Matthew 7:7 - Syin Chin Bible

⁷ “Ngen vun na nga tu uh hi; zong vun na mu tu uh hi; king vun, kongkha hong kihon tu hi.

Matthew 7:7 Iomraidhean Croise

Pianciilna 26:32

Tua ni in, Isaac ii naseamte hong pai in amate tawsa, tuikhuk thu ama tungah son hi. Amate in, “Tui ka mu zo uh hi,” ci hi.

1 Kumpite 3:5

Tua zanin Topa sia a mang sungah hong kilaak a, “Bang kong piak tu na uukbel ziam?” ci in dongh hi.

Psalm Late 10:17

Topa awng, mihing a kinengniamte ii thungetna na ngai tu hi; amate thinletna na pia tu hi.

Psalm Late 10:4

Mihing seksol pa in Topa awlmaw ngawl a, a kiphatsakna in, Pathian thupi sim ngawl hi.

Psalm Late 119:12

Nang kong pok hi, Topa awng; nangma paiziate hong hil ta'n.

Psalm Late 27:8

“Hong pai ta'n a hong bia ta'n” nong ci ciang, “Hong pai tu khi hi, Topa awng,

Psalm Late 34:4

Topa tungah thu ka ngen a, ama in hong zo hi; ama in ka launa theampo panin hong suaktasak hi.

Psalm Late 37:4

Na lungdamna uh sia Topa sungah zong vun, tuasia ciang ama in na lungngulna bang hong pia tu hi.

Psalm Late 50:15

Ngimna hong pai ciangin keima hong ko tavun; Noma kong hun tu a kei nong pok tu uh hi.”

Psalm Late 69:32

A kizothawte in hisia a mu uh ciangin a lungdam tu uh hi; Pathian a biate kihansua tu hi.

Psalm Late 70:4

Nang hong zuan theampo lungdam in thinnuam tahen. Nangma ii nong ngupna hu a, lungdam a ko thei theampo in, “Pathian bangza in lian ziam!” ci tawntung tahen.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Paunakte 8:17

Kei hong itte ka it hi; kei hong zong po in hong mu thei hi.

Solomon ii La 3:2

Khuapi sungah ka vavak a, a lamliante le a lamzinte kaantan in, ka it ka ngaino ka zong hi, ahizong ka mu zo bua hi.

Isaiah 30:19

No Jerusalem ah a teang mihingte kap nawn ngawl tu nu hi. Topa sia hesuak thei a, ama tungah huna ngenin na kaa uh ciang ama in hong zo tu hi.

Jeremiah 33:3

“Kei nong sam uh le kong zo tu hi; a thu na heak ngawl lai a lamdangte le thu tumdangte kong son tu hi.

Amos 5:4

Topa in Israel mite tungah, “Kei kungah hong pai tavun, tua hile na nungta tu uh hi.

Matthew 18:19

“Thudang kong son lai natu panin, mihing nii in leitung ah na khat pawpo tungtaang ah thukim in thu a ngen uh le, vantung ka Pa in hong vawtsak tu hi.

Matthew 21:22

Na um uh le thungetna taw na nget uh po na nga tu uh hi,” ci hi.

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Matthew 7:11

Na phat ngawl uh kawm panin na tate atu napha piak tu na he uh hi. Tua ahile, vantung ah na Pa in a ngente tungah naphate bangza in hong pia zaw kan tu ziam?

Matthew 7:8

Banghang ziam cile a ngen pawpo in nga a, a zong khat pawpo in mu a, a king sia kongkha kihon hi.

Mark 11:24

Hi thu hangin a tatakin kong ci ciangin: Thu na nget uh ciang, bang khat po na ngen uh le a nga sa bangin kingaisun vun, tua hile na nget uh po hong kipia tu hi.

Luke 13:25

Inn nei pa in tho in, kongkha hong khak tu hi. Tuasia ciang doipua pan in, kongkha king in, ‘Topa kong hong hon ta'n,’ na ci uh hang, ‘No koisung pan hong pai ci hong he ngawl khi hi,’ ci tu hi.

Luke 18:1

Tua zawkciang Jesus in a nungzuite tungah thinkiam ngawl a, a thunget tawntung natu a hilna in thusonteenate son hi.

John 15:16

Note in kei nong teal bua uh hi; keima in note a kikhomsuan a nga namte tam mama na nga natu in, kong teal a, nasep kong pia hi. Tua ahikom Pa in kei min taw, ama tungah na nget uh po, hong pia tu hi.

John 15:7

Kei sungah nong om uh a, ka kammalte note sungah a om le tuasia ciang na uuk pawpo nong ngen tu a, na nga tu uh hi.

John 4:10

Jesus in, “Pathian in bang teng pia a, nang tungah tuineak tu hong ngen sia akua ziam, ci thu tel thong lete nangma in ama munah na ngen tu hi, tuaciang ama in nuntakna tui hong pia tu hi,” ci hi.

Romete 2:7

Mihing pawlkhat in nasep pha seam zomin minthanna, upatna le thi mawk nuntaknate Pathian kungah zong uh hi. Tuate tungah Pathian in tawntung nuntakna pia tu hi.

Romete 3:11

A ciim kuama om ngawl a, Pathian a bia kuama om ngawl hi.

Hebrew te 11:6

Upna ngawl taw kuama in, Pathian lungdamsak thei ngawl hi, banghang ziam cile Pathian kung a zuan peuma in, ama sia om takpi a, ama a zongte thaman pia hi, ci in, a up uh kul hi.

James 5:15

Hi upna taw thungetna in ciina damsak tu hi. Topa in ciidamna pia kik tu a, tuaciang mawna a vawtte kimaisak tu hi.

1 John 3:22

Ama thupiakte zui a, ama diksak bang ih ngamtat manin, ama tung pan ih nget pawpo ih nga hi.