Matthew 7:24 - Syin Chin Bible

²⁴ “Tua ahikom, kei kammal hite za a, a zaak uh bang a zuite sia suangpi tungah inn sa mihing ciimpa taw kibang hi.

Matthew 7:24 Iomraidhean Croise

Job 28:28

Pathian in mite mun ah, “Na ciim natu uh in, Topa thasia nanak tu nu hi. Na heak thei natu uh in siatna pial hamtang tu nu hi,” ci hi.

Psalm Late 111:10

Topa zatakna in ciim natu lampi ahi hi; ama thupiakte a zui theampo tungah thu khentel thiamna pia hi. Ama sia a tawntungin pok tu ahi hi.

Psalm Late 119:130

Na hilnate na thiang sonna in khuavak pia a, a he ngawlte ciimna pia hi.

Psalm Late 119:99

Ka syate theampo sangin ka tel zaw hi, banghang ziam cile keima in nong lamlaknate thuk takin ka ngaisusun hi.

Paunakte 10:25

Vuipi suangval hong pai in a seksolte seamkeak a, ahizong mihing thumaante a tawntung suakta hi.

Paunakte 10:8

Mihing khuangaisun theite in ngaisut pha piakna saang thei hi. Mawmawt kam a pau mite sia siatna sung theng tu hi.

Paunakte 12:7

Mihing seksolte in kiamsukin suan le paal nei ngawl a, ahihang thutangte ii bangkuate sia nungta paisuak hi.

Paunakte 14:8

Banghangin mihing pil khat sia ciim ziam? Banghang ziam cile ama in a sep tu he hi. A nangh khat sia banghangin mawmaw ziam? Banghang ziam cile ama in he siat kisa hi.

Matthew 12:50

Vantung ah ka Pa deina bang a ngamtate sia ka suapuipa, ka suapuinu le ka nu ahi hi,” ci hi.

Matthew 16:18

“Tuaciang, a maan takin kong ci ciang, Peter awng: nang sia suangpi na hi hi, tuaciangin, hi suangpi phungkawng tungah ka pawlpi ka phut tu a, thina ngawngawn zongh in a zo zo buatu hi.

Matthew 24:45

“Thumaan a, a ciim naseampa sia akua bangte ziam? Ama sia naseam dangte a uk tu le a hun a hun in an a pia tu in a kikoipa ahi hi.

Matthew 25:2

Ngaknu ngate mawmaw a, a dang ngate ciim hi.

Matthew 25:4

a ciimte ahile meiinn atu meitui bung dimin keng thua uh hi.

Matthew 25:9

A ciimte in, ‘hi thei mama ngawl hi; no atu le ko atu in kicing ngawl hi. Sumbuk ah pai in lei tavun;’ ci uh hi.

Matthew 7:25

Nguazu in khuanawl hong sua ciang, tua inn vuipi in nawmngawp hi. Ahihang tua inn suangpi tungah kisa ahikom a puk bua hi.

Matthew 7:26

“Ahihang kei kammal hite za napi in, a zui ngawlte sia sen tungah inn sa mihing mawmaw pa taw kibang hi.

Luke 11:28

Ahizong Jesus in, “Tua sangin Pathian kammal za a, a zuite in bangza in thupha nga zaw ziam!” ci in, zo kik hi.

John 13:17

Tu in thumaan he zo na hi uh kom, seam paih le uhte bangza in a lungdamte hi tu nu ziam!

John 14:15

“Nong it uh le ka thupiakte na ni tu uh hi.

John 15:10

Ka Pa thupiakte ni a, ama ii itna sungah ka kip bangmain, kong thupiakte na ni uh le kong itna sungah na kip tu uh hi.

John 15:14

Tuaciangin, ka thupiak bangin na seam uh le, ka lawmte na hi uh hi.

Romete 2:13

Banghang ziam cile Pathian mai ah thutang suana in Thukham zaakna taw piang ngawl a Thukham sawlnate zuina taw piang hi.

1 John 2:3

Pathian thupiakte ih zui le tuasia ciangin ama a he ih hi hunlam ih tel hi.