Matthew 7:21 - Syin Chin Bible

²¹ “ ‘Topa, Topa’ hong ci theampo Vantung ngam sungah a tum siat buatu hi, vantung ah ka Pa deina bang a ngamtate bek tum tu hi.

Matthew 7:21 Iomraidhean Croise

Matthew 12:50

Vantung ah ka Pa deina bang a ngamtate sia ka suapuipa, ka suapuinu le ka nu ahi hi,” ci hi.

Matthew 16:17

Jesus in, “John tapa Simon awng, nang sia mihing hampha khat na hi hi! Hi thutak sia mihing chi le sa sung pan nang tung a hong pai ahi bua a, vantung a ka Pa kung pan in, hong kipia thu ahi hi,” ci hi.

Matthew 18:10

“Hi patang khat po na zawnsak ngawl natu in, na kidawm vun. Amate ii vantunglalangte sia ka Pa omna munah om tek nginge hi, ci in hong son ka hi hi.

Matthew 18:19

“Thudang kong son lai natu panin, mihing nii in leitung ah na khat pawpo tungtaang ah thukim in thu a ngen uh le, vantung ka Pa in hong vawtsak tu hi.

Matthew 18:3

“A tatakin kong ci ciang kikheal in patangte bang na suak bua uh le Vantung ngam sungah na tum thei buatu uh hi.

Matthew 18:35

Jesus in a thukhupna ah, “Na thin tak taw na suapuipa na maisak buale vantung ah a om ka Pa in mihing sim tungah tuabangin hong vawt tu hi,” ci hi.

Matthew 19:24

Kong ci kik hi: kalaoh khat phin bilvang sungah a tum tu sangin sumhaute Pathian Ngam sungah a tum tu sia haksa zaw lai hi,” ci hi.

Matthew 25:10

Tua ahikom a mawmaw ngaknute sia meitui lei tu in pai uh hi; tuaciang amate pai lanin zineipa hong theng hi. A kinging sa a om ngaknu nga teng sia ama taw kiteenna poai ah sungtang uh a, tuaciang kongkha kikhak hi.

Matthew 25:21

‘Pha hi, a thumaan naseam pha pa awng, tawmno na zeakna tungah thumaan na hikom, tampi zeakna ah a uk tu in kong koi tu hi. Kei taw lungdam khawm tu in hong pai ta'n!’ ci hi.

Matthew 26:39

Ama sia tawm a pai zawkciang, lei ah bokcip in, thungen hi. “Ka Pa awng, ahithei le hi thuakna hai sia kei tung pan hong laaksak ta'n! Ahihang kei dei bang hi ngawlin, nangma deina bang hi tahen,” ci hi.

Matthew 26:42

Khatvei ma, Jesus pai in thu ngen hi, “Ka Pa awng, hi hai ka dawn phot ngawl peuma in, hi thuakna hai sia hong kilaaksak ngawl tu ahile nangma deina bang hi tahen,” ci hi.

Mark 3:35

“Pathian dei bang a ngamtate sia, ka suapuipa, ka suapuinu le ka nu ahi hi,” ci in zo kik hi.

Mark 9:47

Tuaciang na mittang khat in na upna uh a lalsak le khelkeak in! Pathian Ngam sungah mittang langkhat nguak taw tum le uhte hell sungah mittang cingin hong kivawk sangin phazaw hi.

Luke 11:28

Ahizong Jesus in, “Tua sangin Pathian kammal za a, a zuite in bangza in thupha nga zaw ziam!” ci in, zo kik hi.

Luke 13:25

Inn nei pa in tho in, kongkha hong khak tu hi. Tuasia ciang doipua pan in, kongkha king in, ‘Topa kong hong hon ta'n,’ na ci uh hang, ‘No koisung pan hong pai ci hong he ngawl khi hi,’ ci tu hi.

Luke 18:25

Sumhau khat ii Pathian Ngamsung a tum tu sia, kalaoh khat ii phin bilvang sungah a tum tu sangin haksa zaw hi,” ci hi.

Luke 6:46

“Banghangin ‘Topa, Topa’ hong cici napi, kong son bang vawt ngawl nu ziam?

John 14:7

Tu in kei hong he zo na hi uh ciang, ka Pa zongh na he tu uh hi, tuaciang tu pan kipan ama na he uh a, na mu zo uh hi,” ci hi.

John 15:23

Kei hong ensan sia in ka Pa zongh a ensan ahi hi.

John 3:5

Jesus in “Thumaan hong son khi hi. Tui le Thaa taw a suak buale, Pathian Ngam sungah kuama tum thei ngawl tu hi.

John 5:17

Jesus in amate tungah, “Ka Pa a tawntungin naseam a, kei zongh ka sep kul hi,” ci in zo hi.

John 6:40

Banghang ziam cile ka Pa ii deina sia, Tapa mu a, ama a umte theampo in tawntung nuntakna a nga natu ahi hi. Tuaciang ni tawpkhakbel ni in, amate nuntakna sungah ka thosak tu hi,” ci hi.

John 7:17

Pathian dei bang a ngamta nuamte peuma in, Pathian kung pan hong pai thu ziam, tua ahibuale keima aituam thuneina taw hil khi ziam, he tu hi.

Sawltakte 14:22

Amate in thu umte thakho sua uh a, upna sungah thumaan in a kip natu uh hanthawn uh hi. “Pathian Ngam sungah ih tum thei natu in, ngimna tam mama ih kaantan kul tu hi,” ci in hil uh hi.

Romete 12:2

Hi leitung pianzia zil in na om heak vun a, na thinsung uh kikhealthiangna taw Pathian in na sungsang uh panin na puuathaksak sitset vun. Tua hile a pha, dik a sak kicing a sak Pathian ii deinate na he tu uh hi.

Romete 2:13

Banghang ziam cile Pathian mai ah thutang suana in Thukham zaakna taw piang ngawl a Thukham sawlnate zuina taw piang hi.

Ephesus te 6:6

Hong kipok tu thangaina taw amate hong mu sung teng bekin, tuabangin ngamta heak vun a; Christ ii sila bangin, Pathian dei sia na thin theampo taw seam vun.

Colossae te 4:12

Epaphras zongh in hong paupui hi, ama in Jesus Christ ii naseampa khat hi a noma pawl sungah a kihel khat ahi hi. Ama in Pathian tungah note sia a khanthin le a cingtaak tak a, a thinzo Tapidawte, Pathian ii deina bang a, khuangkhim takin a zuite bangin kho takin, na din natu in nasia tatakin thu hong ngetsak tawntung hi.

1 Thessalonica te 4:3

Pathian in note thiangtho in, numei le pa paktatna pan a thiangtho tak a, a kipealte na hi tu uh hong dei hi.

1 Thessalonica te 5:18

na theampo sungah lungdamko vun. Christ Jesus taw pumkhat a, na nuntak sungah Pathian hong deisak thu in hisia ahi hi.

Titus 1:16

Amate in Pathian ka he uh ci ahihang, amate ngamtatnate taw kileebul hi. Amate sia ki etsatna taw kidim a, thu ni ngawl ahiciang a pha khat zongh seam tu in kiphu ngawl hi.

Hebrew te 4:6

Lungdamna Thu a za phit te in tua tawlngak nuam sia a saang bua uh hi. Banghang ziam cile amate in a um bua uh hi. Tua ahikom a saang tu in, a deisak midang om hi.

James 1:22

Ama ii kammal ngaina bek taw noma le noma kitheam heak vun a; ngamtatna taw zui paih zaw vun.

1 Peter 2:15

Banghang ziam cile a pha na vawt uhte taw, mihing mawmawte ii a mot paunate na thimsak tu uh Pathian in hong deisak hi.

1 Peter 4:2

Tua ahikom tu pan kipanin, na leitung nuntakna uh a om laiteng, mihing ii deinate in uksak heak vun a, Pathian ii deina in uksak hamtang vun.

Thupualaakna 22:14

Nuntakna thingnga neak thei natu le khuapi sungah kongkha kaantan in pai thei natu in a puantual a sawp thiangte in mihing hamphate ahi uh hi.

Thupualaakna 3:5

Zawna a ngate in hi bang puankaang a silh tu hi, tuaciangin amate min sia a nungtate min khumna laibu sung pan ka phiat buatu hi. Ka Pa le a vantunglalangte mai ah amate sia keima neisa ahi hi, ci in a kilangh takin ka thangsak tu hi.