi sungah kikhawm in ama zatakna pia tu uh hi.

Isaiah 49:12

Ka mite sia ngam khualana, saksang le nitumna sang pan le thang sangah a om Aswan khuapi panin hong pai tu uh hi,” ci hi.

Isaiah 49:6

Topa in kei tungah, “Ka naseampa awng, nangma sep tu in nasep lian zaw khat ka nei hi, a suakta lai Israel mite a lian in lapto kik tu bek hi ngawlin, minamte tungah khuavak ahi tu zonghin nang kong vawt tu hi — tuabangin leitung theampo in ngupna a nga thei natu ahi hi,” hong ci hi.

Isaiah 52:10

Topa in ama ii a thiangtho vaangletna zangh tu hi; ama in a mite ngum tu a, leitung theampo in mu tu uh hi.

Isaiah 59:19

Ni suana pan nitumna dongah a teang mite theampo in ama le a vaangletna lian sia kiita tu uh hi. Ama in nguntui pawm bang le, vuipi bangin hong pai tu hi.

Jeremiah 16:19

Topa awng, nangma in kei hong dal a thahatna hong pia pa na hi hi; ka ngim nga laitakin nong hu hi. Leimong panin minamte nang kungah hong pai tu uh a, “Ka taanghpupite in pathian maan ngawlte le kimanna a nei ngawl milimte simngawl bangma dang nei ngawl hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Matthew 21:41

“Ama in tua misiate thatlum nanak tu a, a hun zui in, thaw ante, ama saan tu bangin a pia tu ngualdangte tungah sapithuan sia saapthaw tu in aap tu hi,” ci in zo hi.

Matthew 24:31

Lemlepui aw hong nging tu a, tuaciang ama in leimong king lite ah a vantunglalangte sawl in, amate in ama tealsa mite leimong khat pan mong khat dongin khawmtua tu hi.

Matthew 3:2

“Na mawna uh pan kisiik kik vun, banghang ziam cile Vantung ngam hong nai zo hi!” ci hi.

Matthew 8:10

Jesus in hi thu a zaak ciangin, lamdang sa in, a nungzuite munah, “A tatakin ka ci ciang Israel ngam sungah hi bang upna mu ngeingawl khi hi,” ci hi.

Luke 12:37

Ama hong cia kik ciangin a kinging sa in a om, a khuaphawk naseamte, a topa in a mu ciang amate bangzata in thupha a nga tu ziam? A maan takin kong ci ciangin, a topa in a laktong puasilh suut tu a, amate a tosak zawkciang anvaak tu hi.

Luke 16:22

Mizawngpa thi a vantunglalangte in, vantung anneakpoai Abraham kungah to tu in, puato uh hi. Sumhaupa zongh thi in kivui hi,

Sawltakte 10:45

Peter taw Joppa khua pan hong pai, Jew thu umte in, Gentile te tung zongh ah, Pathian Thaa Thiangtho letsong a buak sia lamdang sa uh hi.

Sawltakte 11:18

Hi thu a zaak uh ciangin, Peter sia mawsak nawn ngawlin, Pathian pok uh hi. “Tua ahile Pathian in, Gentile te tung zongh ah, kisii kik natu le nuntak natu hunpha pia zo hi!” ci uh hi.

Sawltakte 14:22

Amate in thu umte thakho sua uh a, upna sungah thumaan in a kip natu uh hanthawn uh hi. “Pathian Ngam sungah ih tum thei natu in, ngimna tam mama ih kaantan kul tu hi,” ci in hil uh hi.

Sawltakte 14:27

Antioch a thet uh ciangin, amate in, pawlpi mite khawmtua a, amate tungah, Pathian nasepna theampo le Gentile te ii thu a up natu lampi a honsakna thute son uh hi.

1 Corinth te 15:20

Ahihang thumaan thu in bang ziam cile, Christ sia thina panin a kithaw kik sakna sia, thina sungah a mute zongh, kitho kiksak tu hi ci in a kip kamciam hong piakna ahi hi.

1 Corinth te 6:9

Mihing ngilote in Pathian Ngam lua ngawl het tu ci in he nu hi. Noma le noma kitheam heak vun; mihing a paktatte le milim a biate, palngul mawna a vawtte, pa le pa, numei le numei a khialte,

Ephesus te 3:6

A thuku sia bang ziam cile Gentile te le Jew te in Pathian thupha sia lungdamna thu hangin saang khawm thei hi; amate in pumpi khat ii nate hi tek a, Pathian ii Christ Jesus tungtawn a kamciam a piakte nga tek hi.

Colossae te 3:11

Tua hu in Gentile le Jew, vunteap at le at ngawl, khualmi le tualmi, sila le sila ahi ngawlte ci bangin kidoidanna om ngawl hi. Ahihang Christ sia na theampo hi a, na theampo sungah Christ om hi.

2 Thessalonica te 1:5

Tu a na thuakna teng in Pathian thukhen na sia thumaan a hina kilanghsak hi, tua in noma ii na ngimlaw uh ama Kumpi Ngam taw a kilawm hong suaksak tu hi,