Matthew 7:6 - Syin Chin Bible

⁶ “A thiangtho nate uite na pia heak vun — amate in noma hong pet kik zaw tu hi. Vokte mai ah na suang manphate na lot heak vun — amate in a peang nuai a siikcil lel tu hi.

Matthew 7:6 Iomraidhean Croise

Paunakte 11:22

Thu khensatna pha a nei ngawl numei khat ii mealphatna in vok naak ah khamh naakba taw kibang hi.

Paunakte 23:9

Mihing mawmaw khat sia a khua heak thei natu in na sonpui heak vun; ama in thupi sa thei meal ngawl hi.

Paunakte 26:11

A mawmaw khat in mawmawt vai khat a nii veina in a vawt kik le a luak sa a ne kik ui khat taw kibang hi.

Paunakte 26:4

A mawmawthuai dokna khat na zo le, a dongh pa bangma a mawmaw na hi hi.

Matthew 15:26

Jesus in, “Tate ii anneak tu laaksak in uite ih piaksak tu sia kilawm ngawl hi,” ci hi.

Matthew 24:10

Mihing tam mama in tua hun ciangin, a upna uh nusia tu hi; amate khat le khat kileeheak tu a, khat le khat kingaimaw tu hi.

Matthew 7:5

No a kihisak minamte awng! Noma mittang sungah thingluang sia la keak phot vun, tua hile na suapuipa mittang sung ninteak sia na laak thei natu in, thiang takin na mu thei tu uh hi.

2 Corinth te 11:26

Ka khualhawna tam mama sungah namthuamna pan, ngualsuamte pan, Jew mipuite le Gentile te tung panin, lauhuaina ka thuak hi; khuapi sung, duisung ngampa, tuipi tung le ngualtamh thumaan ngawlte tung panin lauhuaina tuatuam ka thuak hi.

Philippi te 3:2

A sia a vawtte, tua uite, vunteap at kul hi a ci hamtangte, na encik tavun.

Hebrew te 10:29

Tua ahile Pathian Tapa a zawngsak pa sia bang suak tu ziam? Mawna pan a, a thiansua Pathian thuciamna chisan a awlmaw ngawlte, thuthiamna Thaa a zawngsak te, bang tek suak tu ziam? Ngaisun vun, tuabang mihing khat ii thuak tu a kilawm daan sia bangza in nasia zaw tu ziam!

Hebrew te 6:6

Tua zawkciang amate in a upna uh taisan uh hi! Amate sia a kisii kik tu sia suak thei nawn ngawl hi. Banghang ziam cile, amate in Pathian Tapa sia Thinglamtee tungah kilh kik a, mipi mai ah a maizumhuai in a pholaak ahi uh hi.

2 Peter 2:22

Paunak sungah, “Ui khat in a luak sa ne kik a, a kisilthiang sa vok khat buan sungah bual kik hi,” ci thu a maan hunlam sia amate tung thupiang sia in lak hi.

Thupualaakna 22:15

Ahihang lampialte, bum le ai toaite, a paktatte, mihing thatte, milim biate, leilot kampauna le ngamtatna taw ngualtheam theite khuapi puasia ah om tu uh hi.